য়ুমলৈ-কৈরৈ মন্ত্রালয়
মাইগ্রেন্তশিংদা শেলগী তেংবাং
Posted On:
15 SEP 2020 6:00PM by PIB Imphal
তৌদবা য়াদ্রবা লোকদাউনগী মতমগী মনুংদা মীয়ামদা তঙাই ফদবা সপ্লাইশিং ফংহন্দবা তৌরোইদবনি হায়বা কেন্দ্র সরকারনা খঙখি। ওইরিবা ফীভম অসি জাতিগী থক্তা কন্ত্রোল রুমশিংগী খুত্থাংদা ২৪*৭ কুপ্না য়েংশিনখি। মাইগ্রেন্ত শিন্মীশিং য়াওনা ময়ুম লৈজদবা মীওইশিংদা চান্নবা পোৎলম, হেল্থ ক্যের অমসুং লৈফম ফংহন্নবা ৱাখল্লোন্দা কেন্দ্র সরকারনা ২৮.০৩.২০২০দা রাজ্য সরকারশিংনা হীরম অসিগীদমক স্তেৎ দিজাস্তর রেস্পোন্স ফন্দ (এস.দি.আর.এফ.) শীজিন্নবা য়াহনখি।
হোম পুরিবা মন্ত্রালয়না (এম.ঐচ.এ.)না মাই্রেন্ত শিন্মীশিংদা লৈফমশিং, চান্নবা পোৎলম, ঈশিং, হকশেলগী খুদোংচাবশিং অমসুং কান্নবা কাউন্সিলিং ফংহন্নবা মথৌ তাবা খোঙথাংশিং লৌখৎনবা রাজ্যশিং/য়ুনিয়ন তেরিতরীশিং (য়ু.তি.শিং)দা পাউতাকশিং চাং নাইনা পীখি।
২০.০৪.২০২০দগী কন্তেনমেন্ত জোনশিংগী ৱাংমদা অহেনবা অনৌবা থবক থৌরমশিং পাঙথোকপদা অয়াবা পীখিবগা লোয়ননা শিন্মীশিং অসি ইন্দস্ত্রীগী, লৌউ-শিংউগী, কন্সত্রক্সনগী, মেন্যুফেকচরিংগী অমসুং এম.এন.আর.ই.জি.এ.গী থবকশিংদা শীজিন্ননবা এম.ঐচ.এ.না এপ্রিল ১৯, ২০২০দা রাজ্যশিং/য়ু.তি.শিংগী মনুংদা মাইগ্রেন্ত শিন্মীশিং চত্থোক-চৎশিন তৌবা য়াহনখি। এম.ঐচ.এ.গী ভাইদ ওর্দর তাং এপ্রিল ২৯ অমসুং মে ১, ২০২০না মখা তানা বসশিং অমসুং শ্রমিক স্পেসিএল ত্রেনশিংদা মাইগ্রেন্ত শিন্মীশিংনা মখোয় মশাগী ময়ুম লমদমশিংদা চত্থোক-চৎশিন তৌবা য়াহনখি।
মখোয় মশাগী রাজ্যদা কোবিদ-১৯ লোকদাউন মনুংদা হন্নবা হোৎনবদা লম্বীদা লৈখিদবা মীওইশিংগী মশিংগী দেতা কেন্দ্রগী মখাদা লৈতে। অদুম ওইনমক মাইগ্রেন্ত শিন্মীশিং চত্থোক-চৎশিন তৌবা য়াহন্নবা কেন্দ্র সরকারনা মথৌ তাবা খোঙথাং পুম্নমক লৌখৎখি।
কেন্দ্র সরকারনা মার্চ ২৬, ২০২০দা লায়রবা মীওইশিংনা কোরোনা ভাইরসকী মায়োক্তা লান্থেংনবা ঙম্নবা লুপা করোর লাখ ১.৭০ ওইগদবা “প্রধান মন্ত্রী গরিব কল্যান য়োজনা”গী মখাদা রিলিফ পেকেজ অমা লাউথোকখি। স্কিম অসিগী মখাদা লুপা করোর ৬৮,৮২০গী শেলগী তেংবাং চাউরাকনা লায়রবা মীওই করোর ৪২না ফংখি। মখা তানা কেন্দ্রগী সরকারনা জুন ২০, ২০২০দা কোবিদ-১৯গী লায়চৎ থোরকপা অসিদা মশাগী খুঙ্গংশিংদা হল্লক্লিবা মাইগ্রেন্ত শিন্মীশিংদা থবক পীনবা অমদি হিংনবগী পম্বৈ ফংনবা খুদোংচাবশিং হেনগৎহন্নবা “গরিব কল্যান রোজগার অভিয়ান” হৌদোকখি।
মসি ঙসি রাজ্য সভাগী ৱাহংদা অইবা পাউখুম ওইনা হোম পুবা মিনিস্তর ওফ স্তেৎ শ্রী নিত্যনান্দ রাইনা পীখিবনি।
*****
(Release ID: 1654760)
Visitor Counter : 125