মাইক্রো, স্মোল অমসুং মেদিয়ম ইন্তর্প্রাইজেস মন্ত্রালয়
কে.ভি.আই.সি.গী হেন্না চেৎশিন্নবগী ফ্লিপকার্দ, এমাজোন, স্নেপদীলদা খাদীগী শাশিন্নবা পোৎলম ১৬০ ওনলাইনদগী লৌথোক্নবা শাফু পীখ্রে
Posted On:
19 SEP 2020 2:26PM by PIB Imphal
খাদী অমসুং ভিলেজ ইন্দস্ত্রিজ কমিসনগী (কে.ভি.আই.সি.) ফর্মনেসনা এমাজোন, ফ্লিপকার্দ, স্নেপদীলগুম্বা ই-কম্মর্সকী পোর্তেল অমদি অতোপ্পশিংদা “খাদী”গী ব্রেন্দগী মিংদা পোৎলমশিং য়োন্নবগী লিঙ্ক তৌদুনা থম্লিবা অসি লৌথোক্নবা হায়খ্রে। ঙসি থোকখিবা ৱারোল অমদা কে.ভি.আই.সি.না “খাদী”গী ব্রেন্দগী মিং শিজিন্নদুনা মশাগী পোৎলমশিং য়োন্দুনা খাদীগী মিংচৎ চেন্থনবা অমদি খাদীগী আর্তিসনশিং থবক অসি মাংহন্নবা হোৎনরে হায়বসি খংলকপদগী ফর্ম ১০০০ হেনবদা লিগেল নোতিস অসি পীখিবনি হায়না ফোংদোকখ্রে।
মহাক্না মখা তানা ফোংদোকখিবদা কে.ভি.আই.সি.না লিগেল নোতিস অসি পীখ্রবা মতুংদা খাদী গ্লোবেলনা মাগী ৱেবসাইত www.khadiglobalstore.com অসি শিজিন্নবা থিংখ্রে অমদি ত্বিতর, ফেসবুক অমসুং ইন্সতাগ্রাম্নচিংবদা সোসিএল মেদিয়াগী পেজশিংসু লৌথোকখ্রে অমসুং “খাদী”গী মিং শিজিন্নদুনা অসিগুম্বা কন্তেন্তশিং অমদি পোৎলম পুম্নমক লৌথোক্নবা নুমিৎ ১০নিগী মতম পীখ্রে।
কে.ভি.আই.সি.কী লৌখৎপা থবক অসিনা লৈবাক অসিদা খাদীগী শাশিন্নবা পোৎলমশিং য়োল্লম্বা স্তোর মশিং কয়া থোং লোনশিলহনখ্রে।
মসিগী ই-কম্মর্স পোর্তেলশিং অসিনা কাদীগী মাস্ক, হর্বেল সাপোনশিং, শেম্পুশিং, কোসমেতিকশিং, হর্বেল মহেন্দী, জেকেৎ, কুর্তা অমদি অতৈ পোৎলম কয়া অমা তোঙান-তোঙানবা পোৎ য়োনবশিংনা “খাদী”গী ব্রেন্দ মমিং শিজিন্নদুনা য়োল্লি। মসিনা মসিনা ওনলাইন্দা পোৎ লৈরিবশিংনা পোৎশিং অসি তশেংনা “খাদী”গী পোৎলমশিংনি হায়না লান্না খলহল্লে। অয়াম্বা লৌথোকখ্রিবা পোৎলমশিং অসি আয়ুশ ই-ত্রেদর্স হায়বা অমনা য়োল্লম্বনি হায়না কে.ভি.আই.সি.না ফোংদোকখি। মসিগী ফার্ম অসিনা “ভগদকী খাদী পোৎলমশিং” হায়না য়োল্লম্বা .তোঙান-তোঙানবা পোৎলমশিংগী লিঙ্ক ১৪০ অসি লৌথোকখ্রে হায়না তাংদাংবা ওইনা হায়খ্রে।
