ଭାରତରେ ମୋଟ କରୋନା ପଜିଟିଭ୍ ମାମଲା ତୁଳନାରେ ସକ୍ରିୟ ମାମଲା ହାର କ୍ରମାଗତ ହ୍ରାସ ପାଉଛି । ଏବେ ଦେଶରେ ମୋଟ ପଜିଟିଭ୍ ମାମଲା ମଧ୍ୟରେ ସକ୍ରିୟ ମାମଲା ରହିଛି ମାତ୍ର 15.11% ଅର୍ଥାତ 9,40,441 ।

ଅଗଷ୍ଟ 1 ତାରିଖରେ ସକ୍ରିୟ ମାମଲା 33.32% ଥିବା ବେଳେ ସେପ୍ଟେମ୍ବର 30 ତାରିଖରେ ଏହା 15.11%କୁ ହ୍ରାସ ପାଇଛି ଯାହାକି ଦୁଇ ମାସ ମଧ୍ୟରେ ଅଧାରୁ କମ୍ ।

ଦେଶରେ କରୋନା ଆକ୍ରାନ୍ତଙ୍କ ସୁସ୍ଥତା ହାର କ୍ରମାଗତ ବୃଦ୍ଧି ପାଇ 83.33%କୁ ଛୁଇଁଛି । ଗତ 24 ଘଣ୍ଟା ମଧ୍ୟରେ ଦେଶରେ 86,428 ଜଣ ସୁସ୍ଥ ହୋଇଛନ୍ତି ।

ଦେଶରେ ଏବେ ମୋଟ ସୁସ୍ଥଙ୍କ ସଂଖ୍ୟା 51,87,825ରେ ପହଞ୍ଚିଛି । ସୁସ୍ଥତା ସଂଖ୍ୟା ଏବଂ ସକ୍ରିୟ ମାମଲାର ସଂଖ୍ୟା ମଧ୍ୟରେ ପାର୍ଥକ୍ୟ ଏବେ 42 ଲକ୍ଷ (42,47,384)କୁ ଅତିକ୍ରମ କରିଛି । ସୁସ୍ଥ ଲୋକଙ୍କ ସଂଖ୍ୟା ବୃଦ୍ଧି ପାଉଥିବାରୁ ଏହି ପାର୍ଥକ୍ୟ ବୃଦ୍ଧି ପାଇବାରେ ଲାଗିଛି ।

ଦେଶରେ ସକ୍ରିୟ ମାମଲା ହ୍ରାସ ପାଉଥିବାରୁ ସେପ୍ଟେମ୍ବର 22 ବେଳକୁ ଏହି ସଂଖ୍ୟା 10 ଲକ୍ଷ ତଳେ ରହିଥିଲା ।

ସକ୍ରିୟ ମାମଲା ମଧ୍ୟରୁ 76% 10ଟି ରାଜ୍ୟ; ମହାରାଷ୍ଟ୍ର, କର୍ଣ୍ଣାଟକ, କେରଳ, ଆନ୍ଧ୍ର ପ୍ରଦେଶ, ଉତ୍ତର ପ୍ରଦେଶ, ତାମିଲନାଡ଼ୁ, ଓଡ଼ିଶା, ଆସାମ, ଛତିଶଗଡ଼ ଏବଂ ତେଲଙ୍ଗାନାରୁ ଆସିଛି ।

ମହାରାଷ୍ଟ୍ରରୁ ସର୍ବାଧିକ 2,60,000 ମାମଲା ଆସିଛି ।

ଟେଷ୍ଟ, ଟ୍ରାକ, ଟ୍ରେସ୍, ଟ୍ରିଟ, ଟେକ୍ନୋଲୋଜିର କୌଶଳ ପ୍ରୟୋଗ କରି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳ ଗୁଡ଼ିକ ସୁସ୍ଥ ହାର ବୃଦ୍ଧି କରୁଛନ୍ତି । 14ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ 5 ହଜାରରୁ କମ୍ ସକ୍ରିୟ ମାମଲା ରହିଛି ।

10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳରେ ମୋଟ ସୁସ୍ଥଙ୍କ ମଧ୍ୟରୁ 78% ଅଛନ୍ତି । ମହାରାଷ୍ଟ୍ରରେ ସର୍ବାଧିକ 10,00,000ରୁ ଅଧିକ ସୁସ୍ଥ ହୋଇଥିବା ବେଳେ ଆନ୍ଧ୍ର ପ୍ରଦେଶରେ 6,00,000ରୁ ଅଧିକ ସୁସ୍ଥ ହୋଇଛନ୍ତି ।

ଗତ 24 ଘଣ୍ଟା ମଧ୍ୟରେ ନୂଆ 80,472ଟି ସକ୍ରିୟ ମାମଲା ହୋଇଛି ।

ନୂତନ ମାମଲାରୁ 76% 10ଟି ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରୁ ଆସିଛି । ଏଥିରୁ ମହାରାଷ୍ଟ୍ରରେ ସର୍ବାଧିକ ପ୍ରାୟ 15,000 ଥିବା ବେଳେ କର୍ଣ୍ଣାଟକରେ 10 ହଜାରରୁ ଅଧିକ ମାମଲା ଆସିଛି ।

ଗତ 24 ଘଣ୍ଟା ମଧ୍ୟରେ ଦେଶରେ 1179 ଜଣଙ୍କ ମୃତ୍ୟୁ ହୋଇଛି ।  ଏଥିରୁ 85% 10ଟି ରାଜ୍ୟ/କେନ୍ଦ୍ରଶାସିତ ଅଞ୍ଚଳ; ମହାରାଷ୍ଟ୍ର, କର୍ଣ୍ଣାଟକ, ପଞ୍ଜାବ, ତାମିଲ ନାଡ଼ୁ, ଉତ୍ତର ପ୍ରଦେଶ, ପଶ୍ଚିମବଙ୍ଗ, ଦିଲ୍ଲୀ, ଛତିଶଗଡ଼, ମଧ୍ୟପ୍ରଦେଶ ଏବଂ ଆନ୍ଧ୍ର ପ୍ରଦେଶ । ଏଥିରୁ କେବଳ ମହାରାଷ୍ଟ୍ରରେ 36% (430 ମୃତ୍ୟୁ)ରୁ ଅଧିକ ମୃତ୍ୟୁ ହୋଇଛି । 

**********