পাৱর অমসুং অনৌবা অমসুং রীন্যুএবল ইনর্জীগী কেন্দ্রগী রাজ্য (আই./সি.) মন্ত্রী শ্রী আর.কে. সিংহনা ভিদিও কনফরেন্সিংগী খুত্থাংদা আর.ই.সি. লিমিতেদ (হান্নগী রুরেল ইলেক্ত্রিফিকেসন কোর্পোরেসন)না বিহারগী বরহারা (ভোজপুর জিলা)দা পায়খৎপা লুপা করোর ৬.৯৯গী সি.এস.আর.গী প্রোজেক্ত অমা শঙ্গাখ্রে। মসিগী প্রোজেক্ত অসিদা পি.সি.সি. শোরোক শাবগী স্কিম ৩৬, এল.ই.দি./সোলার অমসুং হাই-মাস্ত লাইৎ পীবগী স্কিম ২৩, চাত ঘাত ৩ শাবা, কম্ম্যুনিতী হোল অমসুং সব-হেল্থ সেন্তর ৩ শাবা অমসুং অরসেনিক লৌথোকপগী প্লান্ত ১২ শেম্বা য়াওনা পুন্না স্কিম ৭৭ য়াওরি।

প্রোজেক্ত অসিনা ভোজপুর জিলাগী বরহারা ব্লোক্তা লৈবা খুঙ্গংশিংগী তঙাই ফদবা ইনফ্রাস্ত্রকচর অমসুং চাউখৎপগী ফেসিলিতীশিং পীবা অমসুং ফগৎহনবদা মপুং ওইবা পান্দম থম্লি। সি.এম.দি. শ্রী এস.কে. গুপ্তা; ফাইনান্সকী দাইরেক্তর শ্রী অজোয় চৌধুরি; আর.ই.সি. লিমিতেদকী ই.দি., আই.এ.এস. শ্রী আর. লক্ষমনন্না থৌরম অসিগী মনুংদা মখোয়গী ৱাখল ফোঙদোক্নখি। অতোপ্পা জিলাগী ওফিসিএলশিং, বরহারাগী মীয়ামসু থৌরম অসুদা শরুক য়াখি। থৌরম অসিদা এক্স. এম.এল.এ. শ্রী রঘবেন্দ্র প্রতাপ সিংহ অমসুং বিহার সরকারগী হান্নগী মন্ত্রী ওইরম্বা মীওইশিংসু থৌরম অদুদা শরুক য়াদুনা ৱা ঙাংখি।

আর.ই.সি. লিমিতেদকী মতাংদা ৱাফম খরাঃ আর.ই.সি. লিমিতেদ (হান্নগী রুরেল ইলেক্ত্রিফিকেসন কোর্পোরেসন লিমিতেদ) অসি ভারত পুম্বগী ওইনা পাৱর সেক্তরদা শেল থাদবা অমসুং চাউখৎহনবদা মিৎয়েং চঙবা নবরত্না এন.বি.এফ.সি. অমনি। ইং ১৯৬৯দা লিংখৎখিবা আর.ই.সি. লিমিতেদ অসিনা চহি ৫০ হেন্না থবক তৌদুনা লাক্লি। মসিনা পাৱর-সেক্তর বেল্যু চেন খুদিংদা শেলগী তেংবাং পীরি। মসিদা নত্তনা, আর.ই.সি. অসি দীন্দয়াল উপাধ্যায় গ্রাম জ্যোতি য়োজনা (দি.দি.য়ু.জি.জে.ৱাই.), সৌভাগ্যনচিংবা পাৱর সেক্তরগী ভারত সরকারগী ফ্লেগশিপ স্কিম কয়াগী নোদেল এজেন্সীসু ওইরি।

******