نئی دلّی ،16 ستمبر / مرکزی اور ریاستی سکیورٹی ایجنسیوں کے مشاہدے میں آیا ہے کہ جنوبی ریاستوں سمیت کچھ ریاستوں میں  افراد نے اسلامک اسٹیٹ ( داعش ) میں شرکت کی ہے ۔ قومی تحقیقاتی ایجنسی ( این آئی اے ) نے جنوبی ریاست تلنگانہ  ، کیرالہ ، آندھرا پردیش ، کرناٹک اور تمل ناڈو میں  داعش کی موجودگی  سے متعلق  17 معاملات درج کئے ہیں  اور 122 ملزموں کو گرفتار کیا ہے ۔  داعش ، اسلامی ریاست  برائے عراق و شام / اسلامی مملکت عراق و شام / داعش / اسلامی مملکت  خراسان ( آئی ایس کے پی ) / آئی ایس آئی ایس / ولایت خراسان / اسلامی مملکت عراق اور شام و خراسان ( آئی ایس آئی ایس – کے ) اور اس کی تمام  دیگر تنظیموں کو  مرکزی حکومت نے  غیر قانونی سرگرمیوں کی روک تھام کے قانون 1967 کے پہلے شیڈول  کے تحت دہشت گرد تنظیم  قرار دیا ہے ۔ داعش  انٹر نیٹ پر مبنی مختلف سوشل میڈیا کے پلیٹ فارم کو اپنے نظریات کی تشہیر کے لئے استعمال کرتی ہے ۔ اس سلسلے میں متعلقہ ایجنسیوں کے ذریعے سائبر اسپیس پر قریبی نظر رکھی جا رہی ہے اور قانون کے مطابق کارروائی کی جاتی ہے ۔

          قومی تحقیقاتی ایجنسی ( این آئی اے ) نے انکشاف کیا ہے کہ داعش سب سے زیادہ کیرالہ ، کرناٹک ، آندھرا پردیش ، تلنگانہ ، مہاراشٹر ، تمل ناڈو ، مغربی بنگال ، راجستھان ، بہار ، اتر پردیش ، مدھیہ پردیش اور جموں و کشمیر  میں سرگرم ہے ۔

          یہ بات آج راجیہ سبھا میں امورِ داخلہ کے وزیر مملکت  جناب جی کشن ریڈی نے ایک سوال کے تحریری جواب میں  بتائی ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

( م ن ۔ و ا ۔ ع ا ) (16-09-2020)

U. No.  5473