কোবিদ-১৯না মরম ওইরগা ইকোনোমী অসিদা পীরিবা অমাংবা অসি হন্থনবগীদমক সরকার অসিনা তোঙান তোঙানবা ফিস্কেল অমসুং মোনিতরী পোলিসীশিং চৎনহনখ্রে৷ ২০২০গী মেগী তাং ১২দা মীয়াম্না করবার হেন্না তৌনিংনবা, হেন্না শেল থাদনিংনবা অমসুং “মেক ইন ইন্দিয়া” অসি মাই পাক্ননবগীদমক ভারতকী জি.দি.পি.গী চাদা ১০গা মান্নরিবা লুপা কোতি লাখ ২০গী অখন্নবা ইকোনোমিক অমসুং কম্প্রিহেনসিভ পেকেজ অত্ম নির্ভর ভারত পেকেজ(এ.এন.বি.পি.)সরকার অসিনা লাওথোকখি৷ হায়রিবা ৱাফম অসি শেল-থুম অমসুং কোর্পোরেত এফিয়র্সকী রাজ্যগী গৃহ মন্ত্রী শ্রী অনুরগ সিংহ থাকুরনা লাওথোকখিবনি৷

এ.এন.বি.পি.গী মখাদা সরকার অসিনা তোঙান তোঙানবা খোংথাং কয়ামরোম চৎনহনখ্রে, মখোয়শিং অদুগী মনুংদা খরা অদুদি:

i. য়ুমথোংশিংগী রিলিফ মিজরশিং খুদম ওইনা চানা-থক্নবা, চাক থোংনবা গ্যাস অমসুং অহল ওইরবশিংদা, লুখ্রাবীশিংদা, মীমান্নদ্রবশিংদা, জন একাউন্ত পাইবা নুপীশিংদা, লৌমীশিংদা পৈশা ত্রান্সফর তৌবা, হেল্থকেয়র সেক্তরদা লৈরিবা মীওইশিংদা ইন্সুরেন্স মনুং চলহনবা অমসুং এম.জি.এন.আর.ই.জি.এ. শিন্মীশিংগী নোংমগী খুৎশুমল হেঙ্গৎহনবা অমসুং বিল্দিং অমসুং কন্সত্রক্সনগী শিন্মীশিংবু মতেং পাংবিবা, সেল্ফ হেল্ফ গ্রুপশিংদা কোলেতরেল ফ্রী লোনশিং পীবা, ই.পি.এফ. কন্ত্রিব্যুসন হন্থহনবা, মাইগ্রেন্ত শিন্মীশিংগী ইম্প্রোইমেন্ত প্রোভিজন (প্রধান মন্ত্রী গরিব কলয়ন রোজগর অভিয়ন) শেম্বিবা অসিনা ওই৷

ii. এম.এস.এম.ই.শিংগী রিলিফ মিজরশিং খুদম ওইনা ক্রেদিত গরেন্তী চাদা চাম্মা পীদুনা কোলেতরেল-ফ্রী লেন্দিং প্রোগ্রাম, পার্সিয়েল গরেন্তীগা লোইননা স্ত্রেস এম.এস.এম.ই.শিংগী সব-ওর্দিনেত দেবত পীবা, নন-বেঙ্ক ফাইনান্স কম্পেনীশিং, হাউশিং ফাইনান্স কম্পেনীশিং(ঐচ.এফ.সি) অমসুং মাইক্রো ফাইনান্স ইন্সতিত্যুসনশিংদগী পব্লিক সেক্তর বেঙ্কশিংনা শেল পুরুবগী পার্সিয়েল ক্রেদিত গরেন্তী স্কিম পীবা, এম.এস.এম.ই.শিংদা ইক্ব্যুইতী ইনফ্যুজনগীদমক ফন্দ ওফ ফন্দ পীবা, লৌমীশিংদা(পি.এম. সবানিদিগী) মখাদা ক্রেদিতশিং তাবিবা অমসুং স্ত্রীত ভেন্দরশিংগীদমক খুদোং চাবা ফংহনবা৷

