মালেম অসিদগী ফোসিল ফুএল লোইশিল্লকপগা লোয়ননা মীয়াম্না অতোপ্পা মওংগী অশেংবা ফুএল থীনরকপা অসিদা কৃষ্ণ-গোদাবরি (কে.জি.) বেসিন্দগী নুংঙাইবা পাউ ফংলি। মসিগী বেসিন অসিদা লৈরিবা মীথেন হাইদ্রেৎ দীপোজিৎ অসিগী চাং য়াম্না ৱাংবনা মসিনা মহৌশাগী গ্যস মীথেন মতিক চাবা চাংদা ফংহনগনি।

মীথেন অসি অশেংবা অমসুং শেল য়াম্না তাংদবা ফুএল অমনি। মীথেন হাইদ্রেৎকী ক্যুবিক মীতর অমদা মীথেনগী খুবিক মীতর ১৬০-১৮০ য়াওই হায়না পানরি। কে.জি. বেসিন্দা ফংলিবা মীথেন হাইদ্রেত্তা খ্বাইদগী হন্থবা চাংদা মীথেন য়াওই হায়না পানরিবা অসিনা মালেমগী অতোপ্পা মফমশিংদা ফংলিবা ফোসিল ফুএলগী রিজর্বশিং অসিদগী শরুক অনি হেল্লি।

ভারত সরকারগী সাইন্স অমসুং তেক্নোলোজী বিভাগকী ওতোনোমস ইন্সতিত্যুৎ অমা ওইরিবা অঘরকর রিসর্চ ইন্সতিত্যুৎ (এ.আর.আই.)গী রিসর্চরশিংনা হন্দক্তা পাঙথোকখিবা স্তদী অমদা কৃষ্ণ-গোদাবরি (কে.জি.) বেসিনগী মফমশিংদা ফংলিবা মীথেন হাইদ্রেৎ দীপোজিৎ অসি বাইওজেনিক্নি হায়বা খঙবা ঙমখ্রে। স্তদী অসি “মীথেন হাইদ্রেত্তা য়াওরিবা মীথানোজেনিক আর্কেয়াগী কম্ম্যুনিতী স্ত্রকচরবু ময়েক শেংনা তাকপা” হায়না মিংথোনবা দি.এস.তি.-এস.ই.আর.বি.গী নহা ওইরিবা সাইন্তিস্তশিংগী প্রোজেক্ত অমগী শরুক অমা ওইনা পাঙথোকখিবনি। হাইদ্রোজেনগা পুল্লবা ঈশিং অমসুং মীথেন্না সমুদ্রশিংদা অৱাংবা প্রসের অমসুং অনেম্বা অইং-অশাগা থেংনবা মতমদা মীথেন হাইদ্রেৎ শুংই।

 “মেরিন জেনোমিক্স”কী চেফোঙদা ফোঙবগী অয়াবা ফংল্বা হৌজিক চত্থরিবা স্তদী অসিগী মতুং ইন্না এ.আর.আই.গী কাঙলুপ অসিনা মশক থোকপা ইনর্জী ফংফম ওইবা য়াবা মীথেৎ হাইদ্রেৎ ওইনা মনুংদা য়াওদুনা লৈরবা বাইওজেনিক মীথেন পুথোকপা ঙম্বা মীথানোজেনশিংসু মখা তাবা ওইনা মশক খঙদোকখ্রে।

 “কৃষ্ণ-গোদাবরি (কে.জি.) বেসিনগী বাইওজেনিক ওরিজিন ওইবা য়াম্লবা মীথেন হাইদ্রেৎ দীপোজিৎশিং অমসুং অন্দমান অমসুং মহানদিগী তোর্বান্দা ফংলিবশিং অসিনা এসোসিএতেদ মীথানোজেনিক কম্ম্যুনিতীগী মতাংদা কুপ্না থিজিনবগী তঙাই ফদবা অমা ওইহল্লি”, হায়না স্তদী অসিগী প্রিন্সিপাল ইনবেস্তিগেতর ওইরিবা দাঃ বিক্রম বি. লঞ্জেকরনা হায়খ্রে।

এ.আর.আই. তীম অসিগী মতুং ইন্না হৌজিক ফাওবদা মীথেন হাইদ্রেৎ য়াওবা সেদিমেন্তশিংগী মরী লৈনবা মীথানোজেনিক কম্ম্যুনিতীশিংগী মতাংদা থিজিন হুমজিনবগী থবক খরতমক পাঙথোকখ্রে হায়খি। স্তদী অসিনা উৎপগী মতুং ইন্না মীথানোজেনশিংনা অসিগুম্বা ৱাংখৎপা প্রেসর অমসুং অইং-অশাগী ফিভমশিং অসিগা য়াম্না চান্নবা ওই অমসুং মীথেন পুথোকপগী থৌওংশিংদনা অমুক তোঙাল্লি। অসিগুম্বা কা-হেনবা অমসুং মশাগী হৌরকফম ওইবা অকোয়বগী ফিভমগী মখাদা মীথেন পুথোকপা মীথানোজেনশিংগী মরমদা নীংথিনা খঙবা অসি য়াম্না মরু ওইবনি। মোলিক্যুলার অমসুং কলচরিং তেক্নিক শিজিন্নদুনা পাঙথোকপা স্তদী অসিনা কে.জি. বেসিন অসিদা খ্বাইদগী ৱাংবা মীথানোজেনিক দাইবর্সিতী উৎলি অমসুং মরম অসিনা অন্দমান অমসুং মহানদি বেসিনশিংগা চাংদম্নবদা মসিগী মফমশিং অসিদা বাইওজেনিক মীথেন মতিক চানা লৈবা মফম অমনি হায়বদা তং তারে।

