রোদ ত্রান্সপোর্ত অমসুং হাইৱে অমসুং এম.এস.এম.ই.গী য়ুনিয়ন মিনিস্তর শ্রী নিতিন গাদকারিনা হায় মদুদি সরকারনা পোলিসি শেম্দুনা লম্বী শেম্বগী হন্থনবা অমসুং মসিগী মগুন হেনগৎনবা শেমখ্রে। ঙতি নুমিৎ নিনিগী এফ.আই.সি.সি.আই.না শিনবা বিতুমিন অমসুং কন্সত্রকসন – ‘বিতু-কোন ২০২০’গী ভর্চুএল কনফরেন্স অমসুং এক্সিবিসন অসিদা শ্রী গাদকারিনা হায় মদুদি সরকার অসিনা মসিদা থবক শুরি অমসুং হেন্না তৌগদবা লৈরি।  

মিনিস্তরনা তকশিন্দুনা ইন্দস্ত্রীনা অকোয়বদা শোকহনদনা লম্বী শেম্বদা প্লাস্তিক অমসুং রব্বরগী অরেম অখাক্না শিজিন্নবা হায়খি। মসিদা নত্তনা, স্তিল প্লান্তদগী অরেম্বা থাওগী স্লেগ অমসুং ফ্লাসশিং অসিসু শিজিন্নবা পুক্নিং থৌগৎখি। মহাক্না জুত নত্ত্রগা কোইরগুম্বা শিজিন্নদুনা লম্বী শেম্বনা ফগৎহনবদা নত্তনা গারী থৌবদসু নুঙাইবা হেনগৎহল্লি। মহাক্না হায় মদুদি সরকারনা অসিগুন্বা মওং অসি হেন্না ফনবা শেমগনি।  

তেক্নোলোজি কান্নবা পুথোক্তুনা শ্রী গাদকারিনা হায় মদুদি ইন্দস্ত্রীনা মালেমগী থাক্তা লৈবা তেক্নোলোজি শিজিন্নদুনা লম্বী শেমগদবনি। মহাক্না হায় মদুদি চহি ১০গী দিফেক্ত লাইএবিলিতি শেমদুনা কোয়লাসকি লম্বী শেম্লিবা অসি চহি মঙা হৌখ্রে।

ইন্দস্ত্রীদা অঙম্বা মতেং পীদুনা, শ্রী গাদকারিনা হায় মদুদি, সরকার অসি ময়ামগী ৱা তাবা, পুকচেল শেংবা, মতম নাইনা থবক তৌবা, ফল ওইবা, মগুন্দা য়াবা অদুনি। মহাক্না ইন্দস্ত্রীদা হায়খি মদুদি সরকার অসিনা অয়াবা পীনবা শেম শাদুনা লৈরি। মহাক্না মখা তানা হায়খি মদুদি, করিগুম্বা লম্বী অসি ফরবা গ্রাম পনচায়ৎতগী দিস্ত্রিক্ত লম্বীদা, স্তেত হাইৱেজ অমমসুং নেস্নেল হাইৱেজসিংদা খাইগনি।

শ্রী গাদকারিনা মখা তানা হায় মদুদি কোভিদ-১৯ লৈজরবসু লম্বী শেম্বগী থবক অসি লেপ্পা লৈতনা চংশিল্লি অমসুং কন্ত্রেক্তশিং অসি য়াংনা চংশিল্লি। 

লম্বী শেম্বা অসিগী চাওখৎপা অসিদা থাগৎপা ফোংদোক্লদুনা এফ.আই.সি.সি.আই.গী প্রেসিদেন্ত দাঃ সঙ্গীতা রেদীনা হায় মদুদি কোভিদ-১৯ অসি মায়োক্নদুনা, রোদ ত্রান্সপোর্ত অমসুং হাইৱেজগী মিনিস্ত্রীনা লৈবাক অসিদা হাইহেজ শেমলিবা অসি মশাগী পান্দম্দগী হেন্দুনা চৎলি।

***