সোসিএল জজতিস্ত অমসুং ইমপ্বারমেন্ত মিনিস্ত্রিনা “দ ত্রান্সজেন্দর পর্সন্স (প্রোতেক্সন ওফ রাইতস), এক্ত,২০১৯ চৎনরে। এক্ত অসিগী চেপ্তর ৭গী মতুংইন্না, নেস্নেল কাউন্সিল ফোর ত্রান্সজেন্দর পর্সন্সদা রাজ্যশিং/য়ু.তিশিংদগী ত্রান্সজেন্দর কাংলুপকী মীহুৎ ৫ অমসুং অখঙ-অহৈ ৫, ত্রান্সজেন্দর মীওইশিংগী য়াইফনবা থবক তৌরিবা এন.জি.ও নৎত্রগা এসোসিএসনগী মহুৎশীন্নবা কেন্দ্র সরকারনা খনগনি। কাউন্সিলনা তোঙান-তোঙানবা থৌশিলশিংগী ইথিলশিং নৈনগনি অমসুং থৌশিলশিং পায়খৎনবগী মতাংদা মখোয়না মনিংতৌনা ৱারেপ লৌবা য়াগনি।

এক্ত অসিগী ক্লোজ ১৮দা, ত্রান্সজেন্দর মীওইশিংদা অরানবা থবকশিং চৎথবা মতমদা ফংগদবা চৈরাকশিং পল্লি। নেসনেল কাউন্সিল ফোর ত্রান্সজেন্দর পর্সন্সকী মরুওইবা পান্দমশিংগী মনুংদা অমদি মখোয়গী অৱাবশিং কোকহনবনি। মসিগী এক্ত অসিগী প্রোবিজনশিং হাপচিনগনি, অমসুং মতমগী মতুংইন্না অতোপ্পা লো অমতনা মহুৎশীনবা য়ারোই।

এক্ত অসিগী ক্লোজ ১৯গী মতুংইন্না, কেন্দ্র সরকারনা, মতম মতমগী মতুংইন্না, আইনগী মতুংইন্না সংসদতা এপ্রোপিএসন লৈরবা মতুংদা, নেসনেল কাউন্সিলনা মসিগী এক্ত অসিগী দরকার ওইবা থবকশিং পাংথোকপা য়াগনি।

মসিগী ৱাফম অসি ঙসি রাজ্য সভাদা অইবা ওইনা পাউখুম পীবা অমদা সোসিএল জজতিস্ত অমসুং ইমপ্বারমেন্তগী রাজ্য মন্ত্রী শ্রী রাত্তন লাল কাতারিয়ানা ফোঙদোকখিবনি।

*****