মমাংদা অমুক্তা লাকখিদ্রিবা মশীংদা, ভারত্তা নোংমগী মনুংদা খ্বাইদগী য়াম্না নাবা ফগৎখি।

হৌখিবা পুং ২৪ অসিদা লৈবাক অসিদা অনাবা লাখ ১ (১,০১,৪৬৮) হেন্না ফখি।

অতোপ্পা মশক থোকপা মায় পাকপা অমা ওইনা, হৌখিবা নুমিৎ মরিনি অসিদা থংন-থংননা মশীং ৱাংনা নাবা ফখি।

মসিগা লোইননা নাবা ফখ্রবগী অপুনবা মশীং অসি লাখ ৪৫ (৪৪,৯৭,৮৬৭) য়ৌরে। মসিনা নাবা ফগৎলকপগী চাং চাদা ৮০.৮৬ য়ৌখ্রে।

অনৌবা নাবা ফগৎলক্লিবশিং অসি রাজ্য/য়ু.তি. তরাদগী লাকপনি মখোয়শিং অদুদি, মহারাস্ত্রা, কর্নাতাকা, অন্ধ্র প্রদেশ, উত্তর প্রদেশ অমসুং তমিল নাদু, ওরিশা, দিল্লী কেরলা, নোংচুপ বেঙ্গাল অমসুং পঞ্জাবনি।

মহারাস্ত্রদা অনৌবা নাবা ফরবা অনাবা ৩২,০০০(চাদা ৩১.৫) লাকপদা লোইননা মাংজিল থারি। অন্ধ্র প্রদেশনা নোংমগী মনুংদা অনাবা ১০,০০০ ফগৎলক্লি।

ভারতনা ফংলিবা মশক থোকপা মায়পাকপা অসিনা মালেমগী লৈবাকশিংগী মনুংদা নাবা ফগৎলকপশিংগী মরক্তা খ্বাইদগী মকোক থোংলি।

লৈবাক অসিদা লাক্লিবা লেপ্পা লৈতবা নাবা ফগৎলকপগী ত্রেন্দ অসিনা কেন্দ্র সরকারনা লুচিংদুনা খোংলৈ থুনা অমসুং নোংম-নোংমগী খোংথাং কয়া লৌখত্তুনা তেস্ত, ত্রেক, ত্রিৎকী খোংথাং অসি মায় পাক্লি তাক্লি। ক্লিনিকেল মেনেজমেন্ত অমসুগ ত্রিৎমেন্ত প্রোতোকোল কয়া কেন্দ্র সরকারনা পীখিবশিং মতম মতমগী মতুং ইন্না অনৌবা মেদিকেল অমসুং সাইন্তিফিক ইভিদেন্স কয়াগা লোইননা অপদেৎ তৌরি।

কেন্দ্র সরকার অসিনা রেমদেসবির, কনভালেসেন্ত প্লাজমা অমসুং তোসিলিজুমেবকুম্বা  'ইনভেস্তিগেসনেল থেরাপী' কয়া মওং চুম্না শীজিন্নবগী অয়াবা পীরি। প্রোনিং, হাই ফ্লো ওক্সিজেন, নোন ইনভেসিব ভেন্তিলেসন, অমসুং স্তেরোইদ শীজিন্নবা অমসুং এন্তি কোএগুলেন্তশিং শীজিন্নবগী খোংথাং লৌখৎপনা কোবিদ অনাবশিং মশীং য়াম্না নাবা ফগৎলক্লি। কোবিদ মেনেজমেন্ততা অতোপ্পা খোংথাংশিংসু মাইল্দ/মোদরেৎ কেসকী হোম/ফেসিলিতী আইসোলেসন তৌবা, মতম চানা অমসুং থুনা অনাবা পুখৎনবা হেন্না ফগৎলবা এম্বুলেন্স শীজিন্নরি।

হকশেল মন্ত্রালয়না এইমস, নৈ দিল্লীগা খুৎশম্নদুনা সেন্তর্স ওব এক্সিলেন্সকী মখাদা রাজ্য/য়ু.তি.গী হোস্পিতালশিংগী আই.সি.য়ু. দোক্তরশিং শীজিন্নদুনা 'কোবিদ-১৯ মেনেজমেন্ততা নেসনেল ই-আই.সি.য়ু.'গী এক্সর্সাইস পাঙথোক্লি। চয়োল অমদা লৈবাকপোকপা অমসুং ইরাই নুমিত্তা অনীরক পাঙথোক্তুনা, হায়রিবা তেলি-কন্সলতেন্সীগী সেসন অসিনা ভারতকী মশীং ৱাংনা নাবা ফগৎলকপা অমসুং কেস ফর্তিলিতী রেৎ নেম্লক্লিবসিদা মতেং পাংলি। হৌজিক ফাওবদা, অসিগুম্বা নেসনেল ই-আই.সি.য়ু. ২০না লৈবাক অসিদা লৈরিবা রাজ্য/য়ু.তি. ২৮গী হোস্পিতাল ২৭৮ কোনশিল্লি।

কেন্দ্র সরকারনা রাজ্য/য়ু.তি. সরকারশিংনা লৌখৎলিবা খোংথাংশিংদা মতেং পাংনবা মলতি-দিসিপ্লিনরী কাংবু থারি। চাং নাইনা অৱাংবা থাক্কী য়েংশিনবা কয়া পাঙথোকপনা লৈবাক অসিগী হোস্পিতালশিংদা ওক্সিজেনগী অৱাৎপা অমসুং হকশেলগী ফেসিলিতীশিং ৱাৎহন্দ্রি। ভারতনা মশীং ৱাংনা নাবা ফগৎলকপা অমসুং হৌজিক চাদা ১.৫৯ লৈদুনা  কেস ফেতালিতী রেৎ নেম্লিবসি মখোয়শিং অসিনা অপুনবা ওইনা হোৎনদুনা অচৌবা থৌদাং লৌমিন্নবদগীনি।

*****