কোবিদ-১৯ লায়েংনবা পাম্বৈশিং অথুবদা পুথোকপগী দরকার ওইবা অদু য়েংদুনা, তোঙান তোঙানবা লম্বীশিংগী খুৎথাংদা তোঙান তোঙানবা পাম্বৈশিং পুথোক্নবা অয়ুস মিনিস্ত্রিনা মওং চুম্না থিজিনবা হৌরে। থবক অসিগী শরুক অমা ওইনা, কোবিদ-১৯ পোজিতিপ ওইরবশিংগী লাইওংশিং লায়েংনবা বাসা(আধাতোদা বাসিকা) অমসুং গুরুচিগী কান্নবশিংগী মতাংদা ক্লিনিকেল স্তদি পাংথোক্নবা পুখৎলকপা ৱাফম অমা হন্দক অয়াবা পীখ্রে। মসিনা “রেন্দমদা, ওপন লেবেল থ্রী আমর্দ” ওইনা থিজিনগনি অমসুং সি.এস.আই.আরগী য়ুনিৎ অমা ওইরিবা আই.জি.আই.বিগা লোয়ন্না ওল ইন্দিয়া ইন্সতিতুৎ ওফ অয়ুর্বেদা, নিউ দিল্লিদা পাংথোক্কনি।

ফংলকপা ফলশিং য়েংশিনবা, ক্লিনিকেল অমসুং লেবোরেতোরিগী পেরামিতরশিং অমসুং থিজিনবগী লোজিস্তিকশিংগী মতাংদা মেথোদোলোজি য়াওবা অকুপ্পা ৱাফমশিং থৌরাং তৌরে। থিজিনবা অসিদা অয়ুসকী থিজিনবা মওংগা চুনবা অখন্নবা কেস রিপোর্ত ফোরম(সি আর এফ) অমা শীজিন্নগনি। অনৌবা মতম অসিগী মেদিসিনগী অখঙ-অহৈশিং য়াওবা তোঙান তোঙানবা হিরমশিংগী অখঙ-অহৈশিংগী কাংবু অমনা সি.আর.এফ অমসুং স্তদি প্রোতোগোলশিং হন্না য়েংশিনখ্রে অমসুং মখোয়গী পাউতাকশিং লৌখ্রে। ইন্সতিতুসনেল ইথিক্স কম্মিতি (আই ই সি)গী দরকার ওইবা অয়াবশিং ফংলবা মতুংদা থিজিনবা অসি পাংথোক্কনি।

মখাগী অখন্নবা ৱাফমশিং অসি প্রোজেক অসিনা খন্নগনি:

১. বাসা অমসুং গুরুচিগী মোনো-হার্বেল মচলশিংগী কান্নবশিং অমসুং লাইওং উৎতবা সার্স-কোভ-২ পোজিতিপ অমসুং ময়াই ওইবা কোবিদ-১৯ লাইওং উৎপা কেসশিং লায়েংনবদা বাসা-গুরুচিগী পোলিহর্বেল মচলশিংগী কান্নবশিং। হায়রিবা মচলশিং অসিনা ভাইরস মশিং হেনগৎপদা পীবা চৈথেং।

২. কোবিদ-১৯গা মরী লৈনবা মরুওইবা বাইও মার্করশিংগী মশকশিং হায়রিবা মোনো-হর্বেল অমসুং পোলিহর্বেল মচলশিং অসিনা হোংহনবা ঙম্বরা।

বাসা অমসুং গুরুচি অসি ভারতকী মমাংঙৈগী অনা-লায়েংগী থবকশিংদা লায়না মখল কয়া লায়েংবদা শীজিন্নরক্লবা মশক খঙলবা পাম্বীশিংনি। মসিগী থিজিনবা অসিদগী ফংলবা অদু অয়ুস সেক্তরগী অফবা ওইগনি।

*****