ঙাকশেল মন্ত্রালয়

ঙাকশেল মন্ত্রীনা দিফেন্স একুইজিজন প্রোসিজর – ২০২০ ফোঙদোকখ্রে

অনৌবা দি.এ.পি.দা লমদমসিগী দিফেন্স ইন্দস্ত্রী অমসুং মেক ইন ইন্দিয়াদা ইনোৎ হাপ্নবা থৌরাং কয়া হাপচিল্লে;

মতম পন্থবা হন্থহন্নবা অমদি ইজ ওফ দুইং বিজিনেসকী ফীভম ফগৎহন্নবা থৌওংশিং লায়থোকহল্লে

Posted On: 28 SEP 2020 3:54PM by PIB Imphal

ঙাকশেল মন্ত্রী শ্রী রাজনাথ সিংহনা ঙসি নই দিল্লীদা দিফেন্স একুইজিসন প্রোসিজর (দি.এ.পি.) – ২০২০ ফোঙদোকখ্রে‍। অহানবা দিফেন্স প্রোক্যুরমেন্ত প্রোসিজর (দি.পি.পি.) ইং ২০০২দা চৎনহনখিবনি‍ অমদি মদুদগী হৌনা চাওখৎলক্লিবা লমদমসিগী ইন্দস্ত্রীদা মতিং হাপ্নবা অমদি দিফেন্স মেনুফেকচরিংদা মরোমদোম লেপচবা ঙম্নবগীদমক মতম মতমগী ওইনা শেমদোক্তুনা লাকপনি‍। ঙাকশেল মন্ত্রীনা দি.এ.পি.-২০২০ শেম্নবগীদমক ওগস্ত ২০১৯দা দি.জি. (একুইজিসন) শ্রী অপুর্ব চন্দ্রনা লুচিংবা মেন রিভিউ কম্মিতী শেম্বদা অয়াবা পীখি‍। দি.এ.পি. ২০২০ চহী অমা হেন্না মখাদা পীরিবসিগুম্নবা স্তেকহোল্দর কয়াদগী ৱাফম/ৱাখল্লোন কয়া লৌশিল্লবা মতুংদা শেম্বনি‍।

২.      দি.এ.পি. ২০২০ অসি লৈঙাক্কী আত্মনিরভর ভারতকী মঙলানগা চুননা ভারতপু মালেমগী মেনুফেকচরিং হব অমা ওইহন্নবগী পান্দমগা লোয়ননা মেক ইন ইন্দিয়া থৌরাংশিংগী খুত্থাঙদা ভারতকী দোমেস্তিক ইন্দস্ত্রী মপাঙ্গল কলহনবগী পান্দমগা চুননা শেমবনি‍। অনৌবা ফোরেন দাইরেক্ত ইনভেস্তমেন্ত পোলিসী লাউথোকখিবগা লোয়ননা দি.এ.পি. ২০২০দা ভারতকী দোমেস্তিক ইন্দস্ত্রীশিংগী ইন্তরেস্ত ঙাক্তুনা মপান্দগী পুশিল্লকপা মহুৎ শিন্নবা অমদি মপান্দা থাদোক্নবগীদমক মেনুফেকচরিং হব শেমগৎনবা এফ.দি.আই. পুক্নীং থৌগৎনবা প্রোভিজন মতিক চানা য়াওরে‍। আত্মনিরভর ভারত অভিয়ানদা য়াওরিবা অকক্নবা রিফোর্মশিংসু মখাগী অসুম্না য়াওহল্লে:-

(ক)     মপান্দগী পুশিল্লকপদা অথিংবা থম্নবা খুৎলায়/ফম্বাকশিংগী লিস্ত লাউথোক্লে‍। লাউথোক্লিবা মতমগী মতুংদা লিস্ততা য়াওরিবা খুৎশু খুৎলয়া অমত্তা পুশিল্লক্তনবা দি.এ.পি.দা মরী  লৈনবা ৱাফম হাপ্লে‍।

