কেন্দ্রগী মন্ত্রী পরিষদকী  ঐহাক্কী মরূপ শ্রী হরদীপ সিংহ পুরীজী, মধ্য প্রদেশকী মুখ্য মন্ত্রী ইনাও শিবরাজজী রাজ্যগী মন্ত্রীমন্দলগী অতৈ মীহুৎশিং, লৈঙাক্কা মরি লৈনরিবা মীওইশিং প্রধানমন্ত্রী স্বনিধি য়োজনাগী খুদোংচাবা ফংবিরিবশিং অমসুং থৌরম অসিদা য়াওরিবা মধ্যপ্রদেশ অমসুং মধ্যপ্রদেশকী মপান্দগী লাকপিরিবা নুংশিরবা ইচিল-ইনাও অমসুং ইচে-ইচলশিং পুম্নমক। 

খ্বাইদগী  অহানবদা প্রধান মন্ত্রী স্বনিথি য়োজনাগী খুদোংচাবা ফংবিরিবশিংগী মফমদা নুংঙাইবা ফোংদোকচরি। হৌজিক ঙৈহাক্কী মমাংদা ঐহাক্না অসিগুম্বা মরূপ খরগসু ৱারী শান্নখ্রে। মখোয়গী ৱাফমশিং অদুদা থাজবা অমা, আশা অমা উই। মসিগী থাজবসিনা প্রধান মন্ত্রী স্বনিধি য়োজনাগী য়াম্না চাউরবা থৌনানি। অদোমগী হোৎনবা কনবগী থৌনানি, অদোমগী ইকাইখুম্নবা অমদি ইপাঙ্গলবু ঐহাক্না নোল্লুক্না খুরুমরি।  প্রধান মন্ত্রী স্বনিথি  য়োজনাগা লোয়ননা মাংজিল থানা চংশিনমিন্নরিবা মরূপশিং পুম্নমকপুসু য়াইফ পাউজেল পীজরি। মরুওইনা  মধ্য প্রদেশ অমসুং শিবরাজ তীমগী মফমদা নুংঙাইবা ফোংদোকচরি। মখোয়না থা ২ খক্তমক হোৎনবিদুনা মধ্য প্রদেশতা স্ত্রীৎ ভেন্দর লাক্ষ ১দগী হেনবদা স্বনিধি য়োজনাগী খুদোংচাবা ফংহনবিরি। কোরোনা লৌজরবসু অসুক তেনবা মতম অসিদা স্ত্রীত ভেন্দর লাক্ষ ৪দা শকখং চে পীবা, সর্তিফিকেৎ ওফ ভেন্দিং পীবিরিবা অসি য়াম্না অচৌবা থবক্নি হায়না ঐহাক্না খঞ্জৈ।

অতোপ্পা রাজ্যশিংনসু মধ্য প্রদেশতগী শোইদনা ইথীল পীবিরমগনি অমসুং হিন্দুস্তানগী সহর খুদিংমক্তগী স্ত্রীৎ ভেন্দর তৌবিরিবা ইচিন-ইনাওশিম শেল ফংহন্নবা অদোম্না নিংথিনা থবক তৌবিয়ু।

মরূপশিং, মালেমসিদা অৱাবা তারবা মতমদা, লায়চৎ লাকপা মতমদা লাইরবা ইচিল-ইনাওশিংদা খ্বাইদগী ইহান-হান্না চৈথেং ফংহল্লি।  নোং কা হেন্না চুরবসু লাইরবশিংনা অৱাবা নংই, কা হেন্না ইংলবসু লাইরবশিংনা অৱাবা নংই। লাইরবনা থবক ফংদবগী অৱাবা মায়োক্নৈ, থক্ন-চানবগী অৱাবা মায়োক্নৈ, মখোয়না তুংশিঞ্জবা শেলসু লোইনা লোইশিনখি। লায়চৎ অসিনা অসিগুম্বা অৱাবশিং অসি পুদুনা লাকই। ঐখোয়গী লাইরবা ইচিল-ইনাওশিং, লেবরশিং, স্ত্রীৎ ভেন্দরশিংনা খ্বাইদগী য়াম্না অৱাবা অসি নংই। অতোপ্পা সহরদা থবক তৌবা ইচিল-ইনাওশিং কয়া অমা লায়চৎ অসিনা মরম ওিদুনা ময়ুম-ময়ুমদা হল্লকপা তাখি। অমসুং মালেমগী ওইনা থোক্লিবা কোরোনাগী লায়চৎ অসিগী হানবা নুমিত্তগী হৌনা সরাকরনা, লৈবাক অসিনা অৱাবশিং অসি হন্থহন্নবা থৱায় য়াওনা হোৎনমিন্নসি। লৈবাক অসিনা অৱাবা তারবা মতম অসিদা চানবগী অৱাবা, চেং-চাক্কী অৱাবা কোক্নবা লেম্না গ্যাস সিলিন্দরসু পীখি। প্রধান মন্ত্রী গরীব কল্ান য়োজনা অসিদগী মীওই লাক্ষ কয়াদা থবক পীখি। লাইরবশিংগীদমক্তা লেপ্তনা হোৎনরিবশিং অসিদা য়াম্না নিংথিনা য়েংশিনবিনবগী মথৌ তাবা অমা লৈখি। মসি স্ত্রীৎ ভেন্দরশিং অমসুং থেলাদা পোৎ য়োনবা ইচিল-ইনাওশিংনি। স্ত্রীৎ ভেন্দর লাক্ষ কয়ানা থবক হোৎনরগা মখোয়গী ইমুং-মনুং থাকই।  কোরোনানা কৈথেল থোং লোলহনখ্রে, মশা কলহৌনবা ময়ুমদা লৈনরে, মসিনা ঐখোয়গী স্ত্রীৎ ভেন্দল ইচিল-ইনাওশিংদা চৈথেং পীরি, মখোয়গী লল্লোন-ইতিক্কী থবক্তা চৈথেং পীরি। মখোয়গী অৱাবা কোকহন্নবগীদমক্তা প্রধান মন্ত্রী স্বনিথি য়োজনা হৌদোকখি।  

