ভারতনা কোবিদ-১৯গী মায়োক্তা লান্থেংনবদা শাথিবা মাইলস্তোন অমা লানখ্রে। অহানবা ওইনা লেন্দমার্ক অমা ফংবা ওইনা নোংমখক্তদা কোবিদ-১৯গী তেস্ত মশিং লাক্ষ ১২ হেন্না পাংথোকখিবগী রেকোর্দ থমখ্রে। হেন্না-হেন্না য়াংখৎলক্তুনা হৌখিবা পুং ২৪দা তেস্ত ১২,০৬,৮০৬ পাংথোকখিদুনা অপুনবা তেস্ত তৌবগী মশিং অসি করোর ৬.৩৬(৬,৩৬,৮১,০৬০) হেনখ্রে।

মসিনা লৈবাক অসিদা কোবিদ-১৯গী তেস্ত তৌবগী ইনফ্রাস্ত্রকচর অসি ময়েক শেংনা ফগৎলে হায়বা তাক্লি। লৈবাক অসিগী তেস্ত তৌবগী চাং অসি শরুক কয়া হেনগৎখ্রে। এপ্রীল ৮দা নোংমদা তেস্ত ১০,০০০ খক্তমক পাংথোক্লম্বা অদু ঙসিদি মনোংমদা তেস্ত তৌবগী চাং অসি ঙসি লাক্ষ ১২গী চাংচৎ য়ৌরে।

অকোনবগী তেস্ত করোর অমা অসি নুমিৎ ৯নি খক্তদা পাংথোকখিবনি। 

চাং ৱাংখৎনা তেস্ত তৌবনা পোজিতিব কেসশিং অসি ঙল্লিঙৈদা খংদোকপা ঙমহল্লি অমদি মতম চানা অমদি নিংথিনা লায়েং চত্থবা ঙমহল্লি। মসিনা শিবগী চাং অসি খুদক্তা হন্থহনখ্রে।

চাং ৱাংনা তেস্ত তৌবনা পোজিতিব ওইবগী চাং অসি হন্থহল্লে হায়বগী খুদম তাকখ্রে। নোংমদি পোজিতিবকী চাং অসি শাথিনা হন্থরকপা অসিনা লায়না লৌনরকপগী চাং অসি হঞ্জিনখ্রে হায়বা তাকখ্রে।  

ভারতনা নোংমদা তেস্ত তৌবগী মশিং অসি মালেমগী ওইনা খ্বাইদগী ৱাংই।

কোবিদ-১৯গী হিরমদা কেন্দ্রনা য়াৎপা পোলিসীশিং অসি লেপ্তনা অওনবা পুরক্লি। মীশিং পাকতক্ননা তেস্ত তৌবগী খুদোংচাহন্নবা খোংথাং কয়া অমা ইল্লদুনা হন্দক্তা কেন্দ্র সরকারনা অহানবা ওইনা ‘তেস্তিং ওন দিমান্দ’ অসি ফংহনখ্রে। রাজ্যশিং/য়ুনিয়ন তেরিতোরীশিংদসু থাক ৱাংনা তেস্ত তৌনবা মওংশিং অসি লায়থোকহন্নবা পাক শন্না হন্দোক-হঞ্জিন তৌবা য়াহনখ্রে।

কেন্দ্র সরকারনা কোবিদ-১৯গ তেস্ত তৌনবা হায়বা অসি সরকারগী দোক্তর খক্তনা তৌগদবা ওইদনা রেজিস্তর তৌবগী থবক পাংথোক্লিবা অমগী প্রেসক্রিপ্সন্না পাংথোকপা য়াহনখ্রে। কেন্দ্র সরকারনা আই.সি.এম.আর.গী লমজিং-লমতাক্কী মতুং ইন্না তেস্ত তৌনবগী ক্রাইতেরিয়া শুনা য়াওবা কনাগুম্বা অমহেক্তনা কোবিদ-১৯ তেস্ত তৌনবা প্রিসক্রাইব তৌবা য়ানবা রাজ্যশিং/য়ুনিয়ন তেরিতোরীশিংদসু লন্নাই লায়েংবগী থবক তৌবশিং য়াওনা মতিক চারবা মেদিকেলগী প্রেক্তিস্নরশিংদা থবক পায়খৎপা য়াহন্নবা পাউতাক পীখ্রে।