(খ)     মপান্দগী পুশিল্লকপা স্প্যারশিং লমদমসিদা শাবা

(১)    ঈ-পাউগীদমক হায়জবা‍। আর.এফ.আই. স্তেজনা স্প্যার/ সব কম্পোনেন্ত থাক্তা মেনুফেকচর তৌনিংবা অমদি লমদমসিগী ওইবা ইকোসিস্তেম অমা শেমগৎনিংবা মপানগী ভেন্দরশিংগী অপাম্বশিং থিজিনগনি‍।

(২)     লৈবগী অনৌবা কেতগরী (মালেম – ভারত্তা শাবা)‍।‍ অনৌবা কেতগরী অসিদা খুৎলায় নৎত্রগা স্প্যারশিং মপুম ওইনা নৎত্রগা মচিৎ ওইনা শাবা/ ভারত্তা লৈবা মখোয়গী সবসিদিয়রীশিংগী খুত্থাঙদা মুৎলায়শিংগী এসেমব্লী/সব-এসেমব্লী/মেন্তেনেন্স, রিপ্যার এন্দ ওভরহোল (এম.আর.ও.) ফেসিলিতী শেমগৎনবা ৱাফম হাপ্লে‍।

(৩)     আই.জি.এ.গী খুত্থাঙদা পুন্না পুথোকমিন্নবা‍। মসিনা আই.জি.এ.গী খুত্থাঙদা কো-প্রদক্সন শেমগৎপা য়াহন্দুনা ‘মপান্দগী পুশিল্লকপশিংগী মহুৎ শিনবা’ অমসুং লাইফ সাইকল কোস্ত হন্থহনবা ঙমহল্লি‍।

(৪)     কন্ত্রেকচুএল ইনেবলমেন্ত‍। লাইফ সাইকল সপ্পোর্ত কোস্ত হন্থহনবগী পোৎ লৈরিবশিংগী মঙম অমসুং লমদমসিগী ওইবা ইকো সিস্তেমগী খুত্থাঙদা থৌওং ফগৎহন্নবগী থবকসু য়াওরে‍।

(গ)     দিফেন্স মেনুফেকচরিংদা এফ.দি.আই.‍। অনৌবা এফ.দি.আই. পোলিসী লাউথোকখিবগা লোয়ননা, লমদমসিগী ইন্দস্ত্রীশিং ইন্তরেস্ত ঙাক্তুনা মপান লমগী ও.ই.এম.শিংবু ভারত্তা লৈবা মখোয়গী সবসিদিয়রীশিংগী খুত্থাঙদা ‘মেনুফেকচরিং/মেন্তেনেন্স এন্তিতীশিং’ শেমগৎনবা পুক্নীং থৌগৎননবা অনৌবা কেতগরী ‘বাই (গ্লোবেল – মেনুফেকচর ইন ইন্দিয়া)’গুম্বা চুনবা প্রোভিজনশিং হাপচিল্লে‍।

(ঘ)     মতম অকক্নবা দিফেন্স প্রোকরমেন্তগী থৌওং অমসুং হেন্না থুনা ফিরেপ লৌবা‍। আত্মনিরভর অভিয়ানদা লাউথোকখিবা দিফেন্স রিফোর্মগী শরুক অমা ওইনা কন্ত্রেক্ত মেনেজমেন্ত শৌগৎনবা পি.এম.য়ু. শেমগৎপগী ৱাফমসু হাপচিল্লে‍। পি.এম.য়ু. অসিনা একুইজিসনগী থৌওং মওং চুমহন্নবা অকক্নবা লমশিংদা পাউতাকশিং ফংহনবা অমদি তাথোক তাশিনগী ঙাক্লৌ পীগনি‍।

(১)     খুৎলায়/প্লেতফোর্মশিংগী জি.এস.ক্যু.আর.শিংগী তশেং তশেংবা সেত্তিং‍। এস.ক্যু.আর.শিং শেম্বগী থৌওংসু মালেমগী অমদি লমদমসিগী কৈথেলদা ফংলিবা খুৎলায়শিং চাংদম্নবগী এনালাইসিসতা য়ুম্ফম ওইবা খঙদোকপা য়াবা পেরামিতরশিং খঙদোকপদা অহেনবা মীৎয়েঙ চঙদুনা মখা তানা রিফাইন তৌরে‍।