মসিগী য়োজনাসিগী পান্দমদি মখোয়দা অনৌবা অমা পাংথোকহনবা ঙম্বা, মখোয়গী থবক অদু অমুক হন্না তৌবা হৌবা ঙম্নবনি, মসিগীদমক্তা লাইনা শেল ফংনবনি।  

স্ত্রীৎ ভেন্দর লাক্ষ কয়াগী নেতৱর্কসি সিস্তেমসিদা অচুম্বা মওংদা শমজিন্নহল্লিবা, মখোয়বু মশক খংবিবসিসু অহানবা ওইননি। স্বনিধি য়োজনা, স্বনিধিগী মশানা থবক পীজবা অসি মশানা তেংবাংজবা অমদি মসানা মশাগী ইকাই খুম্নবা ঙাকচবগী খোংচৎকী অথোইবা তাঙ্কক্নি।

মরূপশিং, স্বনিধি য়োজনাগী মতাংদা ময়ামদা খংহনখ্রে। ঐহাক্না ৱারী শান্নজখিবা মরূপশিংনা মসিগী মতাংদা য়াম্না খংই। অদুবু তেংবাংগী মথৌ তাবা খুদিংমক,  স্ত্রীৎ ভেন্দর খুদিংমকপু য়োজনাসিগী মতাংদা নিংথিনা খংলবদি লাইরবা ইচিল ইনাওশিংনা য়াম্না কান্নবা লৌবা য়াগনি। চুম্নগী মীচম অমনসু শম্নহনবা য়ানবা য়োজনা অসি য়াম্না লাইবা মওংদা শেমখ্রবনি। হৌজিক ঐখোয়গী ইচল অর্চনাজীনা হায়বিখিবদা য়াম্না লাইবা মওংদা থবক পাংথোকখ্রে হায়বিখিবা অদুগুম্না।  মঙোন্দা অৱাবা অমত্তা লৈখিদে। মসিদা স্ত্রীৎ ভেন্দর, থেলা তৌবশিংনা চে পীশিন্বা কুইনা পরেং লেপ্তুনা ঙাইনদনবা তেক্নোলোজীগী থোংদা থবক পাংথোকহনখ্রে।  অদোম্না কমন সর্ভস সেন্তরশিং, ম্যুনিসিপাল ওফিস, বেঙ্ক ব্রাঞ্চতা চত্তুনা অদোমগী এপ্লিকেসন অদু অপলোদ  তচৌবা য়ারে।  মসিদা নত্তনা বেঙ্ককী ব্যুজিনেস করেসপোন্দেন্ত অমসুং ম্যুনিসিপালিতীগী থবক তৌবা মীনসু অদোমগী ইনাক্তা লাক্লগী এপ্লিকেসন অদু লৌরুবা য়াই। অদোমদা খুদোংচাবা অসি অচুম্বনি খন্নবা অদোম্না মসিবু শিজিন্ননবা অরাইবা মওংদা শেম্নবা হোৎনখি। মরূপশিং, মসিনা অদোম্বু শেন্দোইদগী মপুং ওইনা নান্থোকপসু ঙমহল্লগদবা য়োজনানি। য়োজনাসিদগী চাদা ৭কী শেন্দোই কোকপিরগনি। অদুবু অদোম্না ৱাফম মচা খরা চেকশিন্না তৌবিবা তারবদি মসিসু পীদবা য়াগনি। অদোম্না চহি অমগী মনুংদা বেঙ্কতগী লৌখিবা লোন অসি শিংলবদি শেন্দোই হুল্লোই। মসিদা নত্তনা অদোম্না শেল লৌথোক-লৌশিন তৌবা য়াগনি, হোলসেলরশিংদসু মোবাইলদা শেল পীবা য়াগনি অদুগা অদোমদগী লৈরিবশিংনসু মোবাইলদগী লৈরবদি অদোমগী একাউন্তা সরকারগী মায়কৈদগী মনা ওইনা কেশবেক ফংগনি। হায়বদি সরকারনা অদোমগী একাউন্তা শেল খরা তোঙান্না হাপ্পক্কনি। মতৌ অসিগুম্না অদোম্না তাল্লিবা সেল অদুনা অতোমগী শেন্দোইদগী হেন্না য়াম্না ফংলগনি। মসিদা নত্তনা অদোম্না মথংগী লোন লৌবা তারবদি লোন হেন্না লৌবগী খুদোংচাবা ফংগনি।

