হকশেল অমসুং য়াইফ-য়ুম্বাল মন্ত্রালয়না জম্মুদা অৱাংবা থাক্কী কেন্দ্রগী কাংবু অমা থাজিন্নবা লেপখ্রে। জিল্লা অসিদা হৌখিবা নুমিৎ খরনিসিদা কোবিদ কেস মশীং য়ামখৎলকখিবনি।

কাংবু অসিদা দা. এস. কে. সিংহ, দিরেক্তর, নেসনেল সেন্তর ফোর দিজিজ কন্ত্রোল (এন.সি.দি.সি) অমসুং দা. বিজয় হদ্দা, এসোসিএৎ প্রোফেসর, দিপার্ত্মেন্ত ওব পল্মোনরী ক্রিতিকেল কেয়র, এইমস, নৈ দিল্লী য়াওরি।

নিংশিংবা য়াই মদুদি অখন্নবা কাংবু অমনা শ্রীনগর তম্পাক্তা হন্দক্তা খোংশাল্লুবনি। মীওই অনীনা শাবা অৱাংবা থাক্কী কাংবু অদু দা. ভি.কে. পাউল, মেম্বর (হেল্থ), নিতি আয়োগনা লুচিংখি অমসুং দা. এস.কে. সিংহ, দিরেক্তর, এন.দি.সি.না মীহুৎ ওইখি। কাংবু অসিনা তম্পাক অসিগী দিস্ত্রিক্ত কল্লেক্তরগা লোইননা কোবিদ মেনেজমেন্তকী মওং মতৌ য়েংশিনখি। হৌজিক লৈরিবা কেন্দ্রগী কাংবু অসিনা দিস্ত্রিক্ত কল্লেক্তরগা লোইননা অমসুং জম্মুগী হকশেলগী ওফিসরশিংগা ৱারী শানগনি। মখোয়না বাকশিনাগর অমসুং গান্ধীনাগরগী হোস্পিতালশিংদা য়েংশিনগনি।

কাংবু অসিনা রাজ্য অসিনা পোজিতিব কেসশিং লাকশিন্নবা, সর্বিলিএন্স, তেস্ত, অমসুং মতীক চানা ক্লিনিকেল মেনেজমেন্তকী থবক লৌখৎলিবশিং অসিদা মতেং পাংগনি। কেন্দ্রগী কাংবু অসিনা মতম চানা লাইওং খঙদোকপা অমসুং মখা তাবা লৌখৎকদবা থবকশিংদা লৈবা খুদোংচাদবশিংদা লমজিংগনি।

জম্মুগী অপুনবা কনফার্ম্দ কোবিদ কেস মশীং অসি ৯৪২৮নি। মসিগী মনুংদগী, ৩১৯৬না ফখ্রে। কোবিদকা মরী লৈননা লৈখিদ্রবা মশীংনা ১১৭নি। জিল্লা অসিদা এক্তিব কেস মশীং ৬১১৫ লৈরি। চয়োল অমগী মমাংদা লৈখিবা অপুনবা কেসনা ৬৮৭৮নি। জম্মুদা নুমিৎ ১৫.৫গী দব্লিং তাইম, রিকোবরী রেৎ ৩৩.৯% অমসুং সি.এফ.আর. ১.২৪% লৈরি।

কোবিদ লাকশিন্নবগীদমক তোঙান-তোঙানবা রাজ্য/য়ু.তি. সরকারশিংনা পায়খৎলিবশিংদা মপাঙ্গল হেনগৎনবগীদমক কেন্দ্র সরকারনা কেন্দ্রগী কাংবু মতম মতমগী ওইনা রাজ্য অমসুং য়ু.তি.শিং অসিদা থারি। কাংবুশিং অসিনা রাজ্য.য়ু.তি.গী ওথোরিতীশিংগা ৱারী শানগনি অমসুং খুদোংচাদবশিং নৈনগনি অমসুং চয়েৎনবশিং কোকহন্নবা হোৎনগনি।

*****