কোলকতাগী স্পোর্তস ওথোরিতী ওফ ইন্দিয়া রিজনেল সেন্তরনা নেতাজি সুভাশ ইস্তর্ন সেন্তরদা ঙসি অয়ুক ফিৎ ইন্দিয়া ফ্রীদম রনগী থৌরম অমা শিনখি মসিদা অর্জুনা এৱার্দী, পদ্মশ্রী এৱার্দী ওইরিবী অমসুং সমুদ্রগী চেনেল মঙা ইরোইদুনা লানখিবী অহানবা নুপী ওইখিবা হান্নগী নেস্নেল ৱুমেন স্বিমিং চেম্পিয়ন বুলা চৌধুরীসু শরুক য়াখি।

স্তাফ মেম্বর, ওফিসর, কোচ পুম্নমক্কা লোয়ননা রিজনেল দিরেক্তর ইন চার্জ বিনীৎ কুমারগা লোয়ননা লমজেল অসি চৌধুরীনা লমথাখি।

মহাক্না হায়খি হকচাং ফনা থম্বা হায়বা অসি ইম্ম্যুনিতী হেনগৎহনবা খক্তা নত্তে মসিনা ঐখোয়গী লৈবাক অসি ইশা-ইশানা অমদি অপুনবা অমা ওইনা শেমগৎপনি হায়না ফোঙদোকখি। “হকচাং ফনা লৈবা হায়বা অসি কোবিদ-১৯গী ওইরিবা ফীভম অসি খক্তদা নত্তনা মতুংদসু ফগৎহনবা মথৌ তাই। করিগুম্বা অদোম হকচাং ফরবদি অদোমগী ইমুং-মনুংসু হকচাং ফগনি অমদি অসুম্না তৌবনা ভারত পুম্বা হকচাং ফনা লৈবা ঙমগনি। মীপুম খুদিংমক্না নুমিৎ খুদিংগী হকচাং শাজেল খরা তৌগদবনি,” হায়না থৌরম অসিদা চৌধুরীনা ফোঙদোকখি।

ফ্রীদম রন অসি সাই সেন্তরগী মপান্দা সোল্ত লেক্কী মনুংদা হকচাং শাজেল তৌবা অমসুং হকচাং ফনা লৈবগী মরুওইবদা এৱেয়র্নেস পীনবা পাঙথোকপনি। ফিৎ ইন্দিয়া ফ্রীদম রন অসি ইস্তর্ন জোন পুম্বদা লৈবা নেস্নেল সেন্তর্স ফোর এক্সিলেন্স (এন.সি.ও.ই.শিং), সাই ত্রেনিং সেন্তরশিং (এস.তি.সি.শিং) অমসুং খেলো ইন্দিয়া ত্রেনিং সেন্তরশিং ঙসি অয়ুক শিনখি:

১. এন.সি.ও.ই. জগতপুর

২. এস.তি.সি. অগর্তালা

৩. এস.তি.সি. বোলপুর

৪. এস.তি.সি. বর্দৱান

৫. এস.তি.সি. কত্তক

৬. এস.তি.সি. ধেনকনাল

৭. এস.তি.সি. গীধোর

৮. এস.তি.সি. হজারিবাগ

৯. এস.তি.সি. জলপাগুরি

১০. এস.তি.সি. কিশঙ্গঞ্জ

১১. এস.তি.সি. লেবোং

১২. এস.তি.সি. পতনা

১৩. এস.তি.সি. পোর্ত ব্লেয়র

১৪. এস.তি.সি. রাঞ্চি

১৫. এস.তি.সি. সুন্দরগর

*****