হকশেল অমসুং য়াইফ য়ুম্বাল মন্ত্রালয়গী ইসঞ্জিবনি ও.পি.দি. প্লেতফোর্মনা তেলি-কন্সল্তেসন লাখ ৪গী লেন্দমার্ত মাইলস্তোন মপুং ফারে‍। মকোক থোংনা শীজিন্নরিবা স্তেতশিং, তামিল নাদু অমসুং উত্তর প্রদেশনা মথঙশিৎনা সেসন ১,৩৩১৬৭ অমসুং ১,০০১২৪ লোগ ইন তৌখ্রে‍।

ইসঞ্জিবনি অমসুং ইসঞ্জিবনি ও.পি.দি. প্লেতফোর্মকী খুত্থাঙদা কন্সল্তেসন খ্বাইদগী ৱাংনা রেজিস্তর তৌরিবা অতৈ স্তেতশিংদি হিমাচল প্রদেশ (৩৬,৫২৭), কেরলা (৩৩,৩৪০), অন্ধ্র প্রদেশ (৩১,০৩৪), উত্তরাখন্দ (১১,৫২৬), গুজরাত (৮৯১৪, মধ্য প্রদেশ (৮৯০৪), কর্নাতকা (৭৬৮৪), মহারাস্ত্র (৭১০৩)নি‍। শীজিন্নবগী মওং মতৌ অসিনা তামিল নাদুগী বিল্লুপুরমগুম্বা হেন্না পীকপা দিস্ত্রিক্তশিংদা সর্ভিস অসি য়াঙনা শীজিন্নরক্লি হায়বা উৎলি‍। বিল্লুপুরমদা কন্সল্তেসন ১৬,০০০ হেন্না রেকোর্দ তৌদুনা বিনিফিসিয়রীশিংনা সর্ভিস অসি খ্বাইদগী য়াম্না শীজিন্নবা দিস্ত্রিক্ত ওইরে‍।

মকোক থোংনা শীজিন্নরিবা দিস্ত্রিক্ত তরা মখাদা পীরি:

লৈবাক্কী ওইনা ইসঞ্জিবনি ফম্বাক অসি স্তেত ২৬তা শীজিন্নরি অমদি তোঙান তোঙানবা স্তেত লৈঙাক্কী হকশেল লোয়শঙগী প্রাক্তিস্নর ১২,০০০ হেনবনা ইসঞ্জিবনিদা য়াওশিন্দুনা লৈবাকসিগী দিস্ত্রিক্ত ৫১০গী মীওইশিংনা মখোয়গী সর্ভিস লৌরি‍।

অকোনবা কন্সল্তেসন ১০০,০০০দি নুমিৎ ১৮নিদা লাকখিবনি অদুগা অহানবা কন্সল্তেসন ১০০,০০০না থা অহুমলোম চঙখি‍। ইসঞ্জিবনি ও.পি.দি. সর্ভিসনা কোবিদ-১৯ লাইচৎ মরকসিদা পোসেন্ত-তু-দোক্তর তেলিমেদিসিন ফংহল্লে‍। মসিনা ফিজিকেল দিসন্তেন্সিং লৈহন্দুনা কোবিদ শন্দোরকপা লাকশিনবদা মতেং পাংলি অমদি কোবিদ নত্তবর মরুওইবা হেল্‌থকেয়র সর্ভিসসু ফংহল্লি‍।

চাউরাক্না অনাবা মীওই চাদা ২০লোমদি ইসঞ্জিবনিগী খুত্থাঙদা হকশেলগী সর্ভিস অমুরক্তদগী হেন্না লৌরি‍। ফীভম অসিনা হকশেলগী সর্ভিস পীবগী দিজিতেল ফম্বাক অসি সর্ভিস পীরিবা অমদি লৌরিবা খুদমিংক্না শীজিন্নরি হায়বা তাক্লি‍। স্তেত খরখক্না নোংমদা পুর ১২ চয়োল অমদা নুমিৎ ৭নি হকশেলগী সর্ভিস পীরি‍।

