ইনোবেসন, ওন্তরপ্রিন্যুর্শিপ অমসুং ইনক্যুবেসন কেতালাইজ তৌবগীদমক্তা নেস্নেল সাইন্স অমসুং তেক্নোলোজী ওন্তরপ্রিনরশিপ দিভেলপমেন্ত বোর্দ(এন.এস.তি.ই.দি.বি.)গী খোংচৎকী মতাংদা রিপোর্ত অমা সাইন্স অমসুং তেক্নোলোজী বিভাগকী সেক্রতরী প্রোফেসর আশুতোশ শর্মানা চয়োল অসি হৌরকপদা ওনলাইনগী থৌরম অমদা পুথোকখ্রে।  

“সাইন্স অমসুং তেক্নোলোজী বিভাগ(দি.এস.তি.)না নেস্নেল সাইন্স অমসুং তেক্নোলোজী ওন্তরপ্রিন্যুরশিপ দিভেলপমেন্ত বোর্দ(এন.এস.তি.ই.দি.বি.)দগী ইনক্যুবেতরশিংগী মপাঙ্গল লৈরবা নেতৱর্কতগী  মশা-মরেং নাইবা স্তার্তঅপকী ইকোসিস্তেম অসি য়োকখত্তুনা অমদি ফগৎহন্দুনা মরুওইবা থৌদাং অমা লৌখি। হৌখিবা চহি মঙা অসি মসিবু পুরক্নবা হোৎনবা অসি অখন্নবা ওইখি হায়না রিপোর্ত অসিদা খুদম চাংদম পীরি হায়না রিপোর্ত অসি পুথোকপা মতমদা দি.এস.তি.গী সেক্রতরী প্রোফেসর শর্মানা হায়খি।  

হৌখিবা চহি ৫গী মতমগী ওইবা এন.এস.তি.ই.দি.বি., দি.এস.তি.না শৌগৎপিদুনা ইনোবেসনগী ওইবা ওন্তরপ্রিন্যুর্শিপ অমসুং অৱাংবা থাক্তা তম্নমবগী ইন্সতিত্যুসনশিংদা ফ্যুএলিং ইনক্যুবেসনগী থবকশিংগী ওইবা কন্না হোৎনরিবশিং অসিনা য়াংনা অমদি চাউনা খোংজেল ফংবা ঙমখ্রে, ” হায়না এন.এস.তি.ই.দি.বি.গী মকোক দা. অনীতা গুপ্তনা ফোংদোকখ্রে।

এন.এস.তি.ই.দি.বি.না হৌদোকখিবা নেস্নেল ইনিসিএতচিব ফোর দিভেলপিং এন্দ হার্নেসিং ইনোবেসন(নিধি)গুম্বা থৌরাংশিং অসিনা স্তার্তঅপ ইন্দিয়া অমসুং স্তেন্দঅপ ইন্দিয়াগী নেস্নেল ইনিসিএতিবকা লোয়ননা মহাক্কী থবক-থৌরাংশিং অদু থোইদোক্না পল্লদুনা ইনক্যুবেৎ অসি লমজিংলিবা ইনোবেসন ভেল্যু চেন অসি নিংথিনা পাংথোকহনবদা মরুওইবা থৌদাং লৌই। অসিনা হৌখিবা চহি ৫সিদা লৈবাক অসিদা একাদমিক্কী ওইবা ইনোবেসন অমদি স্তার্ত অপ ইকোসিস্তেম অসি মপাঙ্গল কনখৎহনবদা মরুওইবা থৌদাং লৌই। মসিগী এক্তিবেসনগী চত্থবা থবক অসি তেক্নোলোজী বিজিনেস ইনক্যুবেতরশিং, স্কাউতিং ইনক্যুবেতরশিং, প্রোতোতাইপশিং শৌগৎপা ৱাখল্লোনশিং, ইনোবেতরশিং অসি স্তার্তঅপতা ওন্থোকহনবা ঙমহনবা, ইনক্যুবেতেদ স্তার্তঅপশিং অসি হৌদোক্নবগী ফন্দ অসি মতম চানা পীবগী থৌরাং অমসুং মাইপুননা লমজিং-লমতাকপীদুনা, খোংবু ওইমিন্নদুনা অমদি নেতৱর্কতশিংগীগী স্তার্ত অপশিং অসি থাক ৱাংখৎহন্নবা তেংবাং পীনবগী থৌরাংশিংগুম্বা থৌরাং কয়া অমা অচৌবা মওংদা হাপচিনখ্রে। 

