কেবিনেৎনা রেলৱেজকী কেন্দ্রগী রাজ্য মন্ত্রী শ্রী সুরেশ সি. অঙ্গদিনা সেপ্তেম্বর ২৩, ২০২০দা নই দিল্লীদা লৈখিদবদা অৱাবা ফোঙদোকখ্রে।

শ্রী সুরেশ সি. অঙ্গদিবু নীংশিংদুনা কেবিনেৎনা মিনিৎ অনি তুমিন্না লৈদুনা অৱাবা ফোঙদোকখি।

কেবিনেৎনা ঙসি ৱারেপশিং অসি পাস তৌখি:

“রেলৱেজকী কেন্দ্রগী রাজ্য মন্ত্রী শ্রী সুরেশ সি. অঙ্গদিনা সেপ্তেম্বর ২৩, ২০২০দা নই দিল্লীদা লৈখিদবদা কেবিনেৎনা অৱাবা ফোঙদোকখি। মহাক্না লৈখিদবা অসিদা জাতি অসিনা অফবা লুচিংবা, এজুকেসনিস্ত, মশক নাইরবা পার্লিয়ামেন্তরিয়ন অমসুং মতিক মঙাল লৈবা লৈঙাকপা অমা মাংজবনি।

শ্রী অঙ্গদি ইং ১৮৫৫কী জুন ১দা কর্নাতকাগী বেলাগবি জিলাগী কে কে কোপ্পা খুঙ্গংদা পোকখি, মহাক্না এস.এস.এস. সমিথি কোলেজ, বেলাগবিদগী গ্রেজ্যুসন লোয়খি অমদি মতুংদা রাজা লখমগৌরা লো কোলেজ. বেলাগবিদগী লোদা দিগ্রী অমা ফংখি।

ভার্তিয়া জনতা পার্তীগী মেম্বর ওইরিবা মহাক্না ১৯৯৬তা পার্তী অসিগী বেলাগবি জিলাগী য়ুনিৎকী ভাইস প্রসিদেন্ত ওইখি। মহাক অসি বেলাগবি জিলাগী য়ুনিৎকী প্রসিদেন্ত ওইনা ২০০১দা খনখি অমসুং ২০০৪দা পার্তী অসিগী বেলাগবি লোক সভা কনস্তিত্যুন্সীগী কেন্দিদেৎ ওইবা লেপত্রিবা ফাওবা মখা তানা ফম অসি পাইখি। মহাক্না মশিং য়াম্না হেন্দুনা কাখি অমসুং ১৪শুবা লোক সভাগী মেম্বর অমা ওইখি। মহাক অসি অমুক হন্না ২০০৯, ২০১৪ অমসুং ২০১৯দা বেলাগবিদগী লোক সভাগী মেম্বর ওইনা কাখি।

মহাক্না চীঞ্জাক্কী স্তেন্দিং কম্মিতী, কঞ্জুমর এফিয়র্স অমসুং পব্লিক দিস্ত্রিব্যুসনগী মেম্বর অমা ওইনা; হ্যুমেন রিসোর্স দিবেলপমেন্ত, দিফেন্সকা লোয়ননা কন্সল্তেতিব কম্মিতী, শেনথুম মন্ত্রালয়গী মেম্বর অমা ওইনা মথৌ তৌরম্মি। মহাক্না পার্লিয়ামেন্তকী মেম্বরশিংগী জোইন্ত কম্মিতী ওন পেন্সন, সেলরীজ অমসুং এলাৱেন্সেস, এদভাইজরী কম্মিতী ওন সেন্ত্রেল দাইরেক্ত তেক্সেস, হাউস কম্মিতী অমসুং কম্মিতী ওন পিতিসন্সগী মেম্বর অমা ওইনসু মথৌ তৌখি। মে, ২০১৯ শ্রী অঙ্গাদিনা রেলৱেজকী কেন্দ্রগী রাজ্য মন্ত্রী ওইখি।

ইন্দস্ত্রী, এগ্রিকলচরেল অমসুং লাইরবশিংগী এজুকেসন্দা অখন্নবা মীয়েং চংদুনা মহাক্না সোসিএল অমসুং নাৎকী ওইবা থবক থৌরম কয়া মরুমদা শরুক য়াখি। ২০০৯দগী সুরেশ এজুকেসন ফাউন্দেসন, বেলগোমগী চিয়র্মেন ওইরম্মি। মহাক লাইরিক পাবা অমসুং লম কোয়বা পাম্বা মীশক্নি।

কেবিনেৎনা সরকার অমদি লৈবাক মীয়ামগী মহুৎ শিন্দুনা অৱাবা তারিবা ইমুংগী অৱাবদা শরুক য়াজরি।”

*****