হকশেল অমসুং য়াইফ-য়ুম্বাল, সাইন্স অমসুং তেক্নোলোজী অমসুং আর্থ সাইন্সেস মন্ত্রী দা. হর্শ ভর্ধন, অমসুং শ্রী সন্তোশ কুমার গঙ্গ্বার, লেবর অমসুং ইমপ্লোইমেন্তকী রাজ্যগী মন্ত্রী (আই./সি.)না অপুনবা ওইনা ইন্দস্ত্রী অমসুং ইস্তাব্লিশমেন্তকী ওইবা কোবিদ-১৯ থেংননবা অশোই অঙাম য়াওদ্রবা থবক শুফম অমগী চৎন-কাংলোনশিং ঙসি ফোংখ্রে। চৎন-কাংলোনশিং অসি শেম্বদা চেকশিন্না শেন্নবীখিবা দা. ভি.কে. পাউল, মেম্বর নিতি আয়োগসু ফোংবগী থৌরম অসিদা অথোইবা মীথুংলেন ওইনা শরুক য়াখি।

শ্রী হীরা লাল সমারিয়া, সেক্রেতরী, লেবর অমসুং ইমপ্লোইমেন্ত, শ্রীমতি অনুরাধা প্রসাদ, দিরেক্তর জেনরেল, ইসিক, শ্রীমতি আর্তি, এদিসনেল সেক্রেতরী এম.ও.ঐচ. অমসুং এফ.দব্ল্যু. অমসুং প্রোফেসর (দা.) সুসিল কুমার দি.জি.ঐচ.এস. অমসুং ই.এস.আই. কোর্পোরেসন মেম্বরশিংনা থৌরম অদুদা শরুক য়াখি। ইন্দস্ত্রী/ইস্তাব্লিশমেন্ত এসোসিএসন, ত্রেদ য়ুনিয়নগী ফম পুরিবশিং অমসুং রাজ্য সরকারগী মীহুৎশিংনা লৈবাক শিনবা থুংনা পাঙথোকখিবা ওনলাইন্দা ফোংবগী থৌরমদা শরুক য়াখি।

দা. হর্শ ভর্ধন, মন্ত্রীনা চৎন-কাংলোন অসিগী মরুওইবশিংবু শিংথাখি অমসুং ভারত সরকারনা কোবিদ-১৯ লাইচৎ অসি লাকশিন্নবগীদমক পায়খৎখিবা থৌরাংশিংগী মতাংদা ফোংদোকখি। মহাক্না থবক শুফমশিংদা সোসিএল দিস্তেন্সিং ঙাকপগী তঙাইফদবা অমসুং এম.ও.ঐচ. অমসুং এফ.দব্ল্যু.না মতম মতমগী ওইনা পীরিবা চৎন-কাংলোনশিং ঙাক্না চৎপগী তঙাইফদবশিং ফোংদোকখি। মহাক্না ইসিক্না কোবিদ-১৯ থেংননবা হোৎনবদা অমসুং মগুন লৈবা কোবিদ-কেয়র ইসিক্কী হোস্পিতালদা ভারত শিন থুংনা মীয়ামদা পীরিবা অসিগীদমক থাগৎখি। মহাক্না ইন্দস্ত্রী অমসুং ইস্তাব্লিশমেন্তশিংনা পীরিবা চেকশিল থৌরাংশিং ইন্নবা অমসুং থবক শুফমশিংদা তঙাইফদবা শেমদোক শেমজিন তৌনবা অমসুং লল্লোন ইতীক্কী থবক লেপতনবা লৌখৎফম থোকপশিং লৌখৎনবা খঙহনখি।