মখোয়গী মোদেলশিং অসিদা য়ুম্ফম ওইবা কাইনেতিক স্তদী অসিনা কে.জি. বেসিন হাইদ্রেৎশিং অসিদা বাইওজেনিক মীথেন পুথোকপগী চাং অসি মিলিমোলস মীথেন/জি.তি.ও.সি./নোঙমদা ০.০৩১ ওইদুনা মীথেন দিপোজিৎকী অপুনবা চাং অসি ত্রিলিয়ন ক্যুবিক ফীত (তি.সি.এফ.) ০.৫৬তগী ৭.৬৮ ফাওবনি। কৃষ্ণ গোদাবরি, অন্দমান অমসুং মহানদি বেসিনদগী ফংবা মীথেন হাইদ্রেৎ দীপোজিৎকা মরী লৈনবা সেদিমেন্ত সেম্পলশিং অসি স্তদী অসিগীদমক্তা পনবেল, মহারাস্ত্রাগী নেস্নেল গ্যাস হাইদ্রেৎ কোর রীপোজিতরী, জি.ঐচ.আর.তি.সি., ও.এন.জি.সি.না পীখি।

এ.আর.আই.গী কাঙবু অসিনা কে.জি. বেসিন্দা জেনস মীথানোসার্সিনা মরাং কায়বা অমসুং মসিগী মথংদা জেনেরা মীথানোকুল্লেস, মীথানোবেক্তরিয়ম ফংবগী মতাংদা ৱারোল কয়া খোমজিনখি। মখোয়না থীজিনবদা ফংখিবগী মতুং ইন্না ফংলিবা জেনেরা অসিগী মরক্তা মীথানোসারসিনানা তোঙানবা স্পিসিস মরি, এম. সিসিলে, এম. বারকেরি, এম. ফ্লাবেসসেন্স অমসুং এম. মাজৈস, লৈদুনা খ্বাইদগী তোঙানবা মওং লৈ হায়বসি খঙবা ঙমখি।

 “ভারতকী কৃষ্ণ-গোদাবরি (কে.জি.) বেসিনগী মীথেন হাইদ্রেৎ সেদিমেন্তশিংদগী প্যুতেতিব নোবেল মীথানোকুল্লেস এস.পি. নোভ. অমসুং মীথানোসারসিনা নোভ.বু কলতিবেসন, আইসোলেসন অমসুং মওং-মতৌ খঙদোকপগী ৱারোলশিং অসি অহানবা ওইনা পাউদমলকপনি”, হায়না স্তদী অসিগী প্রিন্সিপাল ইনবেস্তিগেতর ওইরিবা দাঃ বিক্রম বি. লঞ্জেকরনা হায়খ্রে।

অয়েকপা ১: য়ু.ভি. মাইক্রোস্কোপকী মখাদা মীথানোসারসিনা এস.পি. এম.এস.ঐচ.০১এক্স.১ ব্লুইশ-গ্রীন ফ্লোরেসসেন্স

অয়েকপা ২: মীথানোজেনশিংগী এনারোবিক মীদিয়া য়াওবা রোল বোত্তলগী মনুংদা য়াওবা মীথানোসারসিনা এস.পি. এম.এস.ঐচ.০১এক্স.১ আইসোলেতেদ কোলোনী

[চেফোংগী অকুপ্পা মরোলঃ

মেহতা পি., দেশমুখ কে., দাগর এস.এস., ধাকেফেল্কার পি.কে., অমসুং লাঞ্জেকর বিক্রম বি. (২০২০)। কৃষ্ণ-গোদাবরি (কে.জি.) বেসিনগী মীথেন হাইদ্রেৎ দীপোজিত্তগী কলচর তৌরবা সাইকোত্রোপিক মীথানোজেন মীথানোসারসিনা এস.পি. এম.এস.ঐচ.০১এক্স.১ জীনোম সিক্বেন্সিং অমসুং য়েংশিনবা। মেরিন জেনোমিক্স (থবক পাঙথোক্লিবা)

দাবির, এ., হোঙ্কালাস, ভি., অরোরা, পি., পোরে, এস., রানাদে, দি. আর., অমসুং ধাকেফেল্কর, পি.কে. (২০১৪)।কৃষ্ণ-গোদাবরি (কে.জি.) বেসিনগী সব-সী ফ্লোর মীথেন হাইদ্রেৎ দীপোজিত্তগী আইসোলেৎ তৌরবা নোবেল মীথানোজেন, মীথানোকুল্লেস এস.পি. এম.ঐচ.৯৮এ.গী দ্রাফৎ জিনোম সিক্বেন্স। মেরিন জিনোমিক্স, ১৮, ১৩৯-১৪০।

দি.ও.আই.: ১০.১০১৬/জে.মারগেন.২০১৪.১০.০০১

অকুপ্পা ৱারোল্গীদমক্তা দাঃ বিক্রম বি. লাঞ্জেকর, বাইওইনর্জী গ্রুপ (vblanjekar@aripune.org, ০২০-২৫৩২৫১১৩০২০) অমসুং দাঃ পি.কে. ধাকেফেল্কর, দাইরেক্তর (ওফিসিএতিং), এ.আর.আই. পুনে, (director@aripune.org, pkdhakephalkar@aripune.org, ০২০-২৫৩২৫০০২)দা পাউ ফাওবীবা য়াগনি]

*****