ভারত লৈঙাক্কী অয়ুশ মন্ত্রালয়গী “অয়ুশ ফোর ইম্ম্যুনিতী” কেম্পেনগী শরুক অমা ওইনা পোসন আহার হায়না মিংথোনবা ন্যুত্রিসন সাইন্স অমসুং এদভান্সমেন্তকী মতাঙদা ৱেবিনার অমা কুইদ্রিঙৈদা পাঙথোকখ্রে‍। ৱেবিনার অদুদা এক্সপর্তশিং, থিজিল্লোয়শিং, ক্লিনিকেল ন্যুত্রিসনিস্তশিং, সর্জনশিং অমসুং য়োগ অমদি নেচরোপেথী ফিজিক্সিয়ানশিংনা শরুক য়াখি‍। ৱেবিনার অদু অয়ুশ মন্ত্রালয়গী মখাদা লৈবা মনীং তম্বা বোদী অমা ওইরিবা সেন্ত্রেল কাউন্সিল ফোর রিছর্চ ইন য়োগ এন্দ নেচরোপেথী (সি.সি.আর.ৱাই.এন.)না শীন্দুনা পাঙথোকখিবনি‍।

অহানবা সেসন অদু য়ু.এস.এ.গী নোর্থ দকোতাদা লৈবা নোর্থ দকোতা স্তেত য়ুনিভর্সিতীগী প্লান্ত সাইন্সকী প্রোফেসর কালিদাস সেত্তীনা পাঙথোকখি অমদি মহাক্না লমদমসিগী চীঞ্জাকশিংগী মরুওইবা ৱাফমশিংগী মতাঙদা ৱাফম কয়া থমখি‍। ঐখোয়না হিংবদা ইকোলোজীগী থৌদাং অসি নাথৈদুনা থমবা য়ারোই অদুবু মসিগা চুশিন্ননা হিংবদি য়াগনি‍। ইকোলোজিকেলগী ওইবা মীৎয়েঙদগী য়েঙবদা হকচাঙ ফনা থমবদা অমদি চীঞ্জাক্কা মরী লৈনবা অরিবা লায়নাশিং থেংনবদা মরুওইরিবা লমদমসিগী চীঞ্জাকশিং অসি চীঞ্জাক্কী মরীদা (ফুদ চেন) পুশিল্লকপা তাই‍।

য়ু.কে.গী য়ুনিভর্সিতী ওফ রীদিংদগী ন্যুত্রিগেনোমিক্সকী এসোসিএত প্রোফেসর দোক্তর বিমল করানিনা জিনেতিক্সতগী জিনেতিক ভেরাইএসন অমদি জিনেতিক রিস্কতগী লায়নাগী খুদোংথিবা ফাওবগী ওইবা ন্যুত্রিসন প্রিন্সিপলগী পাক চাউরবা ৱাফমশিং কোনশিন্দুনা ৱা ঙাঙখি‍। মহাক্না মী মীগী মতুং ইন্না শেম্লবা দাইত অমসুং লায়না ঙাকথোক্নবগী পুন্সি মহিংগী মরমদা অহেনবা মীৎয়েং থমখি‍। কে.এস. হেগরে মেদিকে কলেজ, এন.আই.তি.তি.ই.গী এসোসিএত প্রোফেসর দোক্তর প্রবিন জেকোবনা ঐখোয়গী অইং অশাগী ফীভম অমদি ঐখোয়গী চীঞ্জাক্কা লায়না নারকপগা অনিগী মরক্তা লৈনরিবা মরীগী মরমদা ৱাফম কয়া ফোঙদোকখি‍। অতোপ্পা মরুওইবা সেসন অমদি হেল্থ কেয়র গ্লোবেল এন্তরপ্রাইজেস লিমিতেদকী ক্লিনিকেল ন্যুত্রিসনগী মকোক দোক্তর এস্থর সথিয়ারাজনা মচি লৈবগী মতুং ইন্না হকচাঙদা কান্নবা চীঞ্জাক খনবা হায়বা হীরমসিদা ঙাঙখিবদুনি‍।