মসিগী হোৎনবশিং অসিনা লৈবাক অসিগী মফম খুদিংমক্তা য়ৌহনখ্রে। দি.এস.তি.না শেম্বা ইনক্যুবেতর ১৫৩গী নেতৱর্কতগী ইনক্যুবেসন তৌখিবা স্তার্ত অপ ৩৬৮১ মখোং শেমগৎপা অসিদা নত্তনা ইন্তেলোকচুএল প্রোপর্তী ১৯৯২গী জেনরেসনগী রিপোর্ত তৌখ্রে। মখা তানা হৌখিবা চহি মঙাসিদা অপুনবা ওইনা হকথেংননা থবক ৬১,১৩৮ থোরকহনকখিবা অমদি শেন্মিৎলোনগী ওইবা লন লুপা করোর ২৭,২৬২ লৈহল্লকনবা তৌবা অসি ইম্পেক রিপোর্ত অসিগী মরু ওইনা পুথোকপনি। দি.এস.তি.গী শেংনা হোৎনজবা অসিনা ইনোবেসন অমসুং ওন্তর্প্রিন্যুরশিপকী ৱাখল্লোন অদুবুসু মৈ চুখি অমদি লৈবাক পুম্বদা হেন্না-হেন্না শাফু পীখি। মসিগী ইকোসিস্তেম অসিদগী মনা ফংখ্রবা স্তার্তঅপশিংগী গ্রুপ অদু পুথোরক্নবা অমদি শৌগৎনবগীদমক্তা অফবা থবক্নি। 

মসিগী রিপোর্ত অসি হৌদোক্নগী তেংবাং ফংবা স্তার্তঅপশিংদগী এঞ্জেলশিং, ভেঞ্চর কেপিতেলশিং অমদি অতৈ স্তেকহোল্দরশিংবু অথোইবা ভেল্যুএসন ফংহন্নবগী কান্নবা ফংবা মওংদা পুখৎখিবা ইনভেস্তমেন্ত অদু শরুক মঙা হেনগৎহন্নবগী ঈঙ্গীৎ পীখি। অপুনবগী ওইনা এন.এস.তি.ই.দি.বি.গী মিৎয়েং অসিনা একাদমিক ইনক্যুবেতরশিংগী নেতৱর্কতগী স্তার্তঅপকী কান্নবগীদমক্তা অৱাংবা থাক্কী মহৈ তম্বগী ইন্সতিত্যুসনশিংগী তেক্নিকেল ওইবা মঙম অদুগী কান্নবা লৌখি অমসুং মসিদগী শৌগৎখি। মসিনা নিংথিনা থবক তৌবা ইনক্যুবেসন সপোর্ত সিস্তেম অমা ওইহন্দুনা মসিগী মরম্না কোয়চেল-কোচেন চেল্লিবা স্তার্তঅপ অসি মায় পাকপা ঙমহল্লি।  

নিধি থৌরাংগী অপুনবা পাঙ্ল অমদি থৌনানা দি.এস.তি. ইনক্যুবেতর নেৎৱর্ক অমসুং মাগী স্তার্তঅপশিং অসি কোবিদ-১৯গী মতমদা লোয়ননা সেন্তর ফোর ওমেন্তিং ৱার ৱিথ কোবিদ-১৯গী হেল্থ ক্রাইসিস(সি.এ.দব্লয়ু.সি.ঐচ.) থৌরাংদা ক্রাইসিস অসি লোইশিন্নবা তোঙান-তোঙানবা সোলুসনশিংনা তেংবাংদুনা মায় পাক্না তেস্ত তৌখ্রে। 

রিপোর্ত অসি দি.এস.তি.বু শৌগৎপা ইনক্যুবেতর কাংলুপ অমদি এন.এস.তি.ই.দিয়বি.তীম য়াওরগা পুথোকখিবনি।

******