iii. রিগুলেতরী অমসুং কমপ্লাইন্স মিজরশিং: তেক্স ফাইলিং অসমুং অতোপ্পা কম্প্লাইন্স দেদলাইনশিংবু থেংথহনবা, জি.এস.তি. ফাইলিং তৌবদা মতম হেন্দোকখিবদগী পেনালতী ইন্তরেস্ত রেত হন্থহনবা, সরকারগী প্রোক্যুরমেন্ত রুলশিং হোংহনবা, এম.এস.এম.ই.শিংগী শিংদ্রিবা শেনফমশিং শিংদোকহনবা, এম.এস.এম.ই.শিংগীদমক আই.বি.সি.গা মরী লৈনবাশিংদা কোমথোকপিবা৷

iv. অত্মনির্ভর পেকেজকী শরুক অমা ওইনা স্ত্রকচরেল রিফোমশিং ফোংবা৷ রিফোম অসিগী মনুং চল্লিবশিং অদুদি এগ্রিকলচরেল সেক্তরদা লৈরমলিবা চৎনা-কাংলোনশিং অদু চৎনহনদবা, এম.এস.এম.ই.গী ৱাহন্থোক হোংহনবা, অনৌবা পি.এস.য়ু. পোলিসী শেম্বা, কোইল মাইনিংবু শেলমিৎলোন ওন্থোকহনবা, দিফেন্স অমসুং স্পেস সেক্তরদা এফ.দি.আই. লিমিতশিংবু হেঙ্গৎহনবা, ইন্দস্ত্রী লেন্দ/লেন্দ বেঙ্ক অমসুং ইন্দস্ত্রীয়েল ইনফোর্মেসন সিস্তেম চাউখৎহনবা, সোসিয়েল ইনফ্রাস্ত্রকচরগীদমক ভাইয়েবিলিতী গেপ ফন্দিং স্কিমবু হেন্না পাকথোক চাওথোকহনবা, অনৌবা পৱার তেরিফ পোলিসী অমসুং সেক্তর রিফোর্মশিং অসি শেমগৎ-শাগৎপদা রাজ্যশিংদা হেন্না থৌনা পীবা৷

মোনিতরী ফর্ন্ততা য়েংলগা রিজর্ব বেঙ্ক ওফ ইন্দিয়া(আর.বি.আই.)না কোবিদ-১৯না মরম ওইরগা ইকোনোমী হন্থরক্লিবা অসি মেনখৎন্নবগীদমক অপুনবা কনভেন্সন্নেল অমসুং ননকনভেন্সন্নেল মোনিতরী অমসুং লিক্ব্যুইদতরীগী থোংথাংশিং লৌখৎখ্রে হায়না মন্ত্রী অদুনা ফোংদোকখ্রে৷ পোলিসী রেতশিং ফিভম শোক্না হন্থরকখ্রে অমসুং ইকোনোমী অসিদা ক্রেদিত ফ্লো লৈন্নবগীদমক ২০২০গী ফেব্রুৱারী থাদগী জি.দি.পি.গী চাদা ৪.৭/চাউরাক্না লুপা কোতি লাখ ৯.৫৭মুক কাইথোকখ্রে৷

