পেত্রোলিয়ম প্লান্নিং অমসুং এনালাইসিস সেল (পি.পি.এ.সি.)না পীবা পাউগী মতুং ইন্না  লৈবাক অসিগী মনুংদা নেচরেল গ্যাস চাউরাক্না এম.এম.এস.সি.এন. ৯২২৮ পুথোকই অমসুং এপ্রিল-জুলাই ২০২০গী মনুংদা চাউরাক্না এম.এম.এস.সি.এন. ৯৯৬৬ অসিনা মীরমদগী লৈখি। মসিগী গ্যাস অসিনা পাইপ নেচরেল গ্যাস (পি.এন.জি.) অমসুং কম্প্রেসদ নেচরেল গ্যাস (সি.এন.জি.)গী অপাম্বা লৈবশিংসু পীরি।

আই.ও.সি.এল.না ৩০”গী কেপাসিতী লৈবা কিলোমীতর ৫১৭ শাংবা পারাদিপ-হালদিয়া-বরাউনি পাইপলাইন প্রোজেক্ত ফগৎহন্নবা হোৎনরি। আই.ও.সি.এল.না হায়খিবগী মতুং ইন্না ৩১/৮/২০২০ ফাওবদা প্রোজেক্ত অসিগী ৪৩.৪%গী শরুক্তি লোশিনবা ঙম্লে।

মখা তাবা ওইনা, জি.এ.আই.এল.না উত্তর প্রদেশ, বিহার, ঝারখন্দ, নোংচুপ বেঙ্গোল, ওরিশা অমসুং অসমগী রাজ্যশিং শম্নহন্নবা হায়দুনা বরাউনি-গুৱাহাতি- পাইপলাইন (বি.জি.পি.এল.)দা শাংদোক্তুনা অমসুং ধমরা-হালদিয়া (দি.ঐচ.পি.এল.)দা মশা লোঙথোক্লিবা জগদিশপুর-হালদিয়া-বোকারো-ধমরা পাইপলাইন (জে.ঐচ.বি.দি.পি.এল.)গী থবক অমা পায়খৎলি। জি.এ.আই.এল.না হায়খিবগী মতুং ইন্না কিলোমীতর ২৬৫৫ শাংবা পাইপলাইন অসিগী চাউরাকপা কিলোমীতর ১৪০১গী থবক্তি লোইশিল্লে।

ইন্দ্রাধনুশ গ্যাস গ্রিদ লিমিতেদ (আই.জি.জি.এল.)গী হৌজিক পায়খৎলিবা থবক অসিগা মরী লৈননা ভারত সরকারনা ৮/১/২০২০দা অপুনবা প্রোজেক্তকী শেনফম অসিগী ৬০%, হায়বদি লুপা করোর ৫৫৫৯গী ভাইএবিলিতী গেপ ফন্দিংগী অয়াবা পীখ্রে। এম./এস. এম.ই.সি.ও.এন. অসিনা প্রোজেক্ত মেনেজমেন্ত কন্সলতেন্ত (পি.এম.সি.) ওইনা থৌ পুরি। অসম, মেঘালয়, ত্রিপুরা, নাগালেন্দ, অরুনাচল প্রদেশ, মিজোরম অমসুং মনিপুরগী লম লৌশিন্নবা পি. অমসুং এম.পি. এক্ত, ১৯৬২গী মখাদা মতিক চাবা ওথোরিতীশিংসু খনবা হৌখ্রে। পি.এম.পি. এক্ত, ১৯৬২গী মখাদা সেক্সন ৩(১)গী ৱারোল ফোঙবগী থবকশিংসু অসম অমসুং ত্রিপুরাদা লোইশিনখ্রে। অতোপ্পা প্রি-প্রোজেক্তকী থবকশিংসু হৌজিক হৌজিক পায়খৎলি।

মসিগী ৱাফম অসি পেত্রোলিয়ম অমসুং নেচরেল গ্যাসকী কেন্দ্র মন্ত্রী শ্রী ধরমেন্দ্রা প্রধান্না ঙসি রাজ্য সভাদা অইবা পাউখুম ওইনা পীখিবনি।

*****