হকচাং ফনা অমসুং লাইনাদগী ঙাকথোক্নবা খোংথাংশিংদা মীৎয়েং থম্লিবা মন্ত্রালয় অসিগী থা অহুমগী কেমপেন্দ “অয়ুশ ফোর ইম্ম্যুনিতী”গী শরুক অমা ওইনা নোভেল ই-মরাথোন অমা তৌনবা সোসিয়েল সাইন্সকী রাজাগিরি কলেজ অমসুং কোচিদা লৈরিবা রাজাগিরি ব্যুজিনেসকা অয়ুশ মন্ত্রালয়গা খুৎশম্নখ্রে৷ তেক্নোলোজী, লমজেল চেনবা, চেরিতী অমসুং ৱেল্নেস প্রোগ্রামশিং পুনশিন্নবনা মরম ওইরগা হায়রিবা থৌরম অসিনা শরুক য়ারিবা মীওইশিংগী পুন্সিদা হেন্না অফবা অমসুং হকচাং ফবা হেঙ্গৎলগনি হায়দুনা থাজনরি৷

হায়রিবা ই-মরাথোন অসি কোবিদনা মরম ওইরগা শোকহল্লিবা অঙাংশিং অদু সপোর্ত তৌবগী মরম অমা ওইনা অমসুং হৌজিক চৎথরিবা লাইনা-লাইচৎ অসিগী মনুংদা শরুক য়ারিবা মীওইশিংবু হকচাং ফনা লৈননবগীদমক পাংথোকপনি৷ ই-মরাথোন অসিগী থীম অদুদি “কোবিদ-১৯ লাইনা-লাইচৎ অসিগী মনুংদা অমসুং মতুং তারকপদা মেন্তেল হেল্থ রিচার্স তৌবা” অসিনা ওই৷

রাজাগিরিগী ই-মরাথোন অসি মালেম অসিদা লৈরিবা চহীগী কাংলুপ পুম্নমক্কী মীওইশিংবু হকচাং অমসুং পুক্নিং ৱাখল হেন্না ফনা থম্নবা শেম্মী৷ ই-মরাথোন অদুদা শরুক য়ারিবা মীওই পুম্নমকনা খুদোংচাবা মফমশিংদা মশা মশাগী অপাম্বগী মতুং ইন্না মতম চানা শরুক য়াবা য়াগনি৷ চেনবগী চাংদম্নবা অদু মপুং ফানবগীদমক মখোয়না শাংলবা নুমিৎ ১০নিগী মতম ফংই৷ ৱেল্নেস এপ অমনা শরুক য়ারিবা মীওইশিং অদুগী রিদিং অদু সেন্ত্রেলাইস সোফতৱেয়র এপ্রিকেসন্দা শমদুনা সেন্তর সরভর(কম্প্যুতর) অমদা শমদুনা পুনশিল্লগনি৷

শরুক য়াগদৌরিবা মীওইশিং অদুনা মখোয় মখোয়গী মমিংশিং অদু emarathon.rajagiri.eduwebsite অসিদা মমিং চনবা দরকার ওই অমসুং কমদৌনা চংশিনগদগে হায়বদু ই-মেলশিংগী খুৎথাংদা তাক্লগনি৷ হায়রিবা থৌরম অসিগীদমক শরুক য়াগদৌরিবা মীওইশিং ফিনেস এপ লৈবগী তঙাই ফদ্রবসু লমজেল অদু শরুক য়াবা মতমদা মকোয়না স্মার্তফোন অমা নত্রগা ফিতনেস বেন্দ অমা শিজিন্নবা মরু ওই৷

থৌরম অদু ২০২০গী সেপ্তেম্বরগী তাং ২৮দগী ২০২০গী ওক্তোবরগী তাং ১০ ফাওবা(নুমিৎ ১৫) চৎথগনি৷ থৌরম অদুগী লোইশিল্লকপগী শরুক অদু ২০২০গী ওক্তোবর থাদা শন্দোক্কদৌরিবা “অয়ুশ ফোর ইম্ম্যুনিতি” কেমপেন্দ অসিগী পান্দম ওইরিবা “ভিহারা”  অসিগা পুন্না তামিন্নরগনি৷

মসিগী থৌরম অসিনা ফিজিকেল দিস্তেন্স তৌদুনা মীয়ামশিংগী মরী অদু হেন্না নকশিনহনবদা পান্দম থম্লি৷ থৌরম অসিনা মপুং ওইবা ৱেল্নেস কেমপেন্দ অমগা য়োগ, মেদিতেসন, ৱেবিনার্স অমসুং এন্তরতেনমেন্তগা পুন্না পুনশিল্লগনি৷

থৌরম অদুদা শরুক য়াননবা মমিং চনবদা লৌখিবা ফিশিং অদু মুম্বাইদা কোবিদ-১৯না মরম ওইরগা মমা মপা কাইনখ্রবা অঙাং ৫০দা মতেং পাংলগনি হায়দুনা শিল্লি লাংলিবশিং অদুনা ফোংদোকখ্রে৷ চিল্দ্রেন ইন্দিয়া ফাউন্দেসননা লর্নিং দিভাই পীননবগীদমক হায়রিবা চেরিতী অসি হেন্না লাইনা মপুং ফাহল্লগনি৷ ভারততগী অমসুং মতোপ্পা মফমশিংদগী শরুক য়াগদৌরিবা মীওই চাওরাক্না ৮০০০রোম্না হায়রিবা নোভেল ইভেন্ত অসিদা শরুক য়াবগী থজবা লৈ৷

*****