তুরিজম মন্ত্রালয়
ঙসি তুরিজম মন্ত্রালয়না ভর্চুএল ওইনা মালেমগী তুরিজম নুমিৎ পাংথোকখ্রে
লমকোয়বা মীওইশিং অমসুং শিন্মীশিং অশোই-অঙাম থোক্তনবা অমসুং লু-নান্না লৈনবা হোস্পিতিলিতী ইন্দস্ত্রীদা ক্বালিতী কাউন্সিল ওফ ইন্দিয়ানা সাথীগী থবকশিংগা লোয়ন্না মতেং পাংগনি
এম.আই.সি.এস. তুরিজম হাংদোক্নবা প্রোমোস্নেল ফিল্মসু হৌদোক্লে
Posted On:
27 SEP 2020 4:49PM by PIB Imphal
ঙসি তুরিজম মন্ত্রালয়না ভর্চুএল ওইনা মালেমগী তুরিজম নুমিৎ পাংথোকখ্রে। থৌরম অদুদা পেত্রোলিয়ম অমসুং নেচরেল গ্যাস অমসুং স্তিলগী য়ুনিয়ন মিনিস্তর শ্রী ধর্মেন্দ্র প্রধান্না চীফ গেস্ত অমসুং তুরিজম অমসুং কলচরগী য়ুনিয়ন মিনিস্তর (ইন-চার্জ) শ্রী প্রাহলাদ সিংহ পতেলনা প্রসিদেন্ত ওইনা শরুক য়াখি। ভর্চুএল ওইনা পাংথোকপা থৌরম অদুদা তুরিজম মন্ত্রালয়গী সেক্রেতরী য়োগেন্দ্র ত্রিপাথী, দিরেক্তর জেনেরেল (তুরিজম) মিনাক্সী শর্মা, জোইন্ত সেক্রেতরী (তুরিজম) রাকেস কুমার বর্মা, এদিস্নেল দিরেক্তর জেনেরেল (তুরিজম) রুপিন্দর ব্রার অমসুং তুরিজম মন্ত্রালয়গী অতোপ্পা ওফিসিএলশিংসু শরুক য়াখি।
য়ুনাইতেদ নেসন্স ৱার্ল্দ তুরিজম ওর্গনাইজেসন (য়ু.এন.দবল্যু.তি.ও.)না ২০২০ অসি ‘তুরিজম অমসুং খুঙ্গং চাউখৎহনবা চহি’ হায়না লাউথোকখ্রে। চৎলিবা চহি অসি থবক পীনবা অমসুং খুদোংচাবশিং ফংহন্নবা তুরিজমগী কান্নবশিং য়োকখৎনবা চহি অমনি। মহৌশাগী অকোয়বগী ফিবম অমসুং কলচরেল হেরিতেজ ঙাক্তুনা থম্বা অমসুং ফগৎহন্নবা অমসুং শহরদা য়ুম হোংবা লাকশিন্নবা তুরিজমনা মরুওইবা থৌদাং অমা লৌবা ঙমগনি।
থৌরম অদুদা চীফ গেস্ত শ্রী ধর্মেন্দ্র প্রুধান্না সাথী এপ্লিকেসন হৌদোকখি। সাথী অসি ক্বালিতী কাউন্সিল ওফ ইন্দিয়াগা লোয়ন্না তুরিজম মন্ত্রালয়না পায়খৎপা হোতেলশিং অশোই-অঙাম থোকহন্দনা স্তাফ, ইমপ্লোয়ীশিং অমসুং গেস্তশিংগী মরক্তা থাজবা লৈহন্দুনা মখা তানা হোস্পিতালিতী ইন্দস্ত্রী থবক তৌবদা মতেং পাংনবা থবক অমনি। ইনক্রেদিবল ইন্দিয়া তুরিস্ত ফেসিলিতেতরস সর্তিফিকেসন প্রোগ্রাম (আই.আই.তি.এফ.সি.)গী ‘পাথিক’ কৌবা ফিল্ম অমা অমসুং আই.সি.পি.বি এম.আই.সি.সি. প্রোমোস্নেল ফিল্ম অমা শ্রী প্রধান্না মীয়ামদা ফোঙদোকখি।
আই.সি.পি.বি. এম.আই.সি.সি. প্রোমোস্নেল ফিল্ম অসিগী পান্দমদি হান্নদগী হৌনা লম কোয়ফমশিং চাংদম্নদুনা মীয়ামদা খঙহন্দুনা লৈরিঙৈ অসিদা ভারত্তা থৌরমশিং শরুক য়াবা লাক্নবা অফবা পাউজেল অমা শন্দোকপনি। নুংঙাইবা ফংনবা অমসুং ললোন-ইতিক পাংথোকপা হৌনবা থাজবা লৈহনবা, তরাম্না ওকপা, পন্থুংফমশিংদা অশোই-অঙাম থোক্তনা চৎন-পথাপশিং চৎনবা অমসুং নুংঙাইবা ফংগনি হায়বগী থাজবা পীবা অসি ফিল্ম অসিগী মরুওইবা পাউজেলনি।