শ্রী থাকুরনা ফোংদোকখ্রে মদুদি কোবিদ-১৯না মরম ওইরগা ফাইনান্সিয়েল মার্কেত অমসুং অতোপ্পা স্তেকহোল্দরশিংদা শোকহল্লিবা অসিগী লিক্ব্যুইদিতীগী মতেং পীন্ননবগীদমক আর.বি.আই.না তোঙান তোঙানবা চাওখৎ থৌরাংগী অমসুং রিগুলেতরী পোলিসীগী খোংথাংশিং লৌখৎখ্রে অদুগা অমরোমদা ক্রেদিত দিসিপ্লিন মপাঙ্গল কলহন্নবা, ক্রেদিত ফ্লো হেঙ্গৎহন্নবা, দিজিতেল পেমেন্ত সিস্তেমশিং মপুং ফাহন্নবা অমসুং তেক্নোলোজীদা শেল থাদদুনা ফাইনান্সিয়েল সেক্তরদা ইন্নোভেসনশিং হেন্না লাইহন্নবা হোৎনখ্রে৷ ২০২০গী মার্চ ১ ফাওবদা পন্দুনা লৈহৌরিবা তর্ম লোনশিং( খুদম ওইনা লৌউ-শিংউগী তর্ম লোন, রিতেল অমসুং মহৈ-মরোংগী লোনশিং)পুম্নমক্কী য়েংলগা অখন্নবা রিগুলেতরী ওইবা খোংথাংশিং লৌখৎনবা হায়খ্রে অমসুং ২০২০গী মার্চ ১ অমসুং ২০২০গী ওগস্ত ৩১, থা তরুক অসিগী মনুংদা পুথহৌবা ইন্সতোলমেন্তগী শেনফমশিং খোমগৎপা য়াবগী অয়াবা অদু লেন্দিং ইন্সতিত্যুসনশিংদা পীখ্রে৷ মসিগী মতুং তারকপদা লেন্দরশিংনা ওনর্শিফ অমসুং পর্সোনেল লোনশিং হোংহন্দনা চৎনবা য়াবা কোর্পোরেত এক্সপোজরশিং য়েংলগা রিজোলুসন প্রান অমা চৎন্ননবগীদমক ফ্রেমৱর্ক অমা শেমখ্রে৷

চৎনরিবা পেকেজ অদু চাং নাইনা য়েংশিনখ্রে৷ মশক থোকলবা এচিভমেন্ত খরা অদুদি:

i. প্রধান মন্ত্রী গরিব কলয়ন পেকেজ(পি.এম.জি.কে.পি.), মসিগী মখাদা ২০২০গী সেপ্তেম্বর ৭ ফাওবদা লাইরবা মীওই কোতি ৪২রোমদা লুপা কোতি ৬৮,৮২০গী শেল থুমগী মতেং পাংখ্রে৷

ii. করবার তৌবা মীওইশিংগীদমক এম.এস.এম.ই.শিং য়াওনা লুপা কোতি লাখ ৩গী কোলেতরেল-ফ্রি ওতোমেতেদ লোনশিং পীখ্রে অমসুং এন.বি.এফ.সি.শিংগী লুপা কোতি ৪৫,০০০গী পার্সিয়েল ক্রেদিত গরেন্তী স্কিম ২.০ থাদখ্রে৷

iii. এন.বি.এফ.সি.শিং/ঐচ.এফ.সি.শিং/এম.এফ.আই.শিংগী লুপা কোতি ৩০,০০০গী অখন্নবা লিক্ব্যুইদিতী স্কিম কাইথোকখ্রে৷

iv. নাবার্দকা লোইননা লৌমীশিংগীদমক লুপা কোতি ৩০,০০০গী অহেনবা ইমর্জেন্সী ৱর্কিং কেপিতেল ফন্দিং পীখ্রে৷

(v) ২০২০-২১গী ওইনা রাজ্য সরকারগী শেল পুবগী চাং অদু চাদা ৩দগী চাদা ৫দা হেঙ্গৎখ্রে৷

vi. তি.দি.এস/তি.সি.এস. রেত হন্থরকপদগী লুপা কোতি ৫০,০০০গী লিক্ব্যুইদিতী শোকহনখ্রে৷ সরকারগী পোলিসীনা লোকদাউন খরা কোমথোরকপা অসিনা জুলাই, ওগস্ত অমসুং সেপ্তেম্বর থাশিংদা থবক তৌনবগী চাং হেঙ্গৎলকই৷ মসিনা হাইথ ফ্রিক্বেন্সী ইন্দিকেতরশিং খুদম ওইনা পি.এম.আই. মেনুফেকচরিং, কোর ইন্দস্ত্রী নিপানগী ইন্দেক্স, ই-ৱে বিলশিং, খরিফ মহৈ-মরোং হুনবা, পৱার শিজিন্নবা, রেলৱে ফ্রইত, কার্গো ত্রাফিক অমসুং মী পুবা গারি য়োনবদা চাং ৱাংনা হেঙ্গৎলকপগী খুদম ওইরে৷

*****