এনভাইরোনমেন্ত, ফোরেস্ত অমসুং ক্লাইমেত চেঞ্চকী মন্ত্রী শ্রী প্রকাশ জবদেকরনা মহৌশাবু খ্বাইদগী মরু ওইবা রিকোভরী প্লান ওইনা থম্নবা “সস্তেনেবল দিভেলপমেন্তগীদমক এক্সন অমসুং দিলিভরীগী য়ু.এন.দিকেদ” হৌরকপদা খুৎশম্নদুনা পুন্না চৎমিন্নবা অমসুং “মহৌশাগা চুশিন্ননা হিংমিন্নবা” হায়রিবা ভিজন অসি মশক খঙনবা লৈবাকশিংদা হায়জখ্র৷ ২০২০গী মতুংদা লৈগদৌরিবা বাইওদাইভরসিতী: পৃথিবী অসিদা লৈরিবা থৱাই পানবা জিবা পুম্নমক্কীদমক ফ্যুচর অমা শেমগৎপা, হায়রিবা মিনিস্তিরিয়েল রাউন্দতেবল দাইলোগকী ভরচুয়েল মীফম অসিদা শ্রী জবদেকরনা ভারতকী মহুৎ শিন্দুনা শরুক য়াখ্রে৷

মিনিস্তিরিয়েল অদুনা বাইওদাইভরসিতী য়োকখৎপদা অমসুং সস্তেন্নেবল দিভেলপমেন্তদা ময়াম তাথোক তাশিন তৌননবগীদমক লাক্কদৌরিবা বাইওদাইভরসিতীদা য়ুমফম ওইদুনা পাংথোক্কদৌরিবা য়ুনাইতেদ নেসন সম্মিত অসিদগী চয়োল অমা ঙনখৎতুনা চাইনানা য়ুম্বু ওইদুনা মিনিস্তিরিয়েল মীফম অদু পাংথোকখি৷ থৌরম অদুদা তোঙান তোঙানবা লৈবাকশিংগী মিনিস্তিরিয়েল রিপ্রজেন্তেতিব ১৫রোমগা লোইননা রিজনেল রিপ্রজেন্তেসন অমসুং মরী লৈনবা ইন্তরনেস্নেল ওর্গনাইজেসনশিংগী মকোকশিংনা শরুক য়াখি৷

থৌরম অদুদা শ্রী প্রকাশ জবদেকরনা ৱা ঙাংলদুনা অসুম্না ফোংদোকখ্রে মদুদি মীওইবগী পুন্সিদা মতেং পাংলিবা মহৌশাগী রিসোর্সশিং অসি মওং মরিল তাদনা শিজিন্নবা অমসুং মাংহল্লিবা অসি কোবিদ-১৯ লাইনা লাইচৎ অসিনা ময়েক শেংনা তাকখ্রে৷

মহাক্না মখাতানা অসুম্না ফোংদোকখ্রে মদুদি ভারতনা চহি অমগী মনুংদা কনফরেন্স ওফ পার্তিস(সি.ও.পি.শিং)অনি ২০১৯গী সেপ্তেম্বর থাদা য়ু.এন.সি.সি.দি. সি.ও.পি. অমসুং ২০২০গী ফেব্রুৱারী থাদা সি.এম.এস. সি.ও.পি. থৌরম অনি অসি পাংথোক্তুনা বাইওদাইভরসিতী য়োকখৎপদা ভারতনা মাংজৌননা য়াম্না মরু ওইবা থৌদাং লৌখ্রে অমসুং ফংলিবা লেন্দ এরিয়া ২.৪% অসি খক্তনা ভারতনা মীওইবা অমসুং শা-ঙাগী পোপুলেসন ১৮% সপোর্ত তৌনা তৌনা রেকোর্দ তৌরিবা স্পিসিস অদুগী ৮%দি ভারততা লৈ অমসুং ফোরেস্তকী লমসু ২৫%গা নক্ননা হেঙ্গৎহনখ্রে অসিদসু নত্তনা ২০৩০ ফাওবগী মনুং অসিদা মাং তাকলুরবা কান্নদ্রবা লম হেক্তর মিলিয়ন ২৬ হান্নগী ফিভমদা হঞ্জিনহনবদা পান্দম থম্লি৷

মহাক্না রাউন্দতেবল অদুদা অসুম্না ফোংদোকখি মদুদি ভারত অসি মেগাদাইভর্স ওইবা লৈবাক অমা ওইবনা বাইওদাইভরসিতী গভরনেন্সকীদমক অকনবা লিগেল অমসুং ইন্সতিত্যুসন অমা লৈ অমসুং বাইওদাইভরসিতী দোকুমেন্তেসনগীদমক লৈবাক শিনবা থুংনা লমদম অদুগী মীয়াম অমসুং মীয়ামশিংগী বাইওদাইভরসিতী রেজিস্তর লিশিং ১৭০ য়াওদুনা লৈরিবা বাইওদাইভরসিতী মেনেজমেন্ত কম্মিতী লিশিং ২৫০ অসিনা সি.বি.দি.গী প্রোভিজনশিং অদু সিয়র তৌনবা ইস্তাব্লিস সিস্তেম অমা লৈ৷

শ্রী জবদেকরনা ফোংদোকখ্রে মদুদি সি.বি.জি.না থাগৎলক্লিবা গ্লোবেল বাইওদাইভরসিতী আউতলুক রিপোর্ত অসিগী মতুং ইন্না ঐখোয়না মহৌশা অসি ঙাক শেন্নবা অমসুং যোকখৎন্নবা খুৎশম্নদুনা চৎমিন্নবা হায়বা অসিদগী তোঙানবা ওপ্সন অমত্তা লৈতে অমসুং পোস্ত-২০২০ গ্লোবেল বাইওদাইভরসিতী ফ্রেমৱর্ক চৎননবা ২০২১দা চাইনাগী কুন্নিংদা পাংথোক্কদৌরিবা ১৫শুবা পার্তিশিংগী কনফরেন্স অদুনা তোঙানবা য়াম্না মরু ওইবা খুদোংচাবা অমা পীরগনি হায়দুনা ভারতনা থাজৈ৷

*****