সাথী এপ্লিকেসন হৌদোকপা অমসুং আই.আই.তি.এফ.সি. ওনলাইন লার্নিং মোদুল হৌদোকপগীদমক মিনিস্তর ধর্মেন্দ্র প্রধান্না তুরিজম মন্ত্রালয় থাগৎখি। পরিং নাইনা চৎথরিবা ৱেবিনার ‘দেখো অপ্না দেশ’কী খুৎথাংদা ঐখোয়গী কলচর, হেরিতেচ, মীয়াম্না খঙনদ্রিবা মফমশিং, চাক-য়েঞ্ছাং মথেলশিং উৎপগীদমক মহাক্না তুরিজম মন্ত্রালয় থাগৎখি। অকোয়বগী ফিবম তুংকোইনা ফনা থম্নবা অমসুং পোল্লুসন লৈহন্দনবা লমকোয়ফমশিংদা শীজিন্নরিবা হিশিংদা পেত্রোল, দিজল অমসুং কেরোসিনগী মহুৎতা সি.এন.জি./এল.পি.জি.না শিন্নবা মহাক্না তকশিনখি। লমকোয়ফমশিংগী অকোয়বদা বেত্তরীগী গারীশিং শিজিন্ননবা মহাক্না তকশিনখি।
ভারত শীনবা থুংনা পায়খৎলিবা মী খুদিংমক লৈবাক্কী মফম অমদগী হেক্তা শরুক য়াবা য়ারবা ওনলাইনদা তম্নবা ইনক্রেদিবল ইন্দিয়া তুরিস্ত ফেসিলিতেতরস (আই.আই.তি.এফ.) সর্তিফিকেসন প্রোগ্রাম হৌদোকপগীদমক শ্রী প্রধান্না তুরিজম মন্ত্রালয় থাগৎখি। লৈবাক শিনবা থুংনা লৈরিবা লমকোয়ফমশিংদা লম য়েংবা মীওইশিংনা চৎপদা খুদোং চানবা শীনফম অসিগী মীওই কয়া ত্রেনীং পীনবা মসিগী প্রোগ্রাম অসিনা পান্দম থম্লি।
লৈবাক মনুংগী তুরিজম য়োকখৎনবা ২০২২ ফাওবগী মনুংদা মীওই অমনা য়ামদ্রবা মফম ১৫ য়েংবা চৎনবা প্রধান মন্ত্রীগী পান্দম অদু হন্না নীংশিংলদুনা থৌরম অদুদা শ্রী প্রাহলাদ সিংহ পতেলনা হায়খি লৈবাক অসিগী ইনাক খুল্লবা কলচর অমসুং হেরিতেজ মীয়ামদা খঙহন্নবা অমসুং লৈবাক মনুংদা কোইবা চৎনবা মীয়াম পুক্নিং থৌগৎনবা অমসুং মফম অমগী শেন-থুমগী ফিবম ফগৎহন্নবা অমসুং থবক ফংবা হেনগৎহন্নবা পান্দম অমগা লোয়ন্না ২০২০গী জনুৱারীদগী তুরিজিম মন্ত্রালয়না দেখো অপ্না দেশ (দি.এ.দি.) হৌদোকখ্রে।
লাইচৎ মনুং অসিদা লৈবাক অসিগী তোঙান তোঙানবা কলচর, হেরিতেজ, মফমশিং অমসুং তুরিজমগী পোৎথোকশিং উৎনবা দেখো অপ্না দেসকী মখাদা মন্ত্রালয়না পরিং নাইনা ৱেবিনারশিং পাংথোক্লি। হৌজিক ফাওবদা রাজ্যশিং/য়ু.তি.শিং কোনশিনবা ৱেবিনার ৫৪ পাংথোকখ্রে। মীয়াম খঙহন্নবা মন্ত্রালয়না ওনলাইন্দা দেখো অপ্না দেশ ৱাশক লৌবা অমসুং MyGov.inদা কুইজ পাংথোকপা হৌরে। ওনলাইন্দা ৱাশক লৌবা অমসুং কুইজ অসি মী খুদিংমক শরুক য়াবা য়াগনি।
মহাক্না মখা তানা হায়খি পায়খৎলিবা থবকশিং অসি লমকোইবা মীওইশিং হিরম খুদিংমক্তা নুংঙাইবা হেনগৎহনগনি অমসুং মফম অমদা লৈরিবা লমকোইবা মীওইশিংগী লৈরিবা খুদোংচাবশিংগী কান্নবা ফংগনি অমসুং মসিনা লৈবাক অসিগী খ্বাইদগী মনুং হুঞ্জিনবা মফমশিং ফাওবদা থবক ফংবগী খুদোংচাবা পীগনি।
থৌরম অসি সেক্রেতরী (তুরিজম)না তরাম্না ওক্তুনা হৌদোকখি অমসুং লাইচৎ মনুং অসিদা অশোই-অঙাম থোক্তনবা মরী লৈনবশিংনা চেকশিন-থৌরাংগী থবকশিং পায়খৎলিবা অসি থাগৎখি। জোইন্ত সেক্রেতরী (তুরিজম)না থাগৎ ৱাহৈ পীখি।
https://static.pib.gov.in/WriteReadData/userfiles/tourism321.mp4
*****
(Release ID: 1659623)
Visitor Counter : 137