লাদাখী ভেতেরাল লুচিংবা ইকায়খুম্নরবা থিক্সে রিনপোচে (হান্নগী রাজ্য সভা এম.পি.), শ্রী থুপ্সতান ছেৱাং (হান্নগী লোক সভা এম.পি.) অমসুং শ্রী ছেরিং ধোর্জী এলিয়স লাক্রুক (হান্নগী জে.&কে.গী মন্ত্রী)গী দেলিগেসন অমা লদাখ, লেহগী মীয়ামগী মহুৎ শিন্দুনা কেন্দ্রগী হোম এফিয়র্স মন্ত্রী শ্রী অমিৎ শাহগা সেপ্তেম্বর ২৬, ২০২০দা উনখ্রে‍। শ্রী জি. কিসন রেদ্দী, এম.ও.এস. হোম অমসুং শ্রী কিরেন রিজিজু, এম.ও.এস. য়ুথ এফিয়র্স অমসুং স্পোর্তসু উনবা অদুদা শরুক য়াখি‍।

খোঙবু অদুদা লোন, দিমোগ্রাফী, ফুরপ, লম অমসুং থবক্কী ওইবা ৱাফমশিং খন্নদুনা য়েংশিনগনি হায়না থাজবা  পীখি‍। লেহ অমসুং কার্গিলদগী মীহুৎশিং য়াওবা হেন্না চাউবা লদাখী খোঙবু অমগা “পীপল্স মুবমেন্ত ফোর কন্সতিত্যুস্নেল সেফগার্দ অন্দর ৬ সিদ্যুল” অমসুং কেন্দ্রগী হোম মিনিস্ত্রীগী মখাদা এল.এ.ঐচ.দি.সি., লেহ মীখল লোইরবা মতুং নুমিৎ ১৫ লৈরগা পাংথোক্কনি‍। হীরম অসিগী মতাঙদা লৌগদবা ফীরেপ পুম্নমক লেহ অমসুং কার্গিলগী মীহুৎশিংগা তানরগা লৌগনি‍।

কেন্দ্রগী হোম মিনিস্তরনা খোঙবু অদুদা ভারত লৈঙাক্না লেহ অমসুং কার্গিলগী এল.এ.ঐচ.দি.সি.বু মপাঙ্গল কলহন্নবা অমদি লদাখ য়ু.তি.গী মীয়ামগী ইন্তরেস্ত ঙাক্তুনা থম্নবগীদমক লেপ্লি হায়না থাজবা পীখি‍। হায়রিবা পান্দম অসি ফংনবগীদমক তৌবা য়াবা পুম্নমক তৌগনি হায়না হায়খি‍।

ভারত লৈঙাক্না লদাখী মীয়ামগা মরী লৈনবা ৱাফমশিং য়েংশিন্দুনা ভারত সংবিধানগী ৬শুবা সেদ্যুলগী মখাদা ফংলিবা প্রোতেক্সনশিং খন্ননবা থোং লাওনা হাংদুনা লৈরি‍।

খোঙবু অদুনা লাক্কদৌরিবা এল.এ.ঐচ.দি.সি., লেহ মীখল বোইকোৎ তৌনবা খোঙফম অদু হন্দোকখি অমদি হায়রিবা মীখল অদু অপনবা লৈতনা পাংথোক্নবা মপুং ফানা শৌগৎকনি হায়না ৱাশক্লমখি‍।

*****