মালেমগী অনিশুবা ‘ৱর্ল্দ পেসেন্ত সেফতী নুমিৎ’কী থৌরমদা হকশেল অমদি য়াইফ-য়ুম্বাল মন্ত্রালয় অমদি নেস্নেল হেল্থ সিস্তেম রিসোর্স সেন্তরনা অনাবা মীওইশিং অমদি হকশেলগী থৌমী অনিমক অসি নকশিন্না মরি লৈনবনা মরম ওইদুনা অনিমক অসি শোইহন-ঙামহন্দবা পাংথোক্নবা থবকশিং অসি ফগৎহন্নবা ৱেবিনার অমা পাংথোকখ্রে।  

কোবিদ-১৯গী লায়চৎ অসিনা মমাং থানা মথৌ পাংথোক্লিবা থৌমীশিং অসিনা অনাবশিংবু য়েংশিনবা মতমদা মায়োক্নবা শিংনবা অমদি অরুবা কয়া পুথোহল্লক্লি। ‘হেল্থ ৱার্কর শোইহন-ঙামহন্দবাঃঅনাবশিং শোইহন-ঙামহন্দবগীদক্তা হান্না মরুওইবা অমা’ হায়বা অনাবশিং শোইহন-ঙামহন্দনবগী থীম ওইখিবা মতমদা খোল্লাও অসি “হকশেলগী থৌমীশিং কল্লু, অনাবশিং কল্লু” ওইখি।  

ৱেবিনার অসি হকশেল অমদি য়াইফ-য়ুম্বাল মন্ত্রালয়গী কেন্দ্রগী হকসেল সেক্রতরী এস.ঐচ. রাজেশ ভুশন্না হৌদোকখি। হকশেলগী সেক্রতরীনা মহাক্কী ৱারোল ফোংদোকখিবা মতমদা হোসপিতালগী থৌমীশিং ঙাক-শেন্নবগী ভারত সরকারনা পায়খৎখিবা তোঙান-তোঙানবা খোংতাংশিং অদুদা অকনবা মিৎয়েং থমখি। অসিগুম্বা খোংথাং খরগী মনুংদা খরদি পি.পি.ই. অমসুং মাস্কশিং শোইদনা ফংহনবা, লুপা লাক্ষ ৫০.০ ফাওবগী ইন্সুরেন্স য়াওহনবা, ফঙ্কস্নেল হেল্পলাইন, কেমোপ্রোফাইলেক্সিসকী মতাংদা পাউতাক পীবিনবনচিংবশিং অসিনি। হকশেলগী সেক্রতরীনা মফমশিংদা নুং-পান শেংনা উবা ঙম্বা “রিপোর্তিং অমসুং লর্নিং সিস্তেম” অমগী মরুওইবগী মতাংদা থোইদোক্না পল্লদুনা হায়খি।

হকশেল অমদি য়াইফ-য়ুম্বাল মন্ত্রালয়গী জোইন্ত সেক্রতরী (পোলিসী) এস.ঐচ.বিকাস শীলনা হকশেলগী ক্বালিতী অমদি শোই-ঙামহন্দনবগী শৌগৎখিবা তোঙান-তোঙানবা থবকশিং অদুগী মতাংদা পুথোক্তুনা খংহনখি। অনাবশিং শোই-ঙামহন্দনবগী পোৎচংশিং অসি নেস্নেল ক্বালিতী এসুরেন্স স্তেন্দর্দতা মনুং হঞ্জিন্না য়াওরি। লায়না লৌনরকপা লাকশিনবা অসি  নেস্নেল হেল্থ মিশন(এন.ঐচ.এম.)গী মখাদা লৈবা কায়াকল্প এৱার্দ স্কীমগী মখাদা লৈবা অচৌবা পোৎচং অমনি।

ৱেবিনার অসিনা রাজ্যশিংদগী মিশন দিরেক্তর(এন.ঐচ.এম.), হকশেল অমদি য়াইফ-য়ুম্বাল মন্ত্রালয়দগী ওফিসিএলশিং, রাজ্য অমসুং য়ুনিয়ন তেরিতোরীশিংদা ক্বালিতী ফহনবা অমদি অনাবশিং শোইহন-ঙামহন্দনবগী লমদা থবক তৌবা নোদেল ওফিসরশিং অমসুং থৌমীশিং য়াওনা মীওই ১২০০রোমগী য়াম্লবা মীশিংনা য়েংখি।  ৱেবিনার অদুদা একাদমিক ইন্সতিত্যুসনশিং, ফগৎহনমিন্ননবগী খোংবুশিং, এন.জি.ও.শিং, ইন্তর্নেস্নেল এজেন্সীশিং, নেস্নেল হেল্থ ওথোরিতী, নীতি আয়োগসু য়াওখি।

মশক ৱাঙাংলোইশিং অদুদা “হেল্থকেয়রদা থাজবা থম্বা”গী মতাংদা ঙাংখিবা দা.আর.দি. রবিন্দ্রন য়াওখি। দা.আর.দি. রবিন্দ্রননা “অশোইবশিং অসিদগী রিপোর্তিং তৌবা অমদি তমশিনবা” হায়বগী মতাংদা অর্বিন্দ আই কেয়রদা খংলক-উরকখিবশিংগী মতাংদা ময়ামদা খংহনখি। ইন্তর্নেস্নেল ক্বালিতী অমসুং সেফতীগী মতাংদা খং-হৈরবা দা.নিখিল প্রকাশ হেল্থ ফেসিলিতীশিংদা অনাবশিং শোইহন-ঙামহন্দনবা পায়খৎখিবা থবকশিং পাংথোকহন্নবা মেকানিজমশিং অমদি মিৎয়েংশিং অদু মশা কাইনা হায়খি। দা.শঙ্গীতানা অনাবশিং শোইহন-ঙামহন্দনবগী মরুওইবা হিদাক থাবগী মওং অসি ফগৎহনবগী মরুওইবা অমদি মিৎয়েংশিং অদুগী মতাংদা হায়খি। দা.সুভ্রোজ্যোতীনা অনাবশিংগী খুদমশিং অদুদা মরুওইনা হান্না পাংথোক্কদবশিং অদু হায়খি। ইন্তর্নেস্নেল সোসাইতী ফোর ক্বালিতী ইন হেল্থকেয়র(আই.এস.ক্বা)গী সি.ই.ও. দা.পীতর লেকমেন্না অনাবশিং শোইহন-ঙামহন্দনবগী পাম্বৈশিংগা হেনগৎহনবা অমদি অপাম্বা  অফবা মহৈ ফংবগা মরি লৈনবশিং অদু খংহনখি। অর্গোনোমিক্স অমসুং হেল্থ সেফতীগী ইন্তর্নেস্নেল এক্সপর্ত দা.তোম্মাসো বেল্লন্দীনা কোবিদ-১৯৯গী মতমদা অনাবশিং শোইহন-ঙামহন্দনবা তৌবদা  অর্গোনোমিক্স অমসুং হ্যুমেন ফেক্তরশিংগী মতাংদা নিংথিজনা ফোংদোকখি।

*****