ইঙ্কম তেক্স দিপার্তমেন্তনা সেপ্তেম্বর ২৫, ২০২০দা ঝার্খন্দ অমসুং নোংচুপ বেঙ্গালদা লৈবা মশক নাইবা কাংবু খরগী লল্লোন ইতীক্কী মফম অমসুং য়ুম ২০ লোমদা থিবা হূম্বা অমসুং সর্ভে ওপরেসন চত্থখ্রে। কাংবু অসি তোঙান-তোঙানবা পোৎলমশিংদা লল্লোন ইতীক তৌই, ভনাসপতি ঘী পুথোকপা, রিএল এস্তেৎ অমসুং চাগী এস্তেৎ লৈ। কাংবু অসিগী কোল্কতাদা রিএল এস্তেৎকী প্রোজেক্তশিংসু পায়খৎলি।

থিবা হূম্বগী থবক অদুদা চুম্নগী একাউন্তকী ৱাংমদা ত্রাঞ্জেক্সন তৌবা, একাউন্ততা চঙদবা চাদিং অমসুং কেস এদভান্স ফংখিবা অমসুং শেল ওইনা পীখিবা ইন্তরেস্তকী মতীক চাবা প্রমান ফংখি। মসিগী মথক্তা, রিএল এস্তেৎ কম্পেনী সইদা লোন ওইনা পীখিবা গ্রুপ শেল কম্পেনীশিংদা কেস ইন্ত্রোদ্যুস তৌখি।

ইমুং মনুংগী মীওইশিংনা দিরেক্তর ওইবা কম্পেনী অয়াম্বনা তশেংবা লল্লোন ইতীক্কী থবক তৌদে অমসুং ইঙ্কমগী রিতর্ন মতীক চানা থাদে। আর.ও.সি.গা লোইননা রিতর্ন অয়াম্বা ফাইল তৌদে।

অসিগুম্বা গ্রুপ কম্পেনী অমনা ২০১৪দগী কর্বার তৌরক্ত্রি, অদুবু লুপা করোর ৭কী শেল ওইনা য়োনখিবগী উৎলি। মসিগী কেস অসি কোলকতাদা লৈবা বেঙ্ক একাউন্ততা হাপচিল্লি, অদুবু বুক্তা য়াওরিবা কেস সেলদি ঝার্খন্দদগী লৈবনি হায়না য়াওরি।

       থিবা হূম্বগী থবক অদুগী মনুংদা, হার্দ দিস্ক, পেন দ্রাইব অমসুং খুৎনা ইবা দাইরীশিং ফাগৎখি। অখন্নবা খুৎনা ইবা দাইরী খরদা শেল ওইনা লোন লৌবা অমসুং পীবগী য়াওরি অমসুং রিএল এস্তেৎ প্রোজেক্তকী কম্মর্সিএল স্পেস বুক তৌবগী কেস রিসিৎ বুক্তা য়াওদবগী য়াওরি। বুক্তা চন্দবা কন্ত্রেক্তরশিংদা শেল পীবা অমসুং শাশিন্নবা কন্ত্রেক্তরদা শেল পীবা শাবগী খুদমসু ফংখি। শাবগীদমক বুক্তা চন্দবা শেলগী চাদিং ফংলবনিনা বুক্তা য়াওরিবা প্রোজেক্তকী অচঙবা শেনফম অসি মরু ওইদ্রে হায়না লৌবা থেংনখি।

অহানবগী ওইনা চাউরাক্না পাবদা, লুপা করোর ৪০ হেনবগী শেলগী ত্রাঞ্জেক্সনগী খুদম ফংলি। রিএল এস্তেৎ প্রোজেক্তকী ওইনা অহানবগী লৌথোকখিবা শেনফম লুপা করোর ৮০ থিজিল্লি। মখাদা তাবা থিজিনবগী থবক চত্থরি।

******