ফিশাবীশিংগী লমদমদুগী মথৌ তাবশিং পীননবা তেক্নিকেলগী খুদোংচাবশিং থমগদবা কম্মন ফেসিলিতী সেন্তরশিং (সি.এফ.সি.শিং) ব্লোক লেভেল ক্লস্তর (বি.এল.সি.)গী মখাদা লিংখৎনবগী ৱাফম য়াওবা নেসনেল হেন্দলুম দেবেলপমেন্ত প্রোগ্রাম (এন.ঐচ.দি.পি.) অমসুং কম্প্রিহেন্সিব হেন্দলুম ক্লস্তর দেভেলপমেন্ত স্কিম (সি.ঐচ.সি.দি.এস.) ভারত লৈঙাক্না পায়খৎলি‍। মসিদা স্কিল হেনগৎহন্নবা/ সেম্পল শেম্নবা/পোত্থোক পুথোক্নবা, কোনশিন্নবা, মচু শঙবা, লং পৈফম, পোৎ থমফম্নচিংবগী শিন্নাইশঙ লৈগনি‍। সি.এফ.সি.গী দিজাইন লেআউত মথৌ তাবগী মতুং ইন্না মফমগী চানগদবা মওংদা খরা শেমদোকপা য়াই‍। সি.এফ.সি. শাফম অসি স্ক্বার ফিত ৩,০০০গী পাক চাউবা (মথোল অমা/অনি লৈবা য়াই) ওইরগা চাউরাকপা অচঙবা শেনফম লুপা লাখ ৫০.০০দগী (কম্মন সর্ভিস সেন্তর য়াওরগা) হেল্লোইদবনি‍। ফেসিলিতী অসি শকখঙলবা ব্লোক্তা হান্না লৈরমবা ইনফ্রাস্ত্রকচরদা গেপ ফিল্লিং ওইনা শেমগৎপসু য়াই‍। ইম্প্লিমেন্তিং এজেন্সীশিংনা মখোয়গী মশাগী ওইবা লমদা নৎত্রগা লৈঙাক্তগী/লৈঙাক্কী এজেন্সীদগী য়ামদ্রবদা চহী ১৫গী লিজতা লৌবা মফম লৈগদবনি‍। প্রপোজেলশিং স্তেত লৈঙাক্কী রিকম্মেন্দেসনদা য়ুম্ফম ওইরগা ইম্প্লিমেন্তিং এজেন্সীশিংনা স্তেত লৈঙাক্কী খুত্থাঙদা থাগৎলকপনি, অমদি মখোয়বু য়েংশিন্দুনা অয়াবা পীরবদি ফন্দশিং ইম্প্লিমেন্তিং এজেন্সীশিংদা হকথেংননা থাদোকই‍।

সি.এফ.সি.শিং লিংখৎপগীদমক, শেমগৎ শাগৎপগী শেনফম কেন্দ্রগী নৎত্রগা স্তেত লৈঙাক্কী এজেন্সীশিংদা থাদোকই, অমদি থিকাদারশিং শীজিন্নবদা লৌথুপ লৌকোই লৈতবা বিদ্দিংগী থৌওং ইনবা মথৌ তাই‍। সি.এফ.সি.দা খিনগদবা মেচিন অমসুং খুৎলায়শিং মখোয়গী মমল অমসুং সপ্লাইয়রশিং ৱীভর্স সর্ভিস সেন্তরগী ওফিসর ইন-চার্জনা চেয়রমেন ওইবা অমদি হেন্দলুম অমসুং ক্লস্তর ইম্প্লিমেন্তিং এজেন্সীগী স্তেত দাইরেক্তরগী মীহুৎ য়াওবা লোকেল কম্মিতীনা লেপথোকই‍। মেচিন অমসুং খুৎলায়শিং লৈনবা শেনফম বদজেত ওইনা ৱীভর্স সর্ভিস সেন্তরদুদা থাদৈ‍।

মখাদা পীরিবা এজেন্সীশিং/এন্তিতীশিং ইম্প্লিমেন্তিং এজেন্সী ওইবা য়াই:

১.       লৈবাক্কী থাক্কী হেন্দলুম ওর্গনাইজেসনশিং

২.       স্তেত হেন্দলুম দেভেলপমেন্ত কোর্পোরেসনশিং

৩.      স্তেত এপেক্স হেন্দলুম ৱীভর্স কো-ওপরেতিব সোসাইতীশিং

৪.       কেন্দ্র লৈঙাক্কী ওর্গনাইজেসনশিং

৫.       স্তেত লৈঙাক্না শকখঙলবা ব্লোক্তা মফম চাউনা কল্লিবা প্রাইমারী হেন্দলুম ৱীভর্স কো-ওপরেতিব সোসাইতীশিং

৬.      লিগেল এন্তিতী ওইনা রেজিস্তর তৌরবা সেল্ফ হেল্প গ্রুপশিং

৭.       হেন্দলুমগী লমদা থবক তৌবা নন-গভর্নমেন্ত ওর্গনাইজেসনশিং (স্তেত লৈঙাক্না রিকমেন্দ তৌরবা অমদি দি.সি. (হেন্দলুম্না) অয়াবা পীরবা)

৮.      হেন্দলুমগী লমদা থবক তৌরিবা অতৈ লিগেল এন্তিতীশিং (স্তেত লৈঙাক্না রিকমেন্দ তৌরবা অমদি দি.সি. (হেন্দলুম্না) অয়াবা পীরবা)

ৱাফম অসি তেক্সতাইলগী কেন্দ্র মন্ত্রী শ্রীমতি স্মৃতি জুবিন ইরানিনা ঙসি রাজ্য সভাদা ফোঙদোকখিবনি‍।

****