কেন্দ্রগী হকশেলগী সেক্রেতরীনা ঙসি ভিদিও কনফরেন্সিংগী (ভি.সি.) খুত্থাংদা অৱাং-নোংপোক রাজ্যশিংদা পয়াঙথোক্লিবা কোবিদ শেন্নবগী থৌরাংশিংগা লোয়ননা থবক ওইনা পাঙথোক্লিবশিং য়েংশিনখ্রে। মসিগী ভি.সি. অসিদা প্রিন্সিপাল সেক্রেতরীশিং, হকশেল সেক্রেতরীশিং অমসুং অরুনাচল প্রদেশ, অসম, মনিপুর, মিজোরম, মেঘালয়, নাগালেন্দ, ত্রিপুরা অমসুং সিক্কিমগী রাজ্যগী মীহুৎশিংনা শরুক য়াখি। মসিগী রাজ্য ৮ অসিনা লৈবাক অসিগী অপুনবা এক্তিব কেস মশিংগী শরু ৫%দগী হেন্না তানা লৈরিবনি।

ঙসি ফাওবগী ওইনা অপুনবা এক্তিব কেস মশিং ২৯,৬৯০ লৈদুনা অসমদা অৱাং-নোংপোক রাজ্য ৮ অসিগী অপুনবা এক্তিব কেস মশিংগী ৬৮%গী শরুক লৈরি।  ত্রিপুরানা এক্তিব কেস মশিং ৭,৩৮৩ লৈদুনা অনিশুবা মফমদা লৈরি অমসুং রাজ্যশিং অসিগী অপুনবা এক্তিব কেসকী ১৭%কী শরুক লৈরি।

রাজ্যশিং অসিগী অপুনবা কেস অমসুং এক্তিব কেসকী অকুপ্পা মরোলশিং মখাদা পীরিঃ

কেন্দ্রগী সেক্রেতরীনা কন্তেনমেন্ত তৌবগী থবকশিং, তেস্তিং তৌবা হেনগৎপা অমসুং হোস্পিতালশিংদা লৈরিবা অনাবশিংবু নীংথিনা য়েংশিনবগী থবকশিং লেপ্তনা চত্থনবা মিৎয়েং চঙখ্রে। সেক্রেতরীশিং অমসুং রাজ্যগী মীহুৎশিংনা রাজ্য ৮ অসিগী হৌজিক ওইরিবা কোবিদ-১৯গা মরী লৈনবা ৱাফমশিংগী অকুপ্পা মরোলশিং হায়নখি অমসুং মসিগী মনুংদা কন্তেনমেন্ত তৌবগী থৌওংশিং, কন্তেক্ত ত্রেসিং তৌবা, সর্বেলিএন্স তৌবগী থবকশিং, ফেসিলিতীগী মতুং ইনা শিবগী চাং, চয়োল খুদিংগী ওইনা অনৌবা কেস লাকপা অমসুং মী শিবগী চাংনচিংবগী ৱাফমশিংগী মতাংদা পাউদমখি। মখোয়না মথং থাদা পাঙথোক্কদবা থবকশিংগী থৌরাং য়াৎপগী মতাংদসু ৱাফম কয়া অমা ফোঙদোক্নখি।

রাজ্যশিংদা পাঙথোক্লিবা আর.তি.-পি.সি.আর. অমসুং রেপিদ এন্তিজেন তেস্ত তৌখিবশিং, এন্তিজেন তেস্ত তৌখিবশিংদা নেগেতিব লাখিবা সিম্পতোম উৎলকপা অনাবশিংগী হন্না তেস্ত তৌবগী চাদা ওইবা চাং, তেস্তিংগী লেব শিজিন্নবশিং, হোস্পপিতালদা অনাবশিং পুখৎলকপগী ফিভমশিং অমসুং ওক্সিজেন পীবা ফমুংশিং, আই.সি.য়ু. ফমুংশিং অমসুং বেন্তিলেতর ফমুংশিংদা অনাবশিং লৈবগী ৱারোলনচিংবগী অকুপ্পা অমসুং মচা খায়বা ৱারোল কয়া অমসু উৎখি।

রাজ্যশিংদা মখাদা পীরিবা হীরমশিং অসিদা থবক পায়খৎবা খঙহনখিঃ

১) কন্তেনমেন্ত তৌবগী অকনবা কাঙলোনশিং চৎনহনবা, সোসিএল দিস্তেন্সিংগী কাঙলোনশিং ইনবা, পেরিমীতর ঙাক শেনবগী অকনবা থবক পাঙথোকপা অমসুং য়ুম্থোং খুদিং চত্তুনা এক্তিব কেস থীদোকপগী থৌওংশিং পাঙথোক্তুনা লাইনা মখা তানা শন্দোকপা থিংবা।

২) রাজ্য, জিলাশিং শিনবা থুংনা তেস্ত তৌবা হেনগত্তুনা কেসশিংবু ঙন্না মশক খঙদোকপাঅমসুং আর.তি.-পি.সি.আর.গী তেস্তিং তৌবগী অঙম্ববু মশক থোক্না শিজিন্নবা।

৩) য়ুমদা আইসোলেসন তৌদুনা লৈরিবা মীওইশিংবু নীংথিনা শেন্নদুনা য়েংশিনবা অমসুং লাইনা লুশিল্লকপশিংবু ঙন্না হস্পিতালদা পুখত্তুনা লায়েংবা।

৪) মেদিকেলগী ঙাক্লৌ তঙাই ফদবশিংবু, মরু ওইনা মতম কুইনদগী নারক্লবা লাইনা লৈবা মীওইশিং অমসুং অহল ওইরবশিংবু অথুবা মতমদা হোস্পিতালদা পুখত্তুনা লায়েংবা হৌবা।

৫) মী শিবগী চাং অসি ১% নত্ত্রগা মসিদগী তানা থম্বা।

সেক্রেতরীশিং অমসুং অতোপ্পা থৌমীশিংবু হৌজিক চত্থরিবা মওংসিদা মখা তানা অদুমক নীংথিনা থবক পায়খত্তুনা লায়চৎ অসিবু থেংননবা ৱাফম কয়াসু হায়খি।

*****