চাং ৱাংনা তেস্ত তৌনবা চেজ দি ভাইরস হায়বা লাল্লোং অসি লায়না শন্দোরকপা থিংনবা চিত্থহৌবা মীশিং থিংবা ঙম্নবগী পান্দম থম্বা মপুং ওইবা শরুক অমনি। রেপিদ এন্তিজেন তেস্ততা সিম্তোমেতিক ওইবা নেগেতিব ওইবা খুদিংমক আর.তি.-পি.সি.আর. অসি শুংশোই শোইদনা তৌনবা হায়খ্রে। 

লৈবাক অসিদা দাইগ্নোস্তিক লেবোরেতরীশিং নেৎৱর্ক অমসুং লায়না তেস্ত তৌবগী খুদোংচাবা অসি পাকতোক-চাউথোকহন্দুনা তেস্ত তৌবগী মশিং অসি খংহেন হেনগৎহনখ্রে।  

তেস্ত পর মিলিয়ন(তি.পি.এম.) অসি ৪৬,১৩১ হেনগৎখ্রে।

দব্লয়ু.ঐচ.ও.গী পাউতাক্কী ওইবা মী মশিং মিলিয়নগী ওইনা নোংমদা তেস্ত ১৪০ তৌবগী থবক অসি শিংথানিংঙাই ওইনা পাংথোক্লি। “কোবিদ-১৯কী মতাংদা মীয়ামগী হকশেল অমসুং ময়ামগী ওইবা থৌরাংশিং অসি চান্ননা থম্নবা মীয়ামগী হকশেলগী ক্রাইতেরিয়া”দা পীবা লমজিং-লমতাক্কী হায়বা ৱাফমদা দব্লয়ু.ঐচ.ও.না মসিগী লাল্লোং অসি ঙাক্নবা পাউতাক পীখি। 

অতোপ্পা মায় পাক্না পাংথোকপা থবকশিংগী পরিং ওইনা রাজ্যশিং/য়ুনিয়ন তেরিতোরী ৩৫দা তেস্ত তৌবগী মশিং অসি লানবা ঙম্নবা হায়খ্রে।

তেস্ত তৌবগী মশিং অসি হেনগৎহন্নবগী নিংথিনা লেপ্পা ঙম্বা অমা ওইনা লৈবাক অসিদা তেস্তিং তৌবগী লেবশিং অসি তপ্না-তপ্না হেনগৎলক্লি। মসিনা তেস্তিং নেতৱর্ক অসি সরকারগী সেক্তরদা ১০৬১ অমসুং লন্নাইগী সেক্তরদা ৭১২ য়াওনা পুন্না ঙসি লেবোরেতরী ১৭৭৩ শুরে। মসিদা য়াওরিবশিংসিদাঃ

• রিএল তাইম আর.তি. পি.সি.আর.গী তেস্তিং লেবশিং: ৯০২ (সরকারগী: ৪৭৫ + লন্নাই: ৪২৭)

• ত্রুনেতকী তেস্তিং লেবশিং: ৭৪৬ (সরকারগী: ৫৫২+ লন্নাই: ১৯৪)

• সি.বি.এন.এ.এ.তি.গী তেস্তিং লেবশিং: ১২৫(সরকারগী: ৩৪ + লন্নাই: ৯১)

অচুম্বা, অমসুং খুদক্কী ওইবা কোবিদ-১৯গা মরী লৈনবা তেক্নিকেল ইস্যু, গাইদলাইন অমসুং এদভাইজরীশিংগী ঈ-পাওশিংগীদমক্তা https://www.mohfw.gov.in/ দা অমসুং @MoHFW_INDIA  দা চাং নাইনা চংবিয়ু।

কোবিদ-১৯গা মরী লৈনবা তেক্নিকেল ক্বেরীশিংগীদমক্তা technicalquery.covid১৯[at]gov[dot]in দা থাবিয়ু অমসুং অতোপ্পশিংগী ওইনা ncov২০১৯[at]gov[dot]in অমসুং @CovidIndiaSevaদা থাবিয়ু।

কোবিদ-১৯গী ক্বেরীশিংগী ওইনা হকশেল অমসুং য়াইফ য়ুম্বাল মন্ত্রালয়গী হেল্পলাইন নম্বর +৯১-১১-২৩৯৭৮০৪৬ নত্ত্রগা ১০৭৫ (তোল-ফ্রী) দা কোল তৌবিয়ু

রাজ্যশিং/য়ু.তি.শিংগী হেল্পলাইন নম্বরশিংগী লিস্তসু https://www.mohfw.gov.in/pdf/coronvavirushelplinenumber.pdf তা ফংবিগনি।

*****