ফর্তিলাইজর বিভাগকী মখাদা লৈবা পি.এস.য়ু. অমা ওইরিবা নেস্নেল ফর্তিলাইজরস লিমিতেদনা তোঙান তোঙানবা হীরমশিংদা নহাশিংবু তাকপী-তম্বীদুনা হেবী অমসুং প্রোসেস ইন্দস্ত্রীশিংদা থবক তৌবগী তাঞ্জা হেনগৎহন্নবা হায়দুনা ইন্দস্ত্রীএল ত্রেনিং ইন্সতিত্যুৎ (আই.তি.আই.) রাঘোগরহগা খুৎশম্নখ্রে।

এন.এফ.এল. বিজয়পুর য়ুনিৎনা মনাক নকপদা লৈবা আই.তি.আই., রাঘোগরহগা নহাশিংবু ইলেক্ত্রিসিয়ান, ফিত্তর অমসুং ৱেলদরগী ত্রেদশিংদা তাকপী-তম্বীনবা এম.ও.য়ু. অমগী খুৎয়েক পীনখ্রে। থৌওং অসিনা মহৈরোইশিংবু দুএল সীস্তেম ওফ ত্রেনিং স্কিমগী মখাদা স্কিল পীগনি অমসুং মসিগী মতেংদগী মখোয়না ইন্সতিত্যুৎ অসিদগী থীওরিতিকেল স্কিলশিং অমসুং এন.এফ.এল. বিজয়পুর প্লান্ততা থা তরুক্কী ওইনা থবক তৌবা ওইনা মহৈ তমগনি।

ত্রেনিং অসিগী অপুনবা মতম অসিদি আই.তি.আই.গী করিকলমগী মখা পোনগনি। অদুবু ত্রেনিং য়াওরিবা মহৈরোয়শিংনা আই.তি.আই. ত্রেনিং অসিগী অপুনবা মতমগী মথক্তা এন.এফ.এল. বিজয়পুর য়ুনিত্তা থা তরুক্কী এক্সপোজর/ইন্দস্ত্রীগী ত্রেনিং তৌবগী খুদোংচাবা ফংগনি।

হায়রিবা এম.ও.য়ু. অসি এন.এফ.এল. বিজয়পুর য়ুনিৎকী চীফ মেনেজর (ঐচ.আর.) শ্রী নরেন্দর সিংহ অমসুং আই.তি.আই., রাঘোগরহগী প্রিন্সিপাল শ্রী জে. পি. কোলিগী মরক্তা এন.এফ.এল. বিজয়পুরগী সি.জি.এম. শ্রী জগদিপ শাহ সিংহগী মমাংদা খুৎয়েক পীনখিবনি।

কম্পেনী অসিনা প্লান্ত অসিগী অকোয়বদা লৈবা নহাশিংদা ত্রেনিং পীদুনা স্কিল ইন্দিয়াগী থৌওংবু খুমাং চাউশিলহনবা ওইনা মতুংদসু অসিগুম্বা খুদোংচাবা কয়া পীনবা থৌরাং তৌরি।

এন.এফ.এল.গী ওইনা পঞ্জাবকী নঙ্গল অমসুং বথিন্দা প্লান্ত, হরয়ানাগী পানিপৎ প্লান্ত অমসুং মধ্য প্রদেশকী গুনা জিলাদা প্লান্ত অনি লৈদুনা গ্যাস্তা য়ুম্ফম ওইবা এমোনিয়া-য়ুরিয়া প্লান্ত ৫ লৈ।

*****