হৌরকপদা, ইসঞ্জিবনি ও.পি.দি. অসি জেনেরেল ও.পি.দি. সর্ভিসকী ওনলাইন ফম্বাক অমা ওইনা পুথোরকপনি, অদুবু মসিগী কান্নবা অমদি মীয়াম্না শীজিন্নরকপা অসি য়েংলগা, স্তেত হকশেল লোয়শঙশিংনা স্পিসিএল্তী ও.পি.দি.সু হাপচিনবা পাম্লকখি‍। অসুম্না ইসঞ্জিবনি ও.পি.দি. অসি য়াম্লবা স্পিসিএল্তী অমদি সুপর স্পিসিএল্তী ও.পি.দি.শিংসু য়াওনবা হেন্না চাউথোরকখি‍। ঙসিদি ইসঞ্জিবনি ও.পি.দি. অসি জেনেরেল ও.পি.দি. অমসুং স্পিসিএল্তী অমসুং সুপর-স্পিসিএল্তী ও.পি.দি. ১৬৯ য়াওনা ওনলাইন ও.পি.দি. ১৯৬ স্তেত ২৪দা মথৌ তৌরি‍। এইম্স ভতিন্দা, এইম্স রিসিকেস, এইম্স বিবিনগর, লেদী হারদিঞ্জ মেদিকেল কলেজনচিংবা মকোক থোংবা ইন্সতিত্যুসনশিং অমসুং এসোসিএয়য়তেদ হোস্পিতাল, রিজনেল কেন্সর সেন্তর (থিরুবনন্থপুরম), কোচিন কেন্সর সেন্তর (ইরনকুলম)সু ইসঞ্জিবনি ফম্বাক অসিবু স্তেত শিনবা থুংবদা লৈরিবা অনাবা মীওইশিংদা স্পিসিএল্তী সর্ভিস পীননবা শীজিন্নরি‍। সেন্ত্রেল গোভর্নমেন্ত হেল্ত স্কিম্নসু নই দিল্লীদা লৈবা মখোয়গী বিনিফিসিয়রীশিংদা হকশেলগী সর্ভিস পীননবা ইসঞ্জিবনিদা স্পিসিএল্তী ও.পি.দি. মরী শেমগৎলে‍। সি.জি.ঐচ.এস.না হায়রিবা তেলিমেদিসিন সর্ভিসশিং অসি অতৈ স্তেতশিংদা লৈরিবা বিনিফিসিয়রীশিংদসু ফংহন্নবা থৌরাং তৌরি‍।

স্তেতশিংনসু হায়রিবা তেলিমেদিসিন প্লেতফোর্ম অসিগী ইনোভেতিব ওইবা মওংদা শীজিন্ননবা দিজাইন তৌরি‍। কেরলাদা, ইসঞ্জিবনি ফম্বাক অসি পলক্কর দিস্ত্রিক্ত জেলদা লৈবা ফাদোকশিংদা হকশেলগী সর্ভিস পীননবা শীজিন্নরি‍। তামলি নাদুদা, ইসঞ্জিবনিনা প্রাক্তিস্নরশিংদা মখোয়গী ময়ুমদগী পেসেন্ত সর্ভিস পীদুনা পুন্সি কন্নিংঙাই ওইবা ইন্তর্ভেন্সন পীবা ঙমহল্লি‍।

কেন্দ্রগী হকশেল মন্ত্রালয়গী ইসঞ্জিবনি ফম্বাক অসি মোহালিদা লৈবা সেন্তর ফোর দেভেলপমেন্ত ওফ এদভান্স কম্পুতিংনা শেমবনি‍। মসি লৈবাক অমগী লৈঙাক্না হকশেলগী সর্ভিস পীননবা শেমগৎপা মালেমগী ওইনা অনৌবা মওংগী দিজিতেল ফম্বাক অমনি‍। ইসঞ্জিবনিনা তেলিমেদিসিন সর্ভিস মখল অনি হায়বদি দোক্তর-দোক্তর (ইসঞ্জিবনি) অমসুং পেসেন্ত-তু-দোক্তর (ইসঞ্জিবনি ও.পি.দি.) তেলিকন্সল্তেসন সপ্পোর্ত তৌরি‍। অহানবগী অসিনা অয়ুস্মান ভারত হেল্থ এন্দ ৱেলনেস সেন্তর (এ.বি.-ঐচ.দব্লিউ.সি.) প্রোগ্রামগী মরুওইবা য়ুম্বী অমনি‍। মসি নবেম্বর ২০১৯দা হৌদোকখিবনি‍। মসিনা দিসেম্বর ২০২২ ফাওবগী মনুংদা ‘হব এন্দ স্পোক’ মোদেলদা হেল্থ এন্দ ৱেলনেস সেন্তর লাখ ১.৫দা তেলিমেদিসিন কন্সল্তেসন পীননবা পান্দম থম্লি‍। ‘স্পোক’শিংদা হায়বদি এস.ঐচ.সি. অমসুং পি.ঐচ.সি.শিংদা তেলি-কন্সল্তেসন সর্ভিস পীননবগীদমক স্তেতশিংনা মেদিকেল কলেজশিং অমসুং দিস্ত্রিক্ত হোস্পিতালশিংদা মশক খঙদোক্তুনা তোখায়বা ‘হব’শিং শেমগৎপা মথৌ তাই‍। হকশেল মন্ত্রালয়না কোবিদ-১৯ লাইচৎ অসিনা মরম ওইরগা পেসেন্ত-তু-দোক্তর তেলিমেদিসিন সর্ভিস ফংহন্নবা এপ্রিল ১৩দা অনিসুবা তেলি-কন্সল্তেসন সর্ভিস ‘ইসঞ্জিবনি ও.পি.দি.’ হৌদোকখি‍।

*****