প্রধানমন্ত্রীনা চহি খরা অসিদা খাদীগী পোৎলমশিং লৈনবা অপীল তৌখিবদগী খাদীগী অসি ময়াম্না পাম্নরকপা অসি হেনগৎনরকপদগী খাদীগী ত্রেদমার্ক অসি উশিৎ-থওইদনা থবক কয়া অমা তৌরকপা হেনগৎলকখি হায়না মসিনা মখা তানা ফোংদোকখি। মসিগী খুদোংচাবা অসি লৌদুনা খাদীগী মিংদা পোৎলম কয়া অমা ওনলাইন্দা পোৎ য়োল্লিবসিংনা পংয়োন্দা য়োন্নরকখি। অদুগা তোঙান-তোঙানবা শহরশিংদা খাদীগী শাশিন্নবা পোৎলমশিং য়োনবা স্তোরশিংনা চেঙ্গুম শৌবগুম শৌগৎনরকখি। হৌখিবা থা খরসিদা মরুওইনা কোবিদ-১৯গী লোকদাউন তৌরিবা মতম অসিদা অসিগুম্বা শেংদবা ওনলাইনদা পোৎয়োনবশিং অসি য়াম্না শন্দোরকখি। অদুমওইনমক কস্তমরশিংনা অশেংবা খাদী পোৎলমশিং অসি ওনলাইন্দা লৈবা ফংহন্নবা, কে.ভি.আই.সি.না www.kviconline.gov.in/khadimask দা পোৎলম ৩০০ হেন্না ওনলাইন্দা য়োনবা য়ারবা ই-পোর্তেলদা হৌদোকখি।
কে.ভি.আই.সি.গী চেয়রমেন শ্রী বিনয় কুমার সক্ষেনানা ৱাফম অসি উশিৎ থওইদবশিংদা খাদীগী মিংদা পোৎশিং অসি য়োনবা তোকপা নত্রগা চাউনা মাংজবা অসি ফুক্কৎনবা লিগেল এক্সন অসি লৌখৎপা হৌরগনি হায়না কে.ভি.আই.সি.না ওপ্সন অসি পীখ্রে হায়না ফোংদোকখ্রে। সক্ষেনানা ফোংদোকখি, “মরুওইনা খাদীগী আর্তিসনশিংগী অনিংবা-অপাম্বা অসি ঙাক-শেন্নবা তোঙান-তোঙানবা ফর্মশিংদা লিগেল নোতিস পীখ্রে। ত্রেদমার্কপু উশিৎ-থওইদবা অসিনা ঐখোয়গী পোৎলমশিংদা য়াম্না নিংথিনা খুৎনা ময়েক হাপ্লিবশিংগী পুন্সি মহিংদা হকথেংননা শোকহল্লি।”
কে.ভি.আই.সি. “খাদী ইন্দিয়া” ত্রেদমার্ককী হকশিং অসি নিংথিনা য়েংশিন্নবগীদমক্তা অকনবা ওনালাইন্দা শাফু পীনবগী থৌরাং অমা থমখ্রে। মসিনা খাদীগী মিংদা পোৎ য়োল্লিবা মপু নাইদবা পোৎলমশিং অসি সিস্তেমেতিক ওইনা অমদি লেপ্তনা য়েংশিন্নবগীদমক্তা মী অমসুং তেক্নোলোজী য়ানশিন্ননা য়াওবা কত্থোক্লবা লিগেল তীমদা থবক পাংথোকহনখ্রে।
কে.ভি.আই.সি.না খাদীগী পোৎলমশিং শাবগী থবক তৌহনবা রেজিস্তর তৌরবা খাদী গী ইন্সতিত্যুসনশিংদা শুপ্নতগী কে.ভি.আই.সি.দা রেজিস্তর তৌবদা নত্তনা মখোয়বু খাদীদা থবক শিজিন্ননবগীদমক্তা মীওই অমহেক্তা অমুক হন্না ওথোরাইজ তৌনবগীদমক্তা ওথোরাইজ তৌহন্নবা নত্রগা ফর্ম নত্রগা কম্পেনীনিনা "খাদী"গী ত্রেদমার্ক নত্রগা "খাদী ইন্দিয়া"গী লোগো অসি শিজিন্ননবগীদমক্তা কে.ভি.আই.সি.দগী চপ চাবা লাইসেন্স ফংদ্রিবশিংদা হৈনবা তম্বিখ্রে।
হৌখিবা থাদা, কে.ভি.আই.সি.না খাদীগী মিংদা মপু নাইদবা মওংদা কোসমেতিক্স অমসুং অতৈ পোৎলমশিং য়োনবা ফর্ম অনিদা খাদীগী ইসেন্সিএল অমসুং খাদীগী গ্লোবেলদা লিগেল নোতিস পীখ্রে। ৱারোল অদুদা কে.ভি.আই.সি.না মুম্বাই হাইকোর্তা পন্দুনা লৈরিবা ফেবইন্দিয়াদগী লুপা করোর ৫০০গী অমাং-অতাশিং ফুক্কৎহন্নবা হায়খি।
*****
(Release ID: 1656704)
Visitor Counter : 231