ইন্দিয়ন এদমিনিস্ত্রেতিব সর্ভিস (আই.এ.এস.)কী ১৯৮৮ বেত্চ মহারাস্ত্র কেদরগী শ্রী অপুর্ব চন্দ্র ঙসি লেবর অমসুং এমপ্লোইমেন্ত মন্ত্রালয়গী সেক্রেতরী ওইনা নৌনা থৌ পুরে‍। মসিগী মমাঙদা মহাক ঙাকশেল মন্ত্রালয়দা দিফেন্স একুইজিসনগী স্পিসিএল দাইরেক্তর জেনেরেল ওইনা থৌ পুরমদুনা লমদমসিগী ইন্দস্ত্রীশিংদগী ঙাকশেলগী মচাকশিং লৌশিনবগী লমদা অমদি ঙাকশেল লান্মীশিংবু শীংনবশিং থেংনবদা চঙদ্রবা মচাকশিং মতিক চানা থমদুনা আত্মনিরভর ভারতকী মায়কৈদা মরুওইবা থৌদাং য়ারম্মী‍।

সিঙিল ইঞ্জিনিয়র অমা ওইনা শ্রী চন্দ্রনা মহাক্কী সিভিল ইঞ্জিনিয়রিংগী বেসেলরগী দিগ্রী অমসুং স্ত্রকচরেল ইঞ্জিনিয়রিংদা মাস্তরগী দিগ্রী আই.আই.তি. দিল্লীদগী ফংখি‍। মহাক মহারাস্ত্র লৈঙাক অমসুং ভারত লৈঙাক্কী মখাদা থবক তৌনা তৌনা ইন্দস্ত্রীগা মরী লৈনবা হীরমশিং পায়বগী শাংলবা এক্সপিরিএন্স লৈ‍।

শ্রী চন্দ্র ভারত লৈঙাক্কী পেত্রোলিয়ম অমসুং নেচরেল গেস মন্ত্রালয়দা চহী তরেৎ হেন্না থবক তৌরম্লে‍। মহাক ইন্দস্ত্রীশিংদা থাউ পীবা, সপ্লাই লোজিস্তিক্স, ত্রান্সপোর্তেসন, থাউ পৈশিনবা অমসুং য়েন্থোকপনচিংবা হীরমশিংগা মরী লৈননা খুজিন থৌরাং শেমবদা য়াওদুনা লাকখি‍। মহাক নেচরেল গেস পুথোক পুশিনগী মচাক মথুম  অমসুং সিতী গেস দিস্ত্রিব্যুসন কম্পেনীশিং লিংখৎপা, এল.এন.জি. পুশিল্লকপগী তর্মিনেলশিং শেমগৎপা অমসুং ইন্দস্ত্রীশিংদা গেস পীবগী থবকশিংদা হকথেংননা য়াওখি‍। শ্রী চন্দ্র মহারাস্ত্র পি.এস.য়ু., জি.এ.আই.এল. (ইন্দিয়া) অমসুং পেত্রোনেত এল.এন.জি.গী বোর্দ ওফ দাইরেক্তরশিংদসু থৌ পুরম্মী‍। শ্রী চন্দ্র ঐচ.আর.দি.গী কেন্দ্র মন্ত্রালয়গী দিপার্তমেন্ত ওফ স্কুল এজুকেসন অমসুং লিতরেসীগী জোইন্ত সেক্রেতরী ওইনা ওগস্ত ২০১১দগী ফেব্রুৱারী ২০১৩ ফাওবা থৌ পুরম্মী‍।

শ্রী চন্দ্র ২০১৩দগী ২০১৭ ফাওবা চহী মরি হেন্না মহারাস্ত্র লৈঙাক্কী প্রিন্সিপাল সেক্রেতরী (ইন্দস্ত্রীজ) ওইনা থৌ পুরম্মী‍। মতমদুদা লৈবাকসিদা এফ.দি.আই. অমসুং অতৈ ইনভেস্তমেন্তশিং পুশিল্লকপদা মহারাস্ত্রনা লমজিংলম্মী‍। ইনভেস্তমেন্ত পুক্নীং চিংশিন্নবা ইলেক্ত্রোনিক পোলিসী, রিতেল পোলিসী, সিঙ্গল ৱিন্দো পোলিসীনচিংবা অনৌবা খুজিন থৌরাং কয়াদা শ্রী চন্দ্রনা মরুওইবা থৌদাং লৌখি‍। দিল্লী-মুম্বাই ইন্দস্ত্রিএল কোরিদোর (দি.এম.আই.সি.)কী মখাদা অহানবা স্মার্ত ইন্দস্ত্রিএল তাউনসিপ মহারাস্ত্রগী ঔরঙ্গবাদতা শ্রী চন্দ্রগী লুচিং মখাদা মথৌ তৌবা হৌখি‍। কম্মন ফেসিলিতী সেন্তরশিংগী খুত্থাঙদা মতমগী ওইবা তেক্নোলোজী ফংহন্নবগীদমক এম.এস.এম.ই.শিংগী ক্লস্তর ৭০ হেনবা মথৌ তৌহনখি‍। জেনেরেল ইলেক্ত্রিক, জেনেরেল মোতোর্স, ভোল্কস্বাজেন, মর্সিদিজ, ফেত খ্রিস্লর, মহিন্দ্র, পোস্কো, ইমর্সন, এল.জি., হেয়রনচিংবা মাঙজিন থাবা ইন্দস্ত্রিএল প্লেয়রশিং মিস্ত্র চন্দ্রগী মতমদা মহারাস্ত্রদা শেন থাদখি‍।

শ্রী অপুর্ব চন্দ্র ০১.১২.২০১৭দগী হৌরগা একুইজিসনগী থৌওং য়াঙশিলহন্দুনা ইন্দিয়ান আর্ম্দ ফোর্স মপাঙ্গল কনখৎহন্নবা ফিরেপকা লোয়ননা ঙাকশেল মন্ত্রালয়দা দাইরেক্তর জেনেরেল (একুইজিসন) ওইনা থৌ পুরকখি‍। মহাক্না অনৌবা দিফেন্স একুইজিসন প্রোসিজর দ্রাফ্ত তৌনবা কম্মিতী অদুবু লুচিংখি‍। দি.এ.পি. ২০২০ ওক্তোবর ১, ২০২০দগী চৎনবা হৌখি অমদি আর্ম্দ ফোর্সশিংগী মচাক মথুম লৌশিনবগী খোঙজেল য়াঙখৎহন্দুনা আত্মনিরভর ভারত য়োকখৎপদা চাউনা মতেং ওইগনি‍।

****