ঐচ.সি.জি. ওনকোলোজী হোস্পিতালগী ইসোফজিল অমসুং গেস্ত্রিক ওনকোসর্জনগী কন্সল্তেন্ত ওইনা লৈরিবা দোক্তর প্রভু নেসারগিকরনা কেন্সরনা নারবা মীওইশিংগী ন্যুত্রিসনেল স্তেতসকী মতাঙদা ৱা ঙাঙলদুনা হকচাঙদা কান্নগদবা মচি ওইবা চীঞ্জাক চাদুনা মেনখৎপা য়াবা সর্জরী মতুংগী মচি ওইবা ৱাৎপগী ফীভমগী মতাঙদা অহেনবা পুক্নীং চিংশিনখি‍। নেসনেল ইন্সতিত্যুৎ ওফ ন্যুত্রিসনদগী দোক্তর মহেসনা তোঙান তোঙানবা নুত্রিসন প্রোগ্রামশিং অমসুং তোঙান তোঙানবা সর্ভেশিংগী ফংলকপা ৱাফমশিংগী মতাঙদা পুক্নীং লৌশিং য়াম্না ওইবা সেসন অমা লান্থোকখি‍। মদুনা ভারতকী তোঙান তোঙানবা স্তেতশিংদা লৈরিবা কম্ম্যুনিতীশিংগী হকশেল য়াওনা ময়োল্লম অমসুং খুঙ্গংগী মফমশিংদা লৈরিবা মচি ওইবা চীঞ্জাক্কী ফীভম অমসুং কম্ম্যুনিতী বেজ ন্যুত্রিসন প্রোগ্রামশিংনা পীরিবা কান্নবগী মতাঙদা মচা খায়না পাউদমখি‍। থৌরমদুদা খন্নখিবা অতোপ্পা নুংঙাইরবা হীরম অমদি মিল্লেতকী মচি ওইবা মচাকশিংগী মতাঙদনি‍। সেসন অদু ইন্দিয়ন ইন্সতিত্যুৎ ওফ মিল্লেত রিছর্চকী দোক্তর দয়াকরনা হেন্দল তৌখি অমদি মদুদা মিল্লেতকী মরমদা তোঙান তোঙানবা থিজিল্লিবশিং, প্রোসেসিংগী মতাঙদা চাওখৎলক্লিবশিং, অমদি ফুদ প্রোসেসিংগী খুমাঙ চাওশিল্লক্লিবশিংগী মতাঙদা খন্নখি‍। মহাক্না পোত্থোক ওইনা শীজিন্নবা য়ারবা মিল্লেত রিসিপি শেম্বগী মখল মখা কয়াগী মওংদা য়াওরিবা তোঙান তোঙানবা প্রোসেসিংগী থৌওংশিংগী মতাঙদা শুগায়না তাকখি‍। মহাক্না দাইততা মিল্লেত য়াওবগী ক্লিনিকেলগী ওইবা কান্নবশিং অমদি মদুনা কয়ারক হন্না থিজিনবদা থেংনরকপা গ্লাইসেমিক ইন্দেক্স অমসুং গ্লাইসেমিক লোদ হন্থহনবদা মতেং ওইরিবশিংগী মতাঙদসু ৱা ঙাঙখি‍।

“সম্পুর্ন আহার” কৌবা অনৌবা স্তার্ত অপ অমা লুচিংলিবা দোক্তর অচুতন ঈস্বরনা বেঙ্গলোরগী তোঙান তোঙানবা মফমশিংদা থাখিগদবা পাম্বীদা য়ুম্ফম ওইবা ন্যুত্রিসন অমসুং পাম্বীদা য়ুম্ফম ওইবা দাইতশিং শীজিন্নবগী মতাঙদা ৱা ঙাঙখি‍। দোক্তর কৌসল্য নাথন্না ন্যুত্রিসন অমসুং ইম্ম্যুনিতীগী মতাঙদসু ৱা ঙাঙখি‍। মহাক্না হেন্না ফবা ইম্ম্যুন রেসপোন্সকীদমক কমদৌনা ন্যুত্রিসনদা মিনরেল অমসুং ত্রেস ইলিমেন্তশিং মরুওইবগে হায়বা ৱাফম শন্দোক্না তাকখি‍। মহাক্না চীঞ্জাক অমসুং মনা মশিংদা য়াওবা এন্তি-ওক্সিদেন্তশিংগী মতাঙদসু ৱা  ঙাঙখি‍। বেঙ্গলুরুগী এম.এস. রামাইয়া মেদিকেল তীচিং কলেজকী প্রিন্সিপাল সাইন্তিস্ত দোক্তর চিদম্বরম মুর্থীনা হীদাক ওইনা শীজিন্নবা য়াবা ন্যুত্রিসনদা য়াওবা তোঙান তোঙানবা ন্যুত্রাসিউতিকেলশিং অমদি ফংসনেল চীঞ্জাকশিং অমসুং বাইওএক্তিব কম্পাউন্দশিংগী মতাঙদা ৱা ঙাঙখি‍।

*******