(২)     ত্রাইএল প্রোসিজর লায়থোকহনবা দি.এ.পি. ২০২০না লৌথুপ লৌকোই লৈতবা, অমসু অমসু কায়দবা অমদি মান্নবা খুদোংচাবশিংগী প্রিন্সিপলদা য়ুম্ফম ওইবা হিদান্নবগী ফীভম য়োকখৎনবা অদুগা হাত্তোক্নবগী থৌওংদি নত্তবা ফীভমগা লোয়ননা চাংয়েংশিং পাঙথোকপগী তঙাইফদবদা অহেনবা মীৎয়েঙ থম্লি‍।

৩.     ইজ ওফ দুইং বিজিনেস‍। নৈনরিবা অসিগ মরুওইবা মীৎয়েঙ থম্লিবা লমশিংগী মনুংদা অমদি লায়থোকহনবা, দেলিগেত তৌবা অমদি অকক্নবা প্রোভিজনশিং হাপচিন্দুনা থৌওং অসিবু ইন্দস্ত্রী ফ্রেন্দলী ওইহনবগা লোয়ননা ‘ইজ ওফ দুইং বিজিনেস’ লৈহনবনি:

(ক)      প্রোসিজরগী অহোংবা:

(১)     লুপা করোর ৫০০ ফাওবগী ৱাফম খুদিংমক্তা এ.ও.এন.গী সিঙ্গল স্তেজ একোর্দ শেমদুনা মতম চঙহন্দ্রে‍।

(২)     এফ.তি.পি. কেস, এ.ও.এন.গী পোস্ত একোর্দ দেলিগেত তৌবা পাঙ্গলগজী মতুং ইন্না চঙশিন্দুনা প্রোকরমেন্তগী  মতম খন্নবা য়াবা চাংদা হন্থহনগনি‍।

(৩)     প্লানিংগী থৌওংদা, এল.তি.আই.পি.পি.বু চহী ১৫গী মহুত্তা চহী ১০গী প্লানিং মতম লৈবা ইন্তিগ্রেদেত কেপেবিলিতী দেভেলপমেন্ত প্লান (আই.সি.দি.পি.) ওইনা অমুক হন্না দিজিগনেত তৌরে‍।

(খ)      রিক্বেস্ত ফোর প্রপেজেল (আর.এফ.পি.) অমসুং স্তেন্দর্দ কন্ত্রেক্ত দোকুমেন্ত (এস.সি.দি.) হান্না লেপথোক্লবা মাইলস্তোনশিংগী মতুং ইন্না খোঙজেল লৈতবা প্রোজেক্তশিংগী ফ্লো চার্ত দ্রিভন চৎন-পথাপশিং, ই-স্তোরেজ প্রিজর্ভেসনগী ৱাফমশিং অমসুং কন্ত্রেক্ত ককথৎপগী মতাঙদা তশেং তশেংবা ৱাফম তাক্নবা অমদি মথৌ তাবশিং মপা চাননবা ফংহন্নবা অকক্নবা থৌরাংশিং আর.এফ.পি. অমসুং এস.সি.দি.দা হাপচিল্লে‍।

দি.এ.পি. ২০২০গী পনবা য়াবা ৱাফমশিং

৪.      ভারতগী ভেন্দরশিংগী ওইনা কেতগরিশিংদা রিজর্ভেসন থমবা বাই (ইন্দিয়ন-আই.দি.দি.এম.), মেক ১, মেক ২, দিজাইন অমসুং দেভেলপমেন্তকী প্রদক্সন এজেন্সী,  ও.এফ.বি./দি.পি.এস.য়ু. অমসুং এস.পি. মোদেলগী কেতগরিশিং এফ.দি.আই. চাদা ৪৯দগী হেন্দবা ভারত মচানা মপু ওইবা অমদি কন্ত্রোল তৌবা হায়রিবা ক্রাইতেরিয়াশিং অসি শুবা ভারতকী ভেন্দরশিংগীদমক্তা খাক্তুনা থম্লি‍। হায়রিবা রিজর্ভেসন অসিনা ভারতকী লমদমসিগী ইন্দস্ত্রীশিং শরুক য়াহনবা ঙমহনগনি‍।

৫.      লমদমসিগী  মচাকশিং ফগৎহনবা

(ক)      ইন্দিজিনস কন্তেন্ত (আই.সি.)গী ওভরওল ইনহেন্সমেন্ত

সে: নম্বর

কেতগরী

দি.পি.পি. ২০১৬

দি.এ.পি. ২০২০

বাই (ইন্দিয়ন-আই.দি.দি.এম.)

