লৌউ-শিংউ মন্ত্রালয়
ভারতকী লৌউ-শিংউবগী থৌওংশিংদা ঈশিং নীংথিজনা শিজিন্নবা অমসুং মাইক্রো ইরিগেসন মনুং চলহনবগী মতাংদা ৱেবিনার পাঙথোকখ্রে
চহি ৫গী মনুংদা মাইক্রো-ইরিগেসনগী মখাদা ঐচ.এ. লাখ ১০০ লৈহন্নবা সরকরানা পান্দম থমখ্রে- লৌউ-শিংউবা অমসুং লৌউবশিংগী য়াইফ য়ুম্বালগী কেন্দ্র মন্ত্রী শ্রী নরেন্দ্র শিংহ তোমার
মাইক্রো ইরিগেসন ফন্দগী মখাদা ঐচ.এ. লাখ ১২.৫৩ কোনবা ঙম্নবা লুপা করোর ৩৮০৫.৬৭কী প্রোজেক্তকী অয়াবা পীখ্রে
Posted On:
09 SEP 2020 4:33PM by PIB Imphal
কেন্দ্রগী লৌউ-শিংউ অমসুং লৌউবশিংগী য়াইফ য়ুম্বাল, খুঙ্গং চাউখৎপা অমসুং পঞ্চায়তী রাজ মন্ত্রী শ্রী নরেন্দ্র সিংহ তোমারনা ঙসি লৌউ-শিংউবা অমসুং লৌউবগী য়াইফ য়ুম্বাল মন্ত্রালয়গী লৌউ-শিংউ, কো-ওপরেসন অমসুং লৌউবগী য়াইফ য়ুম্বাল (দি.এ.সি. অমসুং এফ.দবল্যু.) বিভাগনা শীন্দুনা ভারতকী লৌউ-শিংউবগী থৌওংশিংদা ঈশিং নীংথিজনা শিজিন্নবা অমসুং মাইক্রো ইরিগেসন মনুং চলহনবগী মতাংদা ৱেবিনার অমা শঙ্গাখ্রে।
ৱেবিনার অসিদা ৱা ঙাংবদা শ্রী নরেন্দ্র সিংহ তোমারনা চহি ৫গী মনুংদা মাইক্রো-ইরিগেসনগী মখাদা ঐচ.এ. লাখ ১০০ লৈহন্নবা সরকরানা পান্দম থমখ্রে হায়খি। ইং ২০১৯-২০দা চাউরাক্না লৌউবা লাখ ১১না দ্রিপ অমসুং স্প্রিঙ্কলর ইরিগেসন সীস্তেম শিজিন্নদুনা কান্নবা য়াম্না ফংখি। হৌখিবা চহি ৫গী মনুংদা লৈবাক অসিগী ঐচ.এ. লাখ ৪৭.৯২গী পাক চাউবা মফমদা মাইক্রো ইরিগেসন শিজিন্নখি অমসুং মসিগী মনুংদা ইং ২০১৯-২০ খক্তদা ঐচ.এ. লাখ ১১.৭২ কোনখিবা অসি য়াম্না মশক থোকপা থৌওং অমা ওইখি। মহাক্না মখা তানা হায়খিবদা লৌউ-শিংউ, কো-ওপরেসন অমসুং লৌউবগী য়াইফ য়ুম্বাল বিভাগ (দি.এ.সি. অমসুং এফ.দবল্যু.)না লৌউ-শিংউবগী সেক্তরদা ঈশিং নীংথিজনা শিজিন্নবা হেনগৎহন্নবা অমসুং য়াম্না মরু ওইবা ওইনা লৌউবশিংগী শেন্থোক হেনগৎহন্নবা হায়দুনা ইং ২০১৫-১৬দগী প্রধান মন্ত্রী কৃষি সিঞ্চায়ি য়োজনা (পি.এম.কে.এস.ৱাই.-পি.দি.এম.সি.)গী দ্রোপ মোর দ্রোপ কম্পোনেন্তকী থৌওং চত্থরি হায়খি।
![](https://static.pib.gov.in/WriteReadData/userfiles/image/image001A93F.jpg)
কেন্দ্রগী লৌউ-শিংউগী মন্ত্রীনা হায়খিবদা সরকারনা মাইক্রো ইরিগেসন্না কোনবা মফমশিং হেনগৎহন্নবা হায়দুনা রাজ্যশিংদা পাক চাউনা থবক পায়খৎপা ঙমহন্নবা নেস্নেল বেঙ্ক ফোর এগ্রিকলচর অমসুং রুরেল দিবেলপমেন্ত (নাবারদ)কা খুৎশম্নদুনা লুপা করোর ৫০০০গী মপুং ওইবা মাইক্রো ইরিগেসন ফন্দ (এম.আই.এফ.) অমা শেমখ্রবনি। এম.আই.এফ. অমসুং নাবারদকী থবক শেন্নবগী কম্মিত্তীনা এম.আই.এফ.কী মখাদা ঐচ.এ. লাখ ১২.৫৩ কোনবদা তেংবাংনবা লুপা করোর ৩৮০৫.৬৭কী প্রোজেক্ত অমগীসু অয়াবা পীখ্রবনি। মহাক্না রাজ্য খুদিংদা হায়রিবা পান্দম অসি ফংনবা পি.এম.কে.এস.ৱাই.-পি.দি.এম.সি.গী মখাদা ফংলিবা কান্নবা অসিগী মথক্তা অহেনবা সবসিদীগী খুত্থাংদা এম.আই.এফ. শিজিন্নদুনা মাইক্রো ইরিগেসনদা ইন্সেন্তিবাইজ তৌনবা হায়খি। মহাক্না রাজ্যশিংদা ফন্দশিং অসি শিজিন্নদুনা অনৌবা অমসুং পুন্সিনবা প্রোজেক্ত কয়া পায়খৎনবা খঙহনখ্রে। মহাক্না হায়রিবা প্রোজেক্তশিং অসিগী মনুংদা মাইক্রো ইরিগেসন পি.দি.এম.সি.গী মখাদা অহেনবা লম পুশিল্লকপা য়ানবা রাজ্যগী মতুং ইনবা তঙাই ফদবশিংদা য়ুম্ফম ওইদুনা পায়খৎকদবা পব্লিক প্রাইভেৎ পার্ত্নরশিপ (পি.পি.পি.)কী প্রোজেক্তশিংসু য়াওরি।
