লৌউ-শিংউ মন্ত্রালয়

আই.সি.এ.আর.গী নেস্নেল এগ্রিকলচরেল হাইয়র এজুকেসন প্রোজেক্তনা পাঙথোকপা হেকাথোন ‘ক্রিতগ্য’

এগ-তেক-হেকাথোন্না নুপীগা চুশিন্নবা খুৎশু-খুৎলায়শিংদা অহেনবা মীৎয়েঙ চঙদুনা ফার্ম মেকানাইজেসন্দা অনৌবা ৱাখল্লোন য়োকখৎকদৌরি

Posted On: 23 SEP 2020 12:34PM by PIB Imphal

নুপীগা চুনবা খুৎশু-খুৎলায়দা অখন্নবা মীৎয়েঙ থমদুনা ফার্ম মেকানাইজেসনগী ফীভম ফগৎহন্নবগীদমক মতিং লৈবা তেক্নোলোজীগী পাম্বৈ য়োকখৎনবা পান্দমদা ‘ক্রিতগ্য’ কৌবা হেকাথোন অমা ইন্দিয়ন কাউন্সিল ওফ এগ্রিকলচরেল রিছর্চ (আই.সি.এ.আর.)না নেসনেল এগ্রিকলচরেল হাইয়র এজুকেসন প্রোজেক্তকী মখাদা থৌরাং তৌরি‍। থৌরম অসিদা লৈবাক্কী মফম খুদিংমক্তা লৈবা য়ুনিভর্সীতী/ তেক্নিকেল ইন্সতিত্যুসন অমা হেক্তদগী মহৈরোই/ ফেকল্তী অমসুং ইনোভেতর/ওন্ত্রপ্রিন্যুরশিংনা এপ্লাই তৌরক্তুনা কাঙলূপ ওইনা শরুক য়াবা য়াগনি‍।

কাঙলূপ অমদা ফেকল্তী নৎত্রগা ইনোভেতর নৎত্রগা ওন্ত্রিপ্রিন্যুর অমদগী হেন্দনা য়াওরগা য়াম্লবদা মীওই মরীনা চাংদম্নবা য়াগনি হায়না আই.সি.এ.আর. দাইরেক্তর জেনেরেল দোক্তর ত্রিলোচান মোহাপত্রানা হায়খি‍। শরুক য়াগদৌরিবা মহৈরোয়শিংনা লমদমদুগী স্তার্ত-অপশিং, তেক্নোলোজী ইন্সতিত্যুৎশিংগী মহৈরোয়শিংগা খুৎশম্নরগা য়াওবা য়াগনি অমদি অহানবা, অনিশুবা অমসুং অহুমশুবা মনা ওইনা মথঙশিৎনা লুপা লাখ ৫, লুপা লাখ ৩ অমসুং লুপা লাখ ১ ফংবা য়াই‍। থৌরম অসিগী রেজিস্ত্রেসন সেপ্তেম্বর ১৫, ২০২০দগী হৌখ্রে‍।

ইনোভেতিব ওইবা তেক্নোলোজীগী পাম্বৈগী খুত্থাঙদা অমসুং স্তেকহোল্দরশিংগা খুৎশম্নদুনা নুপীশিংগা চুশিন্নবা খুৎশু-খুৎলায় পুথোকপা অমদি য়োকখৎপনা প্রধান মন্ত্রী শ্রী নরেন্দ্র মোদীনা তাঙ্কক কয়াদা হায়খিবগুম্না লৌফমগী পোত্থোক পুথোকপগী চাং অমসুং শেন্দোং লৈবা হেনগৎহনবদা মরুওইবা থৌদাং লৌগনি হায়না দোক্তর মোহাপত্রানা হায়খি‍। লৌউ-শিংউ অমসুং লৌমীশিংগী য়াইফ থৌরাংগী কেন্দ্র মন্ত্রী শ্রী নরেন্দ্র সিংহ তোমারনসু মীফম কয়াদা ফার্মে মেকানাইজেসন্দা ইনোভেসন হেনগৎহনবা মথৌ তা বগী ৱাফম ফোঙদোকখিবা লৈখ্রে অমদি হায়রিবা থৌরম অসি পাঙথোক্নবগী অপুনবা লমজিং লমতাকসু পীরি‍।

