য়ুমলৈ-কৈরৈ মন্ত্রালয়

লম অমগী আইন ইন্দবগী মরম অসি মীওইবগী হকনি হায়না পীরোইদবনি

Posted On: 29 SEP 2020 6:37PM by PIB Imphal

এম্নেস্তী ইন্তর্নেস্নেলনা লৌরিবা ফিরেপ অমসুং থাদোরক্লিবা ৱারোল অসি লাইবক থিবনি অমসুং মসি য়াম্না হেঞ্জিনবতা নত্তনা অচুম্বদগী নাথৌবনি।

থৌদোক অসিগী ৱারোলশিং মখাদা পীরিঃ

এম্নেস্তী ইন্তর্নেস্নেলদা ফোরেন কন্ত্রিব্যুসন (রীগুলেসন) এক্ত (এফ.সি.আর.এ.)কী মখাদা অয়াবা অমা অমুকলক্তং ফংখি অমসুং মসিসু চহি ২০গী (১৯/১২/২০০০) মমাংদনি। মসিদগী হৌনা এম্নেস্তী ইন্তর্নেস্নেলদা, মখোয়না কয়ারক হন্না হায়জরবসু, পানখিবা সরকারশিংনা আইনগী মতুংনা অয়াবা পীবদা মতিক চাদবা ওইবনা এফ.সি.আর.এ.গী অয়াবা পীখিদে।

তৌবতবু এফ.সি.আর.এ.গী কাঙলোনবু তোঙানবা মওং অমদা য়েংলদুনা এম্নেস্তী য়ু.কে.না ফোরেন দাইরেক্ত ইনবেস্তমেন্তনি (এফ.দি.আই.) হায়রদুনা ভারত্তা রেজিস্তর তৌবা এন্তিতী ৫দা চাউরবা শেনফম কয়া থারকখি। এফ.সি.আর.এ.গী মখাদা এম.ঐচ.এ.গী অয়াবা য়াওদনা এম্নেস্তী (ইন্দিয়া)দা চাউরবা মীরমগী শেলসু থারকখি। মসিগী অরানবা ৱাখল চেনবা শেল থারকপগী থৌওং অসি হৌজিক চৎনরিবা লীগেলগী ৱারোলশিংগী ৱাংমদনি।

মসিগী এম্নেস্তীগী আইন্না য়াদবা থৌওংশিং অসিনা মরম ওইদুনা এম্নেস্তীনা মপান লমদগী শেল ফংবগী অয়াবা পীনবা হঞ্জিন হঞ্জিন্না হায়রক্লবফাওবা সরকারনা অয়াবা পীখিদে। মসিনা মরম ওইদুনা মতম অসিগী মনুংদা এম্নেস্তীনা মখোয়গী ভারত্তা পাঙথোকপা থবক খুদিংমক অমুক্লক থিংজিল্লুরে। তোঙান তোঙানবা সরকারশিংনা মসিগী নাকল অনিগী মরক্তা য়ানবা পুরকপা অমসুং আইন্না য়াবা থবক কয়া এম্নেস্তীগী মাইকৈদা পাঙথোকখিবশিং অসিনা হীরম অসিদা লাল্লিবা অসি এম্নেস্তীনা মখোয়গী থবকশিংগীদমক্তা শেল ফংনবা হোৎনখিবা তোঙান তোঙানবা থাজবা য়াদবা থৌওংশিং অসিননি হায়না ময়েক শেংনা উবা ফংলি।

মীওইবা খুন্নাইগী তেংবাংনবগীদমক্তা থবক পাঙথোকপা অমসুং অচুম্বগী শক্তিগী ৱারোল কয়া অমা মখোয়না হায়রিবা অসি ভারতকী আইনগী ৱাংমদা লৈবা মখোয়গী থবক-থৌরম কয়াদগী নাথৈনবা হায়বা ঙাক্তনি। মসিগী ৱারোলশিং অসিনা মখোয়না হৌখিবা চহি খরগী মনুংদা পাঙথোকখিবা অশোইবা অমসুং আইন্না য়াদবা থৌওংশিংগী মতাংদা এজেন্সী কয়া অমনা মখোয়গী মায়োক্তা থিজিন হুমজিনবগী থৌওং পাঙথোকপদা অরানবা ইথিল পীননবনি।

অতোপ্পা তোঙান তোঙানবা লুপশিংনা তৌবগুম্না এম্নেস্তীসু ভারত্তা মীওইবা খুন্নাইগী তেংবাংবগী থবক তৌবদা অথিংবা লৈতে। অদুবু আইন্না পুন্দুনা চৎপা ভারত্তদি মীরমগী শেলনা তেংবাংবা এন্তাইতী অমনা লৈবাক্কী ওইবা নুংগী রাজনিতীগী হীরমশিংদা খুৎ-থিংজিনবগী অয়াবা পীদে। মসিগী আইন অসি পুম্নমক্কিনি অমসুং মসিনা এম্নেস্তী ইন্তর্নেস্নেলদসু পাল্লি।

ভারত অসিদা ফ্রী প্রেস, নিং-খা তম্বা জুদিসিএরী অমসুং লৈবাক্কী মরমদা ৱারোল কয়া খন্নবগী ফজরবা নাৎ অমগা লোয়ননা মওং য়াম্বা অমসুং নীংথিরবা গনতন্ত্রগী চৎনবী লৈ। ভারতকী মীয়াম্না হৌজিক পাল্লিবা সরকারদা থাজবা য়াম্না থম্মি। এম্নেস্তীনা লমদমসিগী কাঙলোন ইনবা ঙমদবা অসিনা মখোয়না ভারতকী গনতন্ত্রা অমসুং তোঙান তোঙানবা চৎনবী লৈবা অসিগী মতাংদা ৱা ঙাংবগী অয়াবা পীদে।

*****



(Release ID: 1660131) Visitor Counter : 58