মাইক্রো ইরিগেসন অসি ঈশিং নীংথিনা শিজিন্নবা হেনগৎহনবতা নত্তনা লৌরোক হেনগৎহনবগী হীরমসু য়াওরি হায়বা মরু ওইবা ৱাফম পল্লদুনা শ্রী তোমারনা য়ুনিৎ এরিয়াশিং অসিগী লৈহাউ ফবা হেনগৎহনবা, ইনপুৎ কোস্ততা হন্থহনবা, লৌরোক পুথোকপা হেনগৎহনবা অমসুং লৌউবগী খুন্নাইদা কান্নবা ফংবা য়াবা কয়াগী মরমদা লৌউবশিংদা খঙহনবা অমসুং প্রধান মন্ত্রীনা লৌউবশিংগী শেন্থোক অসি শরুক অনি থোক্না হেনগৎহনবগী মঙলান্দা তেংবাংনবা হীরমশিং কয়া অসিগী অপুনবা থৌওং অমা পাঙথোকপগী তঙাই ফদবা লৈ হায়না মহাক্না হায়খি।
মন্ত্রীনা রাজ্যশিংদা মাং থাদুনা থোক্লক্তুনা লৌউ-শিংউবদা ঈশিং নীংথিনা শিজিন্ননবা মাইক্রো ইরিগেসন্না কোনবা মফমশিং পাকথোক চাউথোকহনবগী পান্দম অসি ফংবদা তেংবাংনবা হায়খ্রে অমসুং মসিনা আত্মা নির্ভর কৃষিগী খুত্থাংদা প্রধান মন্ত্রী শ্রী নরেন্দ্র মোদীনা আত্মানির্ভর ভারত ওইহনসি হায়না লাওরিবা খোল্লাও অসিদসু তেংবাংবা ওইগনি। তোঙান তোঙানবা স্তেকহোলদরশিং, বিভাগশিং/মন্ত্রালয়শিং, রাজ্যগী থবক পাঙথোকপা এজেন্সীশিং, মাইক্রো ইরিগেসন সীস্তেমগী পোত্থোকপ পুথোকপশিংনা খুৎশম্নদুনা পুন্না হোৎনরিবা থৌওংশিং অসিনা পান্দম ফংবদা তেংবাংবগা লোয়ননা মাইক্রো ইরিগেসনগী মখাদা অহেনবা লৌফম কয়া পুশিল্লকপা ঙমদুনা লৌউবা খুন্নাইদসু কান্নবা কয়া অমা পীগনি।
![](https://static.pib.gov.in/WriteReadData/userfiles/image/image002JBY6.jpg)
হীরম অসিগী তেক্নিকেল ওইবা থৌওংশিংগী মতাংদা পেনেল দিস্কসন কয়া অমসু পাঙথোকখ্রে। ভারতকী লৌউ-শিংউবদা ঈশিং নীংথিনা শিজিন্নবা হেনগৎহন্নবগী পেনেল অসি নিতি আয়োগকী মেম্বর প্রোফঃ রমেশ চন্দনা লুচিংবনি। মাইক্রো ইরিগেসন্না কোনবা মফমশিং হেনগৎহন্নবগী পেনেল অসিনা লৌউ-শিংউবা অমসুং লৌউবগী য়াইফ য়ুম্বালগী এম.ও.এস. শ্রী পরশোত্তম রুপালানা লুচিংখি অমসুং প্রিসিসন ইরিগেসন সীস্তেম অমসুং প্রাইবেৎ সেক্তরগী থৌদাংগী মতাংদা ফমখিবা পেনেল অসিনা দি.এ.সি. অমসুং এফ.দবল্যু.গী এদিস্নেল সেক্রেতরী দাঃ অল্কা ভারগবানা লুচিংখিবনি।
থৌরম অসিদা লৌউ-শিংউবা অমসুং লৌউবগী য়াইফ য়ুম্বালগী কেন্দ্রগী রাজ্য মন্ত্রী শ্রী কাইলাশ চৌধারিসু শরুক য়াখি। রাজ্য সরকারগী অখঙ-অহৈশিং, নাবারদ, ইরিগেসন এসোসিএসন, ৱাতর তেক্নোলোজিস্ত, কনফেদেরেসন ওফ ইন্দিয়ন ইন্দস্ত্রী (সি.আই.আই.), ইন্তর্নেস্নেল ৱাতর মেনেজমেন্ত ইন্সতিত্যুৎনা লৈবাক অসিদা লৈরিবা লৌউ-শিংুবগী সেক্তরদা ঈশিং নীংথিনা শিজিন্নবা হেনগৎহনবগী মতাংদা মরু ওইবা ৱাফম কয়া থম্নখি। ভারত সরকার অমসুং রাজ্য সরকারগী তোঙান তোঙানবা বিভাগশিং, থবক পাঙথোক্নবা শেন্নবা এজেন্সীশিং, এন.সি.পি.এ.ঐচ. অমসুং চাউখৎপা লৌউবা খরানা ৱেবিনার অদুদা শরুক য়াখি।
****
(Release ID: 1652873)
Visitor Counter : 174