विज्ञान आणि तंत्रज्ञान मंत्रालय
बृसेला लस तंत्रज्ञानाचे डीबीटी- आयसीएआर हस्तांतरण
भारतात बृसिलोसीस नियंत्रण कार्यक्रमात बृसेला लस महत्वाची भूमिका बजावणार
प्रविष्टि तिथि:
25 SEP 2020 8:15PM by PIB Mumbai
नवी दिल्ली, 25 सप्टेंबर 2020
जैव तंत्रज्ञान विभागाच्या या आठवड्याच्या सुरवातीला व्हिडीओ कॉन्फरन्सिंग द्वारे झालेल्या कार्यक्रमात बृसेला लस तंत्रज्ञान हस्तांतरण करण्यात आले तसेच यावेळी सामंजस्य करारावरही स्वाक्षऱ्या करण्यात आल्या. उत्तर प्रदेशातल्या इजातनगर इथल्या आयसीएआर म्हणजे भारतीय पशुवैद्यक संशोधन संस्थेने डीबीटीच्या सहकार्याने बृसिलोसीस नेटवर्क प्रकल्पा अंतर्गत ही लस विकसित केली आहे.
इजातनगर इथे उंदरावर केलेला आणि राष्ट्रीय पशु आरोग्य संस्थेत म्हशीच्या रेडकूवर केलेल्या प्रयोगात या लसीमुळे संरक्षण मिळाल्याचे दिसून आले आहे. बृसिलोसीस नियंत्रण कार्यक्रमात बृसेला लस महत्वाची भूमिका बजावू शकते.
या रोगामुळे पशुधनाच्या उत्पादन क्षमतेवर परिणाम होतो. दुग्ध क्षेत्राशी संबंधित लोकांवरही या रोगाचा परिणाम होतो. जगभरात सुमारे पाच लाख लोकांना दरवर्षी याची लागण झाल्याचे आढळले आहे, भारतातही दुग्ध क्षेत्राशी संबंध असलेल्या लोकांना याची लागण होते.
* * *
B.Gokhale/N.Chitale/D.Rane
सोशल मिडियावर आम्हाला फॉलो करा
@PIBMumbai 
/PIBMumbai 
/pibmumbai 
pibmumbai[at]gmail[dot]com
(रिलीज़ आईडी: 1659149)
आगंतुक पटल : 247