আই.সি.এ.আর. দিপুতী দাইরেক্তর জেনেরেল অমসুং এন.এ.ঐচ.ই.প. নেসনেল দাইরেক্তর দোক্তর আর.সি. অগ্রৱালনা থৌরম অসিনা মহৈরোয়শিং, ফেকল্তীশিং, ওন্ত্রপ্রিন্যুরশিং, ইনোভেতরশিং অমসুং অতহ স্তেকহোল্দরশিংদা ভারত্তা ফার্ম মেকানাইজেসন য়োকখৎনবা মখোয়গী ইনোভেতিব ওইবা থৌওং অমসুং তেক্নোলোজীগী পাম্বৈ উত্থোক্নবা খুদোংচাবা অমা পীরগনি হায়না হায়খি‍। আই.সি.এ.আর.গী এগ্রিকলজচরেল ইঞ্জিনিয়রিং দিভিজনগা লোয়ননা এন.এ.ঐচ.ই.পি.না পায়খৎলিবা থৌরাং অসিনা ফার্ম মেকানাইজেসন সেক্তরদা তম্বগী মঙম, ইনোভেসন অমসুং দিসরপ্তিব সোলুসন, এম্প্লোইএবিলিতী অমসুং ওন্ত্রপ্রিন্যুরিএল দ্রাইভ হেনগৎহনবদা মতেং ওইরগনি‍। মসিগী মথক্তা থৌরম অসিনা এন.ই.পি.-২০২০দা য়াওরিবা মান্নবা অমদি পুম্নমক শুরবা অৱাংবা থাক্কী হাইয়র এজুকেসনগী মঙলানবু মাঙদা পুখৎপদা মতেংসু ওইরগনি‍।

নুপাশিংনা শেন্থোক হেন্না ফংগদবা নন-ফার্মগী ওইবা খুদোংচাবশিং থিবদা লংফৈ চত্থোক্নখিবনা মরম ওইরগা লৌবুক্কী থবক থৌরমশিংদা নুপীশিংনা শরুক য়াবগী চাং হেনগৎলকপা অসিদা মীৎয়েঙ থমদুনা লৌফমগী পোত্থোক পুথোকপগী চাং অমসুং শেন্দোং হেনগৎহন্নবা অমদি থবক ৱানা শুবা হন্থহন্নবগীদমক ওতোভেসন অমসুং মেকানাইজেসন হেনগৎহনবদা পান্দম থমদুনা থৌরম অসি পাঙথোকপা মথৌ তাই হায়না আই.সি.এ.আর.দা ফাওই হায়না মহাক্না হায়খি‍।

ভারত লৈঙাক অমসুং ৱর্ল্দ বেঙ্ক প্রোজেক্ত অমা ওইরিবা এন.এ.ঐচ.ই.পি. নবেম্বর ২০১৭দা আই.সি.এম.আর.না মহৈরোয়শিংদা চুনবা অমদি হেন্না ফবা থাক্কী মহৈ মশিং পীনবা নেসনেল এগ্রিকলচরেল রিছর্চ অমসুং এজুকেসন সিস্তেমদা ঙাক্লৌ পীননবা মপুং ওইবা পান্দমদা হৌদোকখিবনি‍।

রেজিস্ত্রেসন অমসুং শরুক য়াবগী মতাঙদা হেন্না কুপ্পা ৱাফমশিংগীদমক চঙবিয়ু:

https://nahep.icar.gov.in/Kritagya.aspx

ত্বীত্তর/ ফেসবুক পোস্ত

ইকায়খুম্নরবা পি.এম.গী মঙলানবু মাঙদা পুখৎলদুনা, লৌউ-শিংউগী হাইয়র এজুকেসনবু তুংগা হেন্না চুশিন্নবা ওইহন্নবগীদমক্তা আই.সি.এম.আর.না মাঙজিন থাবা থৌদাং য়ারি‍। হীরমসিগী মতাঙদা, এন.এ.ঐচ.ই.পি. অমসুং এগ্রিকলচরেল ইঞ্জিনিয়রিং দিভিজনগী অপুনবা থৌরাং অমা ওইনা, ফার্ম মেকানাইজেসন্দা ইনোভেসন য়োকখৎনবা ক্রিতগ্য – এগ-তেক হেকাথোন পাঙথোক্কদৌরি‍।

হৌজিক রেজিস্ত্রেসন হাংদোক্লে: https://nahep.icar.gov.in/Kritagya.aspx

@IcarNahep #AgTechHackathon #ICAR #NAHEP

লায়না খঙনবগীদমক্তা ত্বীত্তর পোস্তকী স্নেপসোত

*****



(Release ID: 1658203) Visitor Counter : 6