ওলেম্পিক গেমশিং, এসিয়ান গেমশিং, কম্মনৱেল্থ গেমশিংদা মেদল ফংলবশিং মখোয়না শান্নবদগী পোথারবা মতুংদা পুন্সি চুপ্পা থাগী পেন্সন পীনবা “হৈথোই-শিংথোইবা শান্নরোইশিংদা পেন্সন পীবা” স্কিম সরকারনা পায়খৎলে অমসুং ‘পন্দিৎ দিনদয়াল উপধ্যায় নেস্নেল ৱেলফিয়ার ফন্দ ফোর স্পোর্তসপর্সনস’ স্কিমগী মখাদা হৌজিক ফিবম চাদনা লৈরিবা শান্নরোইশিংদা শেনগী মতেং পাংলি।

হন্দক সরকারনা নেস্নেল স্পোর্তস এৱার্দশিংগী শেনফম হেনগৎলে। রজিব গান্ধী খেল রত্ন এৱার্দ লুপা লাখ ৭.৫দগী লুপা লাখ ২৫দা, দ্রোনাচার্য়া এৱার্দ(রিগুলার) লুপা লাখ ৫দগী লুপা লাখ ১০দা, দ্রোনাচার্য়া এৱার্দ(লাইভতাইম) লুপা লাখ ৫দগী লুপা লাখ ১৫দা, অর্জুন এৱার্দ লুপা লাখ ৫দগী লুপা লাখ ১৫দা অমসুং ধ্যান চান্দ এৱার্দ লুপা লাখ ৫দগী লুপা লাখ ১০দা হেনগৎলে।

 ‘মালেমগী শান্নবগী থৌরমশিংদা মেদল ফংলবশিং অমসুং মখোয়গী কোচশিংদা অখন্নবা এৱার্দশিং পীবা স্কিম’গী মখাদা মালেমগী শান্নবগী থৌরমশিংদা মেদল ফংলবশিংদা শেনগী মনা পীরি। কেন্দ্র সরকারগী গ্রুপ ‘সি’ পোস্তশিংদা থবক চঙবদা শান্নরোশিংগী চাদা ৫ কোতা খাক্লি। মসিগীদমক, হন্দক সরকারনা থবক চঙবা য়াবা স্পোর্তস দিসিপ্লিন মখল ৪৩দগী মখল ৬৩দা হেনগৎলে। মখা তানা নেস্নেল স্পোর্তস দিবলপমেন্ত ফন্দগী মখাদা তোঙান-তোঙান্নবা শান্নবগী থবকশিং পুক্নিং য়োকখৎনবা মতেং পাংলি।

ৱাফম অসি ঙসি লোক সভাদা অইবা ওইনা পীবা পাউখুম অমদা য়ুথ এফেয়ার্স অমসুং স্পোর্তসকী রাজ্য মন্ত্রী(ইন-চার্জ) শ্রী কিরেন রিজিজুনা থমখিবনি।

*****