য়ামদ্রবদা চাদা ৪০

য়ামদ্রবদি চাদা ৫০

বাই (ইন্দিয়ন)

য়ামদ্রবদা চাদা ৪০

ইন্দিজিনস দিজাইন – য়ামদ্রবদা চাদা ৫০

অতৈগীনা – য়ামদ্রবদা চাদা ৬০

বাই এন্দ মেক (ইন্দিয়ন)

শারিবগী য়ামদ্রবদা চাদা ৫০

শারিবগী য়ামদ্রবদা চাদা ৫০

 

বাই (গ্লোবেল – ভারত্তা শাবা)

-

বাই প্লস মেক্কী য়ামদ্রবদা চাদা ৫০

বাই (গ্লোবেল)

-

ভারতকী ভেন্দরশিংগী য়ামদ্রবদা চাদা ৩০

 

(খ)     আই.সি. ভেরিফিকেসন অচমবা অমদি থবক ওইনা তৌবা য়া বা ভেরিফিকেসনগী থৌওং অমা শেম্লে অমদি হৌজিক্তি আই.সি. অসি ‘বেক কন্ত্রেক্ত প্রাইস’ হায়বদি তেক্স অমসুং দ্যুতিজ য়াওদনা অপুনবা কন্ত্রেক্ত প্রাইসতা হোৎলগনি‍।

(গ)     ইন্দিজিনস মিলিতরী মেতরিএল প্লেতফোর্মশিং অমদি অতৈ ইকুইপমেন্ত/সিস্তেমশিং য়েংশিনবা অমসুং লমদমসিগী রো মেতরিএলশিং শীজিন্নবা ভেন্দরশিংদা মনা মথুম পীবগী ৱাফমগা লোয়ননা লমদমসিগী লান্মীগী মচাক মথুমশিং শীজিন্নবা শৌগৎপা‍।

(ঘ)     ইন্দিজিনস সোফ্তৱেয়র লমদমসিগী সোফ্তৱেয়রশিংদা ফাইয়র কন্ত্রোল সিস্তেম, রেদার, এনক্রিপ্সন, কম্ম্যুনিকেসন্নচিংবা ওপরেতিং বেজ এক্লিকেসনশিংগী ওপসনশিং শীজিন্নবগী ৱাফমশিং বাই (ইন্দিয়ন-আই.দি.দি.এম.) অমসুং বাই (ইন্দিয়ন) কেসশিংদা হাপচিল্লে‍।

৬.      ত্রাইএল অমসুং তেস্তিং প্রোসিজরশিং রেসনেলাইজ তৌবা

(ক)      শীজিন্নবা য়াবদা য়ুম্ফম ওইবা তেস্তিং ইকুইপমেন্ত অমদি অতৈ ফীভমগী শীজিন্নবদা কান্নবা ফংলে হায়বগী চুনবা সর্তিফিকেসন লৌবা য়াগনি‍।

(খ)      ত্রাইএলগী স্কোপ মরুওইবা ওপরেসনেল পেরামিতরশিংগী ফিজিকেল ইভালুএসন্দগী  হেল্লোই, অতৈ পেরামিতরশিং ভেন্দর সর্তিফিকেসন, এক্রেদিতেদ লেবোরেতরীশিংগী সর্তিফিকেসন, পেরামতরশিং কম্প্য্যুতর সাইমলেসন তৌবদা য়ুম্ফম ওইরগা ইভালুএত তৌগনি‍।

(গ)      ত্রাইএল দুপ্লিকেসন থোকহন্দনা অমদি সর্তিফিকেসন ওফ কন্ফোর্মেন্সতা য়ুম্ফম ওইরগা ৱেভর পীগনি‍। তোঙান তোঙানবা ত্রাইএলশিং ফীভমগী মতুং ইন্না মান্নবা মতমদা তৌগনি, ত্রাইএল পুম্নমক মতম চঙহন্দনবা কোম্বাইন ত্রাইএল তীম অমনা তৌগনি‍।

