ভারতকী খ্বাইদগী মৈ পুথোকপা অমসুং পাৱর মন্ত্ররালয়গী মখাদা লৈবা পি.এস.য়ু. অমা ওইরিবা এন.তি.পি.সি. লিমিতেদনা এয়র পোলুসন থোকহনবা ফার্ম্লেন্দদা মহৈ-মরোংগী অরেমখাকশিং মৈ থাবা হন্থনবগী খোংথাংগী শরুক অনা ওইনা মখোয়গী তোঙান-তোঙানবা থর্মেল পাৱর প্লান্তশিংদা দোমেস্তিক কম্পিতিতিব বেসিস (দি.সি.বি.)তা বাইওমাস পেলেৎ লৈশিন্নবগী বিদ কৌরি। পাৱর প্রদ্যুসর অসিনা এন.তি.পি.সি. কোর্বা (ছতিশগর), এন.তি.পি.সি. ফরাক্কা (নোংচুপ বেঙ্গল), এন.তি.পি.সি. দাদ্রী (উত্তর প্রদেশ), এন.তি.পি.সি. কুদ্গি (কর্নাতকা), এন.তি.পি.সি. সিপাৎ (ছতিশগর) অমসুং এন.তি.পি.সি. রিহান্দ (উত্তর প্রদেশ) য়াওনা পাৱর প্লান্ত ১৭তা চৎলিবা চহিসিগী ওইনা পেলেৎ তন মিলিয়ন মঙা শিজিন্ননবা পান্দম থম্লি।

এন.তি.পি.সি. লিমিতেদনা থোকপা চেরোল অমগী মতুং ইন্না, মসিনা অহানবদা হায়রিবা অখন্নবা খোংথাং অসি অহানবগী ওইনা ২০১৭দা এন.তি.পি.সি. দাদ্রী, উত্তর প্রদেশতা কোইলাগী মহুত্তা পেলেৎ বাইওমাস কো ফায়র পীনবা থৌরাং লৌখৎখি। এন.তি.পি.সি.না হৌজিক্তি মোদেল অসি অনৌবা প্লান্ত ১৭তা শিজিন্নবা হোৎনরি। বিদকী চেবাউ অসি এস.আর.এম. পোর্তেলদা ই-তেন্দরিংগী থোংদা পাঙথোক্লবা য়াই। বিদ তৌবগী থৌওংসি সিঙ্গল স্তেজ, তু এনবেলপ বিদ্দিং সিস্তেমনা মতুংদা লাকপা য়াই।

এন.তি.পি.সি.না থাজৈ মদুদি কো-ফায়রিং তৌবনা বাইওমাস প্রোসেসিং অমসুং সপ্লাই চেন্দা খুঙ্গংগী মীয়ামদা চাউনা থবক পীবা ঙমগনি। পাৱর পুথোক্লিবসিনা পঞ্জাব অমসুং হরিয়ানাদগী লাকপা সপ্লাইয়রশিংদনা হেন্না বিদকী খুদোংচাবা পীগনি। বিদ্দরশিংনা এন.তি.পি.সি.দা মখোয়গী বিদ থাজিন্দ্রিঙৈদা বিদকী চে-চাংশিংগা মরী লৈনবা প্রোবিজনশিংগী মতাংদা খঙহল্লমগদবনি। এন.তি.পি.সি.না দাদ্রী, উত্তর প্রদেশতা ২০১৭দা এগ্রো বেজ পেলেৎ তন ১০০ রোম থাখি। তেস্ত ফায়রিং অসি তাংকক মরি থোক্না তপ্না-তপ্না চাদা ২.৫তগী ১০ ফাওবা হেনগত্তুনা কোইলাগা পুন্না পাংথোকখি। হৌজিক ফাওবদা, কম্পনী অসিনা লৌউ-শিংউগী অরেম্বা পেলেৎ তন ৭,০০০ হেন্না থাখ্রে।

চাউরাক্না হোৎপা মতমদা, মহৈ মরোংগী অরেম্বা এম.এম.তি.পি.এ. ১৪৫রোম শিজিন্নদনা লৈরি অমসুং মসিগী অয়াম্বা ভারত্তা অহাংবা লমহাংশিংদা মৈ থাদুনা হকশেলদা অকাইবা পীবা নুংশিৎ কয়া থাদোক্তুনা মোৎশিলহল্লি। লৌউ-শিংউগী অরেম্বশিং মৈ থাবা অসি অৱাং থংবা ভারতনা লৌরোক পান্থা লোইরবা মতুংদা পি.এম. ২.৫ লোম থাদোকই।

মসিগী গ্রোস কেলোরিফিক ভেল্যু অসি বিতুমিনস কোইলগা চাংদম্নবা য়াবগা লোইননা, বাইওমাস এম.এম.তি.পি.এ. ১৪৫ কোইলাগা পুন্না মৈ থামিন্নবনা পুথোকপা ঙমগদবা মৈগী চাং অসি মেগাৱাৎ ২৮,০০০-৩০,০০০নি হায়রিবসি সোলর কেপাসিতীনা চহি চুপ্পা মেগাৱাৎ ১২৫,০০০-১৫০,০০০ পুথোকপা ঙমগদবা ইলেক্ত্রিকেল ইনর্জীগী রিন্যুএবল পাৱরনি।   

অপুনবা ইন্সতোল কেপাসিতী গিগাৱাৎ ৬২.৯ লৈবগা লোইননা, এন.তি.পি.সি. গ্রুপকী কোইলাগী ২৪, কম্বাইন সাইকল গ্যাস/লিক্বিদ ফ্যুল ৭, হাইদ্রো ১, রিন্যুএবল ১৩গা লোইননা সবসিদিয়ারী অমসুং জে.ভি. পাৱর স্তেসন ২৫লৈদুনা পুন্না পাৱ র স্তেসন ৭০ লৈ। গ্রুপ অসিগী গিগাৱাৎ ২০গী কেপাসিতী হৌজিক শাগৎলি, মসিগী মনুংদা গিগাৱাৎ ৫না রিন্যুএবল ইনর্জীনি।

*****