প্রধানমন্ত্রীগী লোইশঙ
প্রধান মন্ত্রী শ্রী নরেন্দ্র মোদী অমসুং জাপানগী প্রধান মন্ত্রী হিজ এক্সিলেন্সী সুগা য়োশিহিদেগা লোইননা ফোন্দা ৱারী শানখ্রে
Posted On:
25 SEP 2020 2:09PM by PIB Imphal
প্রধান মন্ত্রী শ্রী নরেন্দ্র মোদীনা ঙসি জাপানগী প্রধান মন্ত্রী হিজ এক্সিলেন্সী সুগা য়োশিহিদেগা লোইননা ফোন্দা ৱারী শানখি।
প্রধান মন্ত্রীনা প্রধান মন্ত্রী সুগাবু জাপানগী প্রধান মন্ত্রী ওইনা খল্লকপদা হরাওবা ফোংদোকখ্রে অমসুং মহাক্কী পান্দম ফংবা ওইরসনু হায়না য়াইফ-মঙ্গোল পীখ্রে।
লুচিংবা অনিনা ভারত-জাপান স্পিসিএল স্ত্রেতেজিক অমসুং গ্লোবেল পার্তনর্শিপনা হৌখিবা চহি খরসিদা অদুক্কী মতীক খুমাং চাউশিলহল্লে হায়না য়ানখি অমসুং মরী অসিবু তুংদা নাকল অনিমক্কী থাজবা অমসুং মগুনশিং লান্নদুনা হেন্না ফগৎহন্নীংবগী অপাম্বা ফোংদোক্নখি।
লুচিংবা অনিনা লৈবাক অনিগী মরক্তা লৈনরিবা মরী অসি কোবিদ-১৯ য়াওনা হৌজিক ওইরিবা মালেমগী শিংনবশিং অসিদা হেন্না চুশিন্নহল্লি হায়না য়ানখি। মখোয়না ফ্রী, ওপন অমসুং ইনক্লুসিব ওইবা ইন্দো-পেসিফিক লমদম অমগী শেন্মিৎলোনগী আর্কিতেকচর অমা মতীক চাবা সপ্লাই চেন অমা শাগৎনবা অমসুং মসিগা মরী লৈননা, অতোপ্পা ৱাখল মান্নবা লৈবাকশিংগা লোইননা ভারত অমসুং জাপানগী মরক্তা মতেং পাংনবদা তরাম্না ওকমিন্নবদা লুম্না লৌনখি।
লুচিংবা অনিনা লৈবাক অনিগী মরক্তা লৈরিবা শেন্মিৎলোনগী মরী অসিদা থাগৎপা ফোংদোক্নখি অমসুং মসিগা মরী লৈননা স্কিল লৈরবা ৱার্করশিংগা মরী লৈননা য়ান-চেরোল অমগী অইবা ওইনা ৱারোইশিন পুরকপদা তরাম্না ওক্নখি।
প্রধান মন্ত্রীনা প্রধান মন্ত্রী সুগাবু কোবিদ-১৯ লাইচৎকী ফিবম অসি খরা শাফরকপগা চহিগী ওইবা লৈবাক অনিগী মীফমগীদমক ভারত্তা লেংবীরক্নবা ফোংদোকখি।
*****
(Release ID: 1658978)
Visitor Counter : 172
Read this release in:
English
,
Urdu
,
Marathi
,
Hindi
,
Bengali
,
Assamese
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam