কম্পিতিসন কম্মিসন ওফ ইন্দিয়া (সি.জি.আই.)না ঙসি কম্পিতিসন এক্ত, ২০০২গী সেক্সন ৩১(১)গী মখাদা বোম্বারদিয়র ত্রান্সপোর্তেসনবু (বোম্বারদিয়র ত্রান্সপোর্তে) অলস্তোম এস.এ.না (অলস্তোম) অপুনবা লাকশিনবগী চুক্লি পায়বা অমসুং অলস্তোম এস.এ.গী শ্যার কেপিতেল চাউরাক্না ১৮% অমসুং ৩%বু মথংশিৎনা কাইসে দে দীপো এৎ প্লেসমেন্ত দ্যু ক্যুবেক (সি.দি.পি.ক্যু.) অমসুং বোম্বারদিয়র ইঙ্ক (বোম্বারদিয়র)না লৌশিনবগী অয়াবা পীখ্রে।

অলস্তোম অসি রেল ত্রান্সপোর্ত ইন্দস্ত্রীদা ত্রান্সপোরত সোল্যুসন মখল কয়া অমা লৈবা মালেম শিনবা থুংনা থবক তৌবা ফ্রেঞ্চ কম্পেনী অমনি। ভারত্তা মখোয়না হীরম কয়াগী অমগী মনুংদা সিগনেলিং সোল্যুসন, রেল ইলেক্ত্রিফিকেসন তৌবা, রোল্লিং স্তোক (লোকোমোতিব অমসুং মেত্রো), ত্রেক্কী থবকশিং, য়েংশিনবগী থবকশিংগা লোয়ননা অলস্তোম মেন্যুফেকচরিং ইন্দিয়া প্রাইবেৎ লিমিতেদ, অলস্তোম সীস্তেমস ইন্দিয়া প্রাইবেত লিমিতেদ, অলস্তোম ত্রান্সপোর্ত ইন্দিয়া লিমিতেদ অমসুং মাধেপুরা ইলেক্ত্রিক লোকোমোতিব প্রাইবেৎ লিমিতেদ য়াওনা মসিগী সবসিদরীশিংগী খুত্থাংদা মরী লৈনবা শেম-শাবা অমসুং ইঞ্জিন্যারিংগী থবকশিং পাঙথোকই।

বোম্বারদিয়র অসিনা ব্যুজিনেস এয়রক্রাফৎ অমসুং রেল ত্রান্সপোর্ত ইন্দস্ত্রীগী লমদা মালেম শিনবা থুংনা থবক তৌবা কেনাদাগী কোর্পোরেসন অমনি।

বোম্বারদিয়র ত্রান্সপোর্তেসন অসি বোম্বারদিয়রগী মালেমগী রেলগী সোল্যুসন পীবগী মশা অমনি। মসিনা রেলগী মখল য়াম্লবা ৱারোইশিন কয়া অমা পী। ভারত্তা বোম্বারদিয়র ত্রান্সপোর্তেসন অসিনা মসিগী সবসিদরী ওইরিবা বোম্বারদিয়র ত্রান্সপোর্তেসন ইন্দিয়া প্রাইবেৎ লিমিতেদকী খুত্থাংদা  রেলগী গারি, প্রোপলসন, কন্ত্রোল ইক্বিপমেন্ত অমসুং সিগ্নেল্লিং সোল্যুসন কয়া য়োনবগী থবক তৌই।

সি.দি.পি.ক্যু. অসিনা মালেমগী ওইবা তুং কোইনা শেল থাদবা কাঙবুনি। মসিনা মরু ওইনা পব্লিক অমসুং পেরা-পব্লিক পেন্সন অমসুং ইন্স্যুরেন্স প্লানশিংগী শেনফমশিং শেন্নবগী থবক তৌই। মসিনা মরু ওইবা শেল-থুমগী কৈথেলশিং, লন্নাইগী ইক্বিতী, অকক্নবা চাগা, ইনফ্রাস্ত্রকচর অমসুং রীএল ইস্তেততা শেল থাদৈ।

সি.সি.আই.গী অকুপ্পা ৱারোল অমা মখা তাদুনা থোক্লকখিগনি।

****