অদোম্না লিশিং ১০ লোন লৌরবা, অদুগা অদোমগী থবক অদু নিংথিনা তৌরবা অদুগা অদোম্না লুপা লিশিং ১৫গী মথৌ তারবা লিশিং ১৫ ফংগনি অদুগা অমুকশু থবক নিংথিনা তৌরবা অদু ওইরবদি লিশিং ২০ ওিবা য়াই, লিশিং ২১ ওইবা য়াই, লিশিং ৩০সু ফংবা য়াই। , অদুগা হৌজিক অহানবদা ঐখোয়গী ছগনলালনা হায়বিখিবদা শরুক তরা ওিহনবা পাম্মি হায়না হায়বিখি। মসি তাবা মতমদা য়াম্না নুংঙাই। মরূপশিং, হৌকিবা চহি ৩-৪গী মতমসিদা দিজিতেলদী পীথোক-পীশিন অসি য়াম্না কন্না তৌনরক্লি। কোরোনাগী মতম অসিদা মসি অদুক্কী মতিক মথৌ তাবা ওই হায়বসি খন্নরে।  হৌজিক কস্তমরশিংনা কেশ ওইনা পীনবদগী কল্লে। চুমদ্রিংনা মোবাইলদগী পেমেন্ত তৌনরে।  মরম অসিনা ঐখোয়গী স্ত্রীৎ ভেন্দর তৌবিরিবা মরূপশিংনা দিজিতেল ওইনা দুকান ফম্বা অসিদগী শোত্থহৌদনবা তৌবা য়ারে।

ঐখোয়গী কুশৱাহাজীগী থেলাদা ক্যু.আর. কোদ হাপ্পগা তৌবা উখি। হৌজিক চাউর-চাউরবা মোলশিংদসু মসি তৌনদ্রি। ঐখোয়গী লাইরবা নুপা খুদিংমক্না অনৌবা অমা তম্নবগী থৌরাং তৌদুনা লৈনরে। মসিগীদমক্তা বেঙ্কশিং অমসুং দিজিতেল পেমেন্তকী খুদোংচা পীরিবশিংগা পুন্না অনৌবা থবক অমা হৌদোকখ্রে।

হৌজিক বেঙ্কশিং অমসুং ওর্গনাইজেসনশিগী মীহুৎনা অদোমগী ভেন্দরশিং, থেলাশিংদা লাক্তুনা ক্বি.আর.কোদ পীরগনি। করম্না শিজিন্নগদবনো হায়বসু তাকপিরগনি: ঐহাক্না স্ত্রীৎ ভেন্দরশিংদা মখোয়গী শেল-পীতোক পীসিনগী থবক অসি দিজিতেলদা তৌনবা অমদি মালেমগী মমাংদা অনৌবা খুদম অমা পুথোক্নবা অপীল তৌজরি।

মরূপশিং, তেক্নোলোজী শিজিন্নদুনা ঐখোয়গী চান-থক্নবগী লল্লোন-ইতিক তৌবিরিবা মরূপশিং, ঐকোয়না স্ত্রীৎ ভেন্দর হায়না খংনরিবশিং অসিদা ওনলাইন প্লেৎফোর্ম পীনবা য়োজনা শেমখ্রে। হায়বদি চাউরবা রেস্তোরেন্তকুম্না স্ত্রীৎ ভেন্দর-তেলা তৌবশিংনসু কস্তমরশিংদা ওনলাইন দেলিভরী তৌবা ঙম্নবা, খুদোংচাবা পীনবা হোৎনরি অমসুং নুমিৎ খরনিগী মতুংদা অদোম পুম্নমক্না মাংজিল থানা চংশিনবা ঙম্লবদি ঐখোয় খুদিংমক মাংজিল থানা চংশিল্লগনি। মচতৌ অসিগুম্না স্ত্রীৎ ভেন্দর, ভেন্দরশিং, থেলা তৌবশিং, ইমুং-মনুংগী থবক তৌবশিংনা খুমাং চাউশিল্লগনি , মখোইনা শেল য়াম্না তাল্লগনি। মরূপশিং, স্ত্রীৎ ভেন্দরশিংগা মরি লৈনবা য়োজনা য়াম্না থুনা থবক পাংথোক্লি। প্রধান মন্ত্রী স্বনিথি য়োজনাগা মরি লৈনবা স