রাজ্য খরনা তোঙান তোঙানবা এক্তশিংগী মখাদা লৈবা প্রোবিজনশিং চৎনহন্দুনা ওক্সিজেন সপ্লাইশিংগী ইন্তর-স্তেৎশিংতা কোমনা চত্থোক-চৎশিন তৌরিবা অসিদা অথিংবা থমনবা হোৎনরি অমদি রাজ্য অদুদা লৈরিবা মেন্যুফেকচরর/সপ্লাইয়রশিংনা মখোয়না সপ্লাই তৌরিবা ওক্সিজেন অদু রাজ্য অদুদা লৈরিবা হোস্পিতালশিংদা খক্তা পীনবা খঙহল্লিবা হায়বগী পাউ অসি কেন্দ্রগী হকশেলগী মন্ত্রী য়ৌখ্রে।

হীরম অসিদা, হকশেলগী মন্ত্রীনা কোবিদনা নাবা অকনবা অনাবশিং লায়েংবদা হোস্পিতালশিংনা ওক্সিজেন য়াম্না মরু ওই হায়না অমুক হন্না থমখি। রাজ্যশিং/য়ু.তি.শিংদা থাবা চেরোল অমদা কেন্দ্রগী হকশেল মন্ত্রীনা কোবিদ-১৯গী লুদবা অমদি অরুবা কেসশিং লায়েংবদা মেদিকেল ওক্সিজেন মরাং কায়না ফংহনবা অমসুং লেপ্তনা সপ্লাই তৌবা হায়বা অসি য়াম্না মথৌ তাবা অমনি হায়না পুক্নিং চিংশিনখি।

হকশেলগী সেক্রেতরীনা রাজ্যশিং/য়ু.তি.শিংদা মখোয়গী মরক্তা মেদিকেল ওক্সিজেন পুথোক-পুশিন তৌবদা মখল অমত্তগী অথিংবশিং থমদনবা খঙহনখ্রে। হোস্পিতালদা লায়েং চত্থরিবা কোবিদ নাবা মীওই খুদিংমক্তা ওক্সিজেন ফংহনবা হায়বা অসি রাজ্যশিংগী থৌদাং ওইগদবনি হায়না অকনা ৱাফম থমখ্রে।

অমুক হন্না মখোয়দা মেদিকেল ওক্সিজেন অসি তঙাই ফদবা মীয়ামগী হকশেলগী পোৎলম অমনি হায়না খঙহনখি অমদি লৈবাক অসিদা মেদিকেল ওক্সিজেন সপ্লাইশিং তৌবদা মখল অমা হেক্তগী অপনবা থোক্লকপনা লৈবাক অসিগী অতোপ্পা শরুকশিংদা লৈরিবা কোবিদ-১৯গী লায়নানা নাহল্লিবা অনাবা মীওইশিংগী লায়েং চত্থবদা চাউনা অকায়বা থোকহনবা য়াই। মসিগী মথক্তা অচৌবা ওক্সিজেন মেন্যুফেকচররশিং/সপ্লাইয়রশিংনা হান্ননা তোঙান তোঙানবা রাজ্যশিংগী হোস্পিতালশিংগা লোয়ননা সপ্লাই তৌনবগী হৌজিক হৌজিক য়ানা চেরোলশিং ইন্নদুনা মদু ঙাক্না চৎকদবনি হায়বা আইনগী ওইবা ৱায়েল লৈরি।

কেন্দ্রনা লমজিংবা কোবিদ লায়েংবগী লালোং অসি স্তেন্দর্দ ওফ ক্যের ত্রীৎমেন্তগী গাইদলাইনশিংদা য়ুম্ফম ওইবনি। হায়রিবা গাইদলাইনশিং অসিনা হোস্পিতালশিং য়াওনা কোবিদ ফেসিলিতীশিংদা চপ মান্নবা অমসুং মেদিকেল ক্যেরগী স্তেন্দর্দাইজ ওইবা ক্বালিতী ফংহন্নবা হায়রি। য়াম্না লুদবা অমসুং অরুবা কেসশিংগী ওইনদি প্রোতোকোলগী মতুং ইন্না কোবিদ-১৯ থেরাপী চত্থবদা ওক্সিজেন সপ্পোর্ত মরাং কায়না ফংহনবা, চান্নবা অমদি মতম চানা এন্তি-কাওগুলেন্তশিং অমসুং লায়না ফংলিবা মমল তাংদবা কোর্তিকোস্তেরোইদশিং থাবা য়াই।

লৈবাক শিনবা থুংনা ওক্সিজেন সপ্লাই মরাং কায়না ফংহনবা অমদি অতোপ্পা খোঙথাংশিংগা লোয়ননা হোস্পিতালদা লৈরিবা য়াম্না লুদবা অমসুং অরুবা কেসশিংগী ক্লিনিকেল ক্যের মপুং ফানা তৌবা ঙমহল্লি। অফবা লালোংশিং শীজিন্নবনা নাবা ফগৎলকপগী চাং ৱাখৎহল্লক্লি অমদি শীখিবা কেসকী চাং তপ্না-তপ্না হন্থহল্লি (হৌজিক্কী ওইনা ১.৬৭%)। ঙসি ফাওবদা এক্তিব ওইরিবা অনাবা মীওইশিংগী ৩.৭%দগী তাবদি ওক্সিজেন সপ্পোর্ত মথৌ তারি।

*****