লৌউ-শিংউ মন্ত্রালয়

২০২০-২১ খরিফ সিজন অসিগী মনুংদা রাজ্যশিংদা এম.এস.পি. ওপরেসনশিংগী মতেং পাংনবা অহানবা ইন্সতোলমেন্ত ওইনা এন.সি.দি.সি.না লুপা কোতি ১৯৪৪৪গী শেনফম কাইথখ্রে

Posted On: 27 SEP 2020 6:41PM by PIB Imphal

কেন্দ্রগী লৌউ-শিংউ মন্ত্রালয়গী এপেক্স ফাইনান্সিয়েল ওর্গনাইজেসন অমা ওইরিবা নেস্নেল কোওপরেতিব দিভেলপমেন্ত কোর্পোরেসন(এন.সি.দি.সি.)না মিনিমম সপোর্ত প্রাইস(এম.এস.পি.)ওপরেসন্সকী মখাদা খরিফ পেদী প্রোক্যোরমেন্তগীদমক ছতিস্গর, হরিয়ানা অমসুং তেলঙ্গনা রাজ্যশিংদা ইহান হানবা ইন্সতোলমেন্ত ওইনা লুপা কোতি ১৯৪৪৪গী শেনফম কাইথখ্রে৷

হায়রিবা শেনফমশিং অসি রাজ্যশিং/ রাজ্য অদুগী মার্কেতিং ফেদেরেসনশিং মখোয় মখোয়গী মরী লৈনবা কোওপরেতিব ওর্গনাইজেসনশিংগী খুৎথাংদা মতম চানা পেদী প্রোক্যোরমেন্ত তৌবদা মতেং পাংন্নবগীদমক শেনফম অসি কাইথখিবনি৷ ছতিস্গরনা লুপা কোতি ৯০০০ ফংদুনা খ্বাইদগী য়াম্বা শেনফম ফংই৷ হরিয়ানাদা লুপা কোতি ৫৪৪৪ অমসুং তেলঙ্গনাদা লুপা কোতি ৫৫০০ কাইথখ্রে৷

কোবিদ লাইনা-লাইচৎ অসিগী মনুংদা এন.সি.দি.সি.না লৌখৎলিবা খোংথাং অসিনা লৈবাক অসিগী পুথোক্লিবা ফৌ অদুগী ৭৫%গী চাংদা রাজ্যশিং অসিগী লৌমীশিংনা পুথোক্লিবা অসিদা রাজ্য অহুম অসিগী লৌমীশিংদা য়াম্না দরকার লৈরিবা শেল-থুমগী মতেং অদু ফংহল্লগনি৷ মতম চানা লৌখৎপা খোংথাং অসিনা রাজ্য অসিগী এজেন্সীশিংনা তপথদনা ওপরেসনশিং চৎথবদা মতেং পাংলগনি৷ মসিনা লৌমীশিংনা মিনিমম সপোর্ত প্রাইসতা মখোয়গী পোত্থোক অদু য়োঞ্জবা মতমদা লৌমীশিংনা দরকার ওইরিবা মতেং অদুসু ফংহল্লগনি৷

এন.সি.দি.সি.গী মেনেজিং দাইরেক্তর শ্রী সন্দীপ নায়কনা ফোংদোকখ্রে মদুদি প্রধান মন্ত্রীনা পীরকপা ক্লারিয়ন কোল অদুগী মতুং ইনবা ওইনা এন.সি.দি.সি.না হিস্তোরিক ফার্মগা মরী লৈনবা লেজিসলেসনশিংগী মরমনা লৌমীশিংদা তশেং তশেংবা পোৎকী ওইবা মমল পীন্নবগীদমক এম.এস.পি. ওপরেসনশিং চৎথবদা অহেনবা রাজ্যশিংদা মতেং পাংনবা শেম শাদুনা লৈরি হায়না হায়খ্রে৷

*****



(Release ID: 1659890) Visitor Counter : 169