চাইনাগী ৱুহান শহরদগী মফম মরাং খঙদনা হৌরক্লিবা ন্যুমোনিয়া অসিগী মতাংদা ৱল্দ হেল্থ ওর্গনাইজেসন ইন্দিয়ানা লৈবাক অসিদা ২০২০গী জনুৱারীগী তাং ৬তা চেকশিন্না লৈনবা খঙহনখ্রে অমসুং হকশেল অমসুং য়াইফ য়ুম্বাল মন্ত্রালয়না চাইনাদগী হৌরক্লিবা ফিভম অসি য়েংশিন্দুনা লাক্লি৷ হেল্থ সর্ভিসেসকী দিরেক্তর জেনরেলগী মখাদা জোইন্ত মোনিতরিং গ্রুপ অদুনা চাইনাদগী হৌরক্লিবা ফিভম অদু কুপ্না য়েংশিন্নবা অমসুং লৈবাক মীয়াম্না চেকশিন্না লৈন্নবগীদমক ২০২০গী জনুৱারীগী তাং ৮দা খন্নখি৷  

লৈবাক শিনবা থুংনা লোকদাউন চৎথদ্রিঙৈগী মমাংদা থোক্লক্লিবা ফিভম অদুগী মতুং ইন্না প্রো-এক্তিব, গ্রেদেদ অমসুং প্রি-ইম্তিদ ওইবা মওং অমদা মখল মখা কয়াগী এক্সন কয়ামরোম লৌখৎখ্রে৷

লাইনা অসি চংলকপা থিংন্নবগীদমক লাইনা অসিনা শোকহল্লবা অতোপ্পা লৈবাকশিংদগী চংলক্লিবা সিম্পতম উৎতবা পেসেঞ্জরশিবু ভারতনা হিথাংফম, ইয়রপোর্ত অমসুং ঙমখৈ কয়ামরোমদা ২০২০গী জনুৱারীগী তাং ১৮দগী স্ক্রিনিং তৌবা হৌখি৷ মদুগী মতুং তারকপদা পেসেঞ্জর খুদিংমক্কী য়ুনিভরশেল স্ক্রিনিং তৌবা হৌখি৷ হায়রিবা ইন্তরনেস্নেল ত্রাভেল্লরশিং অসি কম্ম্যুনিতী অদুদা মশক খঙদোকপা, চিংনবা মওংদা শোক্না শম্নরুবশিং অমসুং নারে খঙলবা মীওইশিং খঙদোকপদা ইন্তিগ্রেতেদ দিজিস সর্বিলেন্স প্রেগ্রাম্না লেপ্পা লৈতনা থিজিল্লি৷ অসিগুম্লবা অনাবা লৈরবা রাজ্য/জিলা অদু মী পুনবা অমসুং পাক শন্না শন্দোরকপা থিংনবা কন্তেনমেন্ত স্ত্রাতিজী অমা শেমখি৷ সর্বিলেন্স তৌবা মতমদা ত্রাবেল এদবাইজরিশিং অমসুং গাইদলাইনশিং লৌবা, কন্তেক ত্রেশিং, সেম্পল কল্লেক্সন, ক্লিনিকেল মেনেজমেন্ত, দিচার্জ পোলিসী, ইনফেক্সন প্রিবেন্সন কন্ত্রোল অমসুং হোম ক্বারেন্তিন তৌনবা খঙহনখি৷

২০২০গী জনুৱারী ১৮দগী হৌদুনা ইন্তরনেস্নেল ত্রাভেল্লরশিংবু মতিক চানা স্ক্রিনিং, সর্বিলেন্স, কন্তেক ত্রেশিং তৌদুনা ভারতনা মতিক চাবা খোঙথাং লৌখৎপা হৌখি৷ ইন্তরনেস্নেল ত্রাভেল্লরশিং চংলকপা অথিংবা থমদুনা ত্রাবেল এদভাইজরিশিং ফোংখ্রে৷

কোবিদনা শোকহল্লবা লৈবাকশিংদগী চংলকখিবা ত্রাভেল্লরশিং স্ক্রিনিং তৌবা হৌখি অমসুং মখা তারকপদা য়ুনিভর্সেল স্ক্রিনিং তৌখি৷ ২০২০গী মার্চ ২৫দগী লোকদাউন তৌদ্রিঙৈগী মমাংদা মীওই ১৫,২৪,২৬৬ পুদুনা লাকখিবা অপুনবা ফ্লাইত ১৪,১৫৪ ইয়রপোর্তশিংদা স্ক্রিনিং তৌখি৷ স্ক্রিনিং অদু অচৌবা হিথাংফম ১২, অপিকপা হিথাংফম ৬৫ অমসুং থংনবা লৈবাকশিংগী ঙমখৈদা তৌখি৷ ইয়র্রপোর্তশিং অসিদগী হেন্দোক্তুনা চাওরাক্না মীওই লাথ ১৬.৩১মুক্কী চাং স্ক্রিনিং তৌখি অমসুং চাওরাক্না মীওই ৮৬,৩৭৯রোম অচৌবা সমুদ্রগী হিথাংফম ১২ অমসুং অপিকপা হিথাংফম ৬৫দা স্ক্রিনিং তৌখি৷ইয়রপোর্ত অমসুং অনা-লাইয়েংশঙশিংদা মল্তি-দিসিপ্লিন্নরী সেন্ত্রেল তিমশিং থমদুনা মফম অদুদা তৌরিবা স্ক্রিনিং অদু নিংথিজনা য়েংশিনখি অমসুং স্ক্রিনিংদা ফংবা চিংনবা কেসশিং অদুসু চেকশিন্না য়েংশিনখি৷

 হায়রিবা ৱারোল অসি রাজ্যগী(হকশেল অমসুং য়াইফ য়ুম্বাল)গী মন্ত্রী শ্রী অশৱিনি চৌবেহনা ঙসি রাজ্য সভাদা অইবা চেরোল অমা ইদুনা পিশিনখি৷

*****