ঙসি মফম অসিদা হকশেল অমসুং য়াইফ য়ুম্বাল মন্ত্রী দা.হর্শ বর্ধননা ভিদিও কনফরেন্সিংগী খুৎথাংদা অপুনবা জি.20 ফাইনান্স অমসুং হকশেল মন্ত্রীশিংগা উনখ্রে৷ সাউদি অরাবিয়ানা  জি.20 কাংলুপ অদুগী প্রসিদেন্ত ওইদুনা মীফম অদু পাংথোকখি৷

প্রধান মন্ত্রী শ্রী নরেন্দ্র মোদিগী লুচিং মখাদা ভারততা প্রব্লিক হেল্থতা শেল থাদবগী কান্নবা অফবা থবকশিং অদু দা.হর্শ বর্ধননা পুথোকখি৷

মহাক্কী ৱারোল অদু মখাগী অসিগুম্না হায়খি;

ইকাই খুম্নরবা মন্ত্রীশিং

হৌজিক লৈরিবা লাইনা-লাইচৎ অমসুং মালেম শিনবা থুংনা থোক্লিবা ক্রাইসিস অসি খল্লুবা চাং অদুদগী কা হেল্লে মরম অদুনা লৈবাক অমসুং মালেমগী লৈবাকশিংনা পুন্না লেপমিন্নবা মথৌ তারে৷

মালেম শিনবা থুংনা কর্ব ফ্লেতনিং তৌনবা হোৎনবা মতমদা অরুবা কোবিদ-19গী কেসশিং অসি নিংথীজনা থম্ননবগীদমক অমসুং মালেম অসিগী হেন্না খুদোং থিনিংঙাই ওইরবা মীওইশিং অমসুং অহলশিং লাইনা-লাইচৎ অসিদগী ঙাকথোক্নবা মালেম শিনবা থুংনা লৈরিবা হেল্থ সিস্তেম অসি ইন্তরনেস্নেল, মল্তিসেক্তোরিয়েলশিংগা পুন্না হোৎনবা দরকার ওইরে৷

লাইনা লাইচৎ থেংনবদা হেন্না ফবা চেকশিন থৌরাং লৌখৎন্নবগীদমক ঐখোয়না  অফবা হেল্থ সিস্তেম শেমগৎপদা মীৎযেং চংবা তঙাই ফদ্রে৷ অদুগা অমরোমদা লৌখৎলিবা এক্সন প্লান পুম্নমক লাইনা-লাইচৎ অসিগী পাউখুম্নি, অফবা হেল্থ কেযর সিস্তেম অমনা লাইনা-লাইচৎ অসি লাকশিনবদা মতেং পাংবা ঙমগনি৷

কোবিদ-১৯ লাইযেংবা, থেরাপেতিক অমসুং ভেক্সিন পীদুনা লাইযেংবগী দরকার ওইরে৷

ইতিহাস্তা ভারতনা অফবা পোৎ-চৈ পুথোকপদা মমিং চৎপা অদুগুম্না মেক-ইন ইন্দয়া অমসুং মেক-ফোর দি ৱল্দ ইন্দেবরদা মহাক্কী চাওরবা মথৌ অদু লেপ্পা লৈতনা লৌরগনি অমসুং দেলিবরী য়েংশিন্ননবগীদমক রিসর্চ অমসুং দিজিতেলগী তৌবা ঙম্বা অদু শেমগৎ শাগৎপদা ভারতনা মপুং ওইনা মতেং পাংলগনি৷

ঐখোয় পুম্নমক হৌজিক লৈরিবা প্রোগ্রামশিং খুদম ওইনা এসেস তু কোবিদ-১৯ তুল্স এসিলিরেতর(এ.সি.তি.-এ) খঙবা তঙাই ফদে অমসুং হেল্থ সিস্তেম অসিবুসু মপাঙ্গল কন্নবগীদমক মালেমগী লৈবাক পুম্নমক্না দাইগ্নোস্তিক, থেরাপেতিক অমসুং ভেক্সিন ফংহনবগী মতম ওইরে৷

মমাংদা শন্দোকখিবা লাইনা-লাইচৎ খুদম ওইনা ২০০৩গী সার্স অমসুং ২০১৪-১৫গী ইবোলা শন্দোরকপদা থেংনখিবশিং অদু য়েংলগা মখা তানা মীশি মীনা অসিদগী কন্ননবগীদমক মালেম পুম্নমক্না অমত্তা ওইনা লেপমিন্নবা মতম ওইরে৷ লিদরশিফ অমসুং কোলাবোরেসনগী খুদমশিংবু ঐখোয়না মতুং ইন্ননবগী খুদম ওইনা খনগদবনি৷ লাইনা-লাইচৎ অসি মালেম শিনবা থুংনা হন্থহনবদা লাইনা অসিগী খোঙচৎ অসি য়েংশিনবদা ওপন কম্মুনিকেসন অমসুং ত্রান্সপরেন্সী য়াম্না মরু ওই৷

য়ুনিভর্সেল হেল্থ কোবরেজতা ভারতনা শরুক য়ারি অমসুং অসিগুম্লবা অরুবা তানফম অসিদা মীয়ামগী পুন্সি অমসুং মীয়ামগী হকচাং কন্নবা ভারতনা মালেম অসিগা খুৎশম্নদুনা পুন্না চৎমিন্নরি অমসুং য়াম্না অথুবা মতমদা মালেমগী ইকোনোমী অমুক হল্লক্নবা হোৎনরি৷

পব্লিক হেল্থ লিদর্শিফ খনবগী অমসুং লাইনা-লাইচৎ অসিগী ফ্যুচর ৱেব থেংন্নবা শেম শাবগী অমসুং কোবিদ-১৯ লোইখ্রবা মতুংদা থোকলকপা ফলশিং অদু থেংনবগী মতম ওইরে৷

পব্লিক হেল্থ লিদরশিংনা মশাগী ঙমখৈগী ৱাংমদা শোইদনা য়েংগদবনি৷ ঙমখৈবু খেন্নবা থমদ্রিবা ভাইরস অসি লানথেংনবদা গ্লোবেল এক্সপরিয়েন্স অসিদগী খঙবা খক্তনা ঐখোয়না হান্না মাংজৌননা থৱাই মাংখ্রবা মীওইশিংবু ইকাই খুম্নবা উৎপা ঙমগদ্রা অমসুং হৌজিক লৈরিবা অনাবশিং অমসুং তুংদা লাক্কদৌরিবা অনাবশিং অসি কনবা ঙম্ননবগীদমক পুন্সি কনবা ঙম্বা থবক থৌরমশিং পাইখৎপা ঙমগদ্রা৷

*****