শ্রী সন্তোশ কুমার গঙ্গ্বারনা মহাক্কী ৱারোলদা হন্দক্তা নৌনা পাস তৌখিবা লেবর দোদ অহুম্বু থাগৎখি। মহাক্না হায়খি মদুদি বিলশিং অসি পাস তৌবগা লোইননা, অহেনবা শিন্মীশিংনা সোসিএল সেক্যুরিতীগী কান্নবা ফংলগনি। মহাক্না মখা তানা হায়খি মদুদি বিলশিং অসিনা থবক তৌবদা কোমহল্লগনি। মহাক্না হায়খি, ইসিক্না মখোয়গী চাগা নেমজবা শিন্মী ওইরিবা ইস্যুর্দ পার্সনশিংদা সোসিএল সেক্যুরিতী পীনবা হৌদোকখিবা মীকুপ্তগী হৌজিক ফাওবদা লেপ্পা লৈতনা হোৎনরি অমসুং হৌজিক্তি হৌজিক লৈরিবা করোর ১২গী কান্নবা ফংগদবা মীওইশিং অসিগী মথক্তা সোসিএল সেক্যুরিতী কোদ লাকপদগী অমসুং ই.এস.আই. স্কিমসু লৈবাক শিনবা থুংনা শকখঙলবা লৈবাক অসিগী  জিল্লাশিংদা চৎনরগদবনা মশীং কা হেন্না হেনগৎলগনি। শ্রী গঙ্গ্বারনা হায়খি মদুদি ইসিক্না ইন্স্যুর্দ শিন্মীশিংদা অমসুং মীয়ামদা কোবিদ লাইচৎকী মনুংদা শেলগী তেংবাং অমসুং হকশেলগী প্রোতেক্সন পীনবা খোঙথাং কয়া লৌখৎখি। মহাক্না হায়খি মদুদি অতল বিমিৎ কলিনা য়োজনাগী মখাদা অনইমপ্লোইমেন্ত রিলিফসু চাদা ২৫দগী ৫০দা হেনগত্তুনা ২৪.৩২০২০দগী ৩১.১২.২০২০ ফাওবদা থবক ফংদবগী ক্বালিফাইং ক্রাইতরিয়াদা কোম্থোকপা থম্লগনি। মমাংদা ইসিক্না ২০২০গী মার্চ অমসুং এপ্রিল থাগী পেনালতী অমত্তা পীদনা কন্ত্রিব্যুসন পীবা চোন্থবগী অয়াবা পীখি।

মখা তানা, ইসিক্না কোবিদ-১৯ লাইয়েংনবা হোৎনবদা মতেং পাংলি। অপুনবা ওইনা ইসিক হোস্পিতাল ২৩দা ফমুং ৩৫৯৭ লৈদুনা কোবিদ-১৯গী অখন্না হোস্পিতাল ওইদুনা মীয়ামদা কোবিদকী মেদিকেল সর্বিস পীখ্রে। মখা তানা, অপুনবা আই.সি.য়ু./ঐচ.বি.দি. ফমুংদা ভেন্তিলেতর ২১৩ থমদুনা হোস্পিতালশিং অসিদা ফংহল্লি। মন্ত্রীনসু ইসিক হোস্পিতাল, বিহতাদা ফমুং ৫০০ অমসুং আই.সি.য়ু. ১২৫কা লোইননা কোবিদ হোস্পিতাল ওইনা মথৌ তৌরিবা অসিগী মতাংদা পনখি। ইসিক মেদিকেল কোলেজ অমসুং হোস্পিতাল ফরিদাবাদ, (হরিয়ানা), সনাথ নাগর, হাইদেরবাদ (তেলঙ্গানা), গুবার্গা (কর্নাতাকা), কে.কে. নাগর (চেন্নৈ), রাজাজি নাগর (বেঙ্গলুরু), অমসুং ইসিক পি.জি.এম.এস.আর., বসাইদারপুর (দিল্লী)না আই.সি.এম.আর.না অয়াবা পীরবা কোবিদ-১৯ লেব তেস্ত সর্বিস পীরি। কনভালেসেন্ত প্লাজমা থেরাপী ত্রিৎমেন্তসু ইসিক মেদিকেল কোলেজ ফরিদাবাদ (হরিয়ানা) অমসুং মনাথ নাগর, হাইদেরবাদ (তেলঙ্গানা)দা পীরি।

দা. ভি.কে. পাউল, মেম্বর নিতি আয়োগ্না হায়খি মদুদি ইন্দস্ত্রিএল শিন্মীশিংগী থবক শুফমগী চৎন-কাংলোনশিং অসি কোবিদ-১৯ লাইনা লৈবাক অসিগী ইন্দস্ত্রিএল ৱার্কফোর্সতগী ঙাকথোক্নবা হোৎনবদা য়াম্না মতেং ওইগনি। মসিনা লৈবাক অসিগী প্রদক্সন অমসুং শেন্মিৎলোন লেপতনবা হোৎনবদা মরুওইবা থৌদাং লৌরি। মসিগা লোইননা, ইদস্ত্রীদা থবক শুরিবশিং অমসুং মখোয়গী ইমুং মনুংশিংবুসু তেক্ত কাইদনা অমসুং অকিবা লৈতবা ওইহল্লগনি। মসিগী চৎন-কাংলোনশিং অসি য়াম্না মতম চাই অমসুং পাকশন্না শন্দোক্তুনা চৎনহনগদবনি।