(ঘ)      শেমজিনবগী অয়াবগা লোয়ননা ত্রাইএল মনুংদা অৱাৎ অপা/অশোয়বা শেমদোক্নবা শরুক য়ারিবা ভেন্দরশিংদা মথৌ তাবা খুদোংচাবা পীগনি‍।

(ঙ)      তেক্নিকেল ত্রাইএল মনুংদা ক্যু.এ. এজেন্সীনা ফাইনেলাইজ তৌগদবা এসেপ্তেন্স তেস্ত প্রোসিজর (এ.তি.পি.) থাগৎলক্নবা ভেন্দরশিংদা রিক্বেস্ত ফোর প্রপোজেলনা খঙহনগনি‍। য়োল্লিবদুনা পুগদবা শেনফম য়াওনা মাঙ তাক্কদবা তেস্তগী সেম্পল সাইজ ভেন্দরগী আর.এফ.পি.দা নীংথিনা পনগদবনি‍।

(চ)       ইন্সপেক্সন ইন্সপেক্সন হঞ্জিন্বা অমত্তা লৈরোই, মরুওইনা এসেপ্তেন্স ওফ ইকুইপমেন্ত মনুংদা‍। থার্দ পার্তী ইন্সপেক্সনসু তৌগনি‍।

৭.      মেক অমসুং ইনোভেসন

(ক)      মেক ১ (চাদা ৭০ ফাওবা লৈঙাক্না শেন থাদবা) দি.এম. অমদা লুপা করোর ২৫০গী চাংদা কেপ তৌবা অমসুং বিদ্দিং ক্রাইতেরিয়াদা য়ুম্ফম ওইরগা দি.এ.সিং খনবা‍।

(খ)      মেক ২ (ইন্দস্ত্রী ফন্দেদ) সব কম্পোনেন্ত/এসেমব্লীগা লোয়ননা লমদমসিদা দিজাইন তৌবা অমদি শেমগৎচবা খুৎলায়/ইকুইপমেন্ত/সিস্তেম/প্লেতফোর্মশিং পুথোক্নবগীদমক

(গ)      মেক ৩ (ইন্দিজিনসলী মেনুফেকচর্দ) কেতগরী মপান্দগী পুশিল্লকপা মহুৎ শিন্নবা ইকুইপমেন্ত/প্লেতফোর্ম নৎত্রগা স্প্যার/এসেমব্লী/সব-এসেমব্লী পুথোক্নবগীদমক‍।

(ঘ)      আই.দি.ই.এক্স., তেক্নোলোজী দেভেলপমেন্ত ফন্দ অমসুং ইন্তর্নেল সর্ভিস ওর্গনাইজেসননচিংবা তোঙান তোঙানবা থৌরাংশিংগী মখাদা ‘ইনোভেসন’গী খুত্থাঙদা শেমগৎপা প্রোতোতাইপশিং লৌশিনবা য়াহল্লে‍।

৮.      দিজাইন অমসুং দেভেলপমেন্ত দি.আর.দি.ও./দি.পি.এস.য়ু.শিং/ও.এফ.বি.না দিজাইন তৌদুনা পুথোকপা সিস্তেনশিং লৌশিন্নবগী তোঙানবা চেপ্তর অমা দি.এ.পি. ২০২০দা হাপচিল্লে‍। সর্তিফিকেসন অমসুং সাইমলেসনগী খুত্থাঙদা ইভালুএত তৌবদা অহেনবা মীৎ য়েঙ থম্নবা অমদি মতম হন্থহন্নবা ইন্তিগ্রেতেদ সিঙ্গল স্তেগ ত্রাইএলগা লোয়ননা লায়থোকহল্লবা থৌওং লৈহল্লে‍। স্পাইরেল দেভেলপমেন্তকী ৱাফমসু হাপচিল্লে‍।

৯.      এদ্রেস ভোইদ  হান্নর লৈরমবা অকক্নবা অহাঙবশিং মখাদা পীরিবা অনৌবা চেপ্তরশিংগী মওংদা মেনশিল্লে‍।

