محنت اور روزگار کے وزیر مملکت (آزادانہ چارج) جناب سنتوش کمار گنگوار نے آج چنڈی گڑھ میں محنت بیورو ، شرم بیورو بھون کی نئی تعمیر شدہ عمارت کا افتتاح کیا۔ جناب ہیرا لال سماریا ، سکریٹری ، محنت اور روزگار اور ڈی جی لیبر بیورو ڈی پی ایس نیگی بھی اس موقع پر موجود تھے۔

جناب سنتوش کمار گنگوار نے اس موقع پر کہا کہ پالیسی سازی کے ان پٹ کی حیثیت سے محنت کے تمام پہلوؤں کے اعداد و شمار بہت ضروری ہیں اور اس سے محنت بیورو جیسی تنظیم کے وجود کو جواز ملتا ہے جومحنت کے اعدادوشمار کے لئے وقف ہے۔ آنے والے وقتوں میں اعداد و شمار کی بڑھتی ہوئی اہمیت کے ساتھ ساتھ یہ حقیقت بھی سامنے آئی ہے کہ ہندوستان ایک محنت کش ملک ہے ، اس لئے محنت کے اعداد وشمار کے لئے وقف شرم بیورو جیسی تنظیم اسے زیادہ مضبوط بناتی ہے۔

جناب گنگوار نے کہا کہ اس سال بیورو تمام محاذوں پر متاثر کن پیش رفت کررہا ہے۔ اپنے قیام کے 100 سال بعد انتہائی مطلوب لوگو کے اجراء سے لے کر ایک نئی عمارت میں منتقل ہونے تک پیشہ ورانہ اداروں اور گھریلو ملازمین پر دو بڑے سروے سونپا جانا اہم ہے۔ انہوں نے کہا کہ محنت بیورو کو حالیہ مجوزہ چار لیبر کوڈز پر ڈیٹا اکٹھا کرنے کا کام سونپا گیا ہے۔

ہریانہ کے وزیر محنت جناب انوپ دھنک اور پنجاب کے وزیر محنت جناب بلبیر سنگھ سدھو نے کہا کہ اقتصادی اور شماریاتی تجزیہ کے محکمہ اور لیبر ڈیپارٹمنٹ ، ہریانہ کے ریاستی نوڈل افسران علاقائی مدد کے ستون رہے ہیں اور ماضی میں کئی مواقع پر انہوں نے محنت بیورو کی جانب سے فیلڈ ورک کا کام انجام دیا ہے۔

بیورو کی قومی اور بین الاقوامی سطح پر اس کی قیمت کے اشاریہ ، انتظامی اعدادوشمار اور مزدوری سے متعلق سروے کے اعدادوشمار کے لئے کافی حد تک ستائش کی گئی ہے۔ محنت بیورو ماہانہ بنیادوں پر سی پی آئی - آئی ڈبلیو عدد اشاریہ پیش کرتا ہے جس کا استعمال ملک میں مرکزی اور ریاستی حکومتوں سے تعلق رکھنے والے لاکھوں کارکنوں اور ملازمین کے مہنگائی بھتے اور اجرت کی ضابطہ بندی کے لئے ہوتا ہے۔ سی پی آئی – آئی ڈبلیو کے علاوہ ، بیورو سی پی آئی-اے ایل / آر ایل انڈیکس مرتب کرتا ہے جس کا استعمال کم سے کم مزدوری ایکٹ 1948 ، منریگا مزدوری اور مڈ ڈے کھانے اسکیم کے تحت کھانا پکانے کی لاگت میں ترمیم اور دیہی علاقوں میں کم از کم مزدوری کے تعین کے لئے کیا جاتا ہے۔

بیورو کو "پیشہ ورانہ اجرت سروے" جیسے انوکھے سروے کے لئے بھی منظوری حاصل ہے جو اسے ہندوستان کی واحد ایسی تنظیم بناتا ہے جس کے پاس مختلف شعبوں میں بڑی تعداد میں موجود مزدوروں کے اعداد و شمار ہیں۔

                                          **************

م ن۔ن ا۔ م ف    

U: 5307