কোবিদ-১৯ লান্থেংননবা ইন্দস্ত্রী অমসুং ইস্তাব্লিশমেন্তশিংগী শাফরবা থবক শুফম অমগী চৎন-কাংলোনশিংগী মতাংদা;

চৎন-কাংলোনশিং অসি ইমপ্লোয়র অমসুং শিন্মীশিংনা মখোয়গী জগাদা লিংখৎলিবা ইন্দিভিজ্বেল ৱার্কপ্লেসশিংদা কোবিদ-১৯গী রিস্ককী চাং খঙদোক্নবা অমসুং লাকশিন্নবা মতীক চাবা খোঙথাং লৌখৎনবা শেমখিবনি। চৎন-কাংলোনশিং অসি লাইরিক মচা অমগী মওংদা থবক শুফমশিংবু নিংশা হোনবা নুংঙাইহনবা, তোইনা খুৎ হাম্বা, সোসিএল দিস্তেন্সিং অমসুং থবক শুফম তোইনা সেনিতাইজ তৌনবা মরুওইবা খোঙথাং কয়া য়াওরি। মসিদা কোবিদ-১৯ থবক শুফমদা শন্দোক্তনবা স্ত্রকচরেল অমসুং এদমিনিস্ত্রেতিব মিজর অমসুং ঐচ.আর. পোলিসীশিং কুপ্না য়াওরি। তোঙান-তোঙানবা থবকশিংদা লৈরিবা কোবিদকী রিস্কশিং এসেস্মেন্ত তৌবা, কেতেগোরাইজ তৌবা অমসুং মিতিগেসন তৌনবগী চৎন-কাংলোন, অমসুং কন্তিঞ্জেন্সী প্লানশিং মসিদা য়াওরি। থবক শুফমদা নারকপা মতমদা আইসোলেসন অমসুং মেনেজমেন্ত তৌবগী মতাংদসু কুপ্না ইরি। তৌগদবা অমসুং তৌরোইদবা লোনচৎশিংসু স্তেকহোল্দর খুদিংমক্কী ওইনা চৎন-কাংলোনশিং অসিদা ইরি।

শ্রী গঙ্গ্বারনা বিজিনেস কম্ম্যুনিতী অমসুং ৱার্কফোর্সশিংদা কোবিদ-১৯ লাইচৎ শন্দোকপা থিংনবা অমসুং কর্বার মখা তানা চত্থবা য়ানবগীদমক চৎন-কাংলোনশিং অসি ইনবীনবা পুক্নিং চিংশিনখি।

ভারত্তা ই.এস.আই. স্কিমঃ

ইমপ্লোই'স স্তেৎ ইন্সুরেন্স কোর্পোরেসন অসি লমজিংনিংঙাই ওইবা মরম চাবা মেদিকেল কেয়র অমসুং থবক্না অশোক অপন থোকহনবা, নাবা, লৈতবা অসিনচিংবা য়াওরকপা মতমদা শেলগী মতেং পীনবা সোসিএল সেক্যুরিতীগী কান্নবশিং পীনবা সোসিএল সেক্যুরিতী ওর্গনাইজেসন অমনি। মসিনা শিন্মীগী ইমুং করোর ৩.৪৯ কোনশিল্লি অমসুং কান্নবা ফংগদবা করোর ১৩.৫৬তা মরম চানা মেদিকেলগী ওইনা শেলগী মতেং পীরি। ঙসিদি মসিগী ইনফ্রাস্ত্রকচর অসি দিস্পেন্সরী ১৫২০ (মোবাইল দিস্পেন্সরী য়াওনা)/আই.এস.এম. য়ুনিৎ ৩০৭ অমসুং ই.এস.আই. হোস্পিতাল ১৫৯, ব্রাঞ্চ/পে ওফিস ৭৯৩ অমসুং রিজনেল অমসুং সব-রিজনেল ওফিস ৬৪ য়াওনা মশিং হেনগৎলক্লি। ই.এস.আই. স্কিম অসি ঙসিদি লৈবাক অসিগী রাজ্য অমসুং য়ুনিয়ন তেরিতোরী ৩৪গী জিল্লা ৫৬৬তা চৎনরি।

*****