(ক)    ইন্ফোর্মেসন কম্ম্যুনিকেসন তেক্নোলোজী  আই.সি.তি. ইন্তেন্সিব ইকুইপমেন্ত মরুওইনা ইন্তরওপরেবিলিতী অমদি বিল্ত-ইন অপগ্রেদেবিলিতী, ফীভম ফগৎহল্লবা সিক্যুরিতী মথৌ তাবশিং অমদি চেঞ্জ মেনেজমেন্তকী মচাকশিং লৌশিনবগা মরী লৈনবা ইসুশিং ৱারোইশিন পুরক্নবা ৱাফম হাপ্লে‍।

(খ)     লিজিং  মপু ওইদনা এসেতশিং শীজিন্নবগী য়াহন্নবা অনৌবা কেতগরী অমা হাপচিন্দুনা হৌরকপগী অচৌবা শেন্ফম চঙগদদু মহুৎ শিল্লে‍।

(গ)     পোস্ত কন্ত্রেক্ত মেনেজমেন্ত  ইন্সপেক্সন, লিকুইদিতী দেমেজ লেভি তৌবা, কন্ত্রেক্ত শেমদোক শেনজিন তৌবগী মতাঙদা কন্ত্রেক্ত খুৎয়েক পীনখ্রবা মতুংগী থৌওংশিং ফোর্মেলাইজ তৌনবা

(ঘ)     অতৈ কেপিতেল প্রোকরমেন্ত প্রোসিজর  অনৌবা থৌওং অমা দি.এ.পি.দা অনৌবা চেপ্তর অমা ওইনা হাপচিল্লে অমদি মদুবু অকক্নবা মতমগী মনুংদা হেন্না লায়থোকহল্লবা মওংদা কেপিতেল বদজেতকী খুত্থাঙদা মরুওইবা মচাকশিং লৌশিনবগী সর্ভিস য়াহন্নবা ৱাফম ওইনা শেম্লে‍।

১০ও    ইন্দস্ত্রী ফ্রেন্দ্লী কম্মর্সিএল তর্মশিং

(ক)     ভেন্দরশিংনা অহানবগী কোততা মমল হেঞ্জিন্না হাপচিল্লকপা থিংদুনা অমদি প্রোজেক্কী তশেং তশেংবা মমলদা তারক্নবগীদমক অচৌবা অমদি মতম শাংদোক্লবা কন্ত্রেক্তশিংগীমদমক প্রাইস ভেরাইএসন ক্লোজ অমা হাপ্লে‍।

(খ)     ভেন্দরশিংদা শেন পীবা  লেপথোক্লবা মতমগী মনুংদা দিজিতেল ভেরিফিকেসনগী খুত্থাঙদা এস.ঐচ.ক্যু./পি.সি.দি.এ.না চে-চাং মান্ননা প্রোসেস তৌনবগী চানবা ৱাফমশিং, ভেন্দরশিংদা মতম চানা শেন পীথোক্নবা, হাপচিল্লে‍। ভারতকী ইন্দস্ত্রীশিংদা শেন পীবগী মওং অসি মপানগী ইন্দস্ত্রীশিংদা তৌবগা মান্নহল্লে‍।

১১.     ওফসেতশিং  ওফসেতকী চৎন-পথাপশিং কম্পোনেন্তশিং মহুত্তা মপুং ফাবা দিফেন্স পোত্থোকশিং শাবদা অহেনবা মীৎয়েঙ থমবা মওংদা শেমদোক্লে অমদি ওফসেত থাদোকপদা ইন্সেন্তিব পীননবা তোঙান তোঙানবা মল্তিপ্লাইয়রশিং হাপচিল্লে‍।

১২.     তশেংবদি, চহী অমা হেন্না তাথোক তাশিন তৌরবা মতুংদা শেম্লক্লিবা দি.এ.পি. ২০২০ অসি ভারত লৈঙাক্কী আত্মনিরভর ভারতকা চুনবা অমদি মেক ইন ইন্দিয়াদা ইনোৎ হাপকদবা ইনেব্লর অমদি ইন্দস্ত্রীগা চুনবা থৌওং অমনি‍। দি.এ.পি. ২০২০না থাজবা অমা পোকহল্লি অমদি মসিনা স্পেক্ত্রম কয়াদা লৈরিবা স্তোকহোল্দরশিংগী অপাম্বশিং ফংহনগনি‍।

************



(Release ID: 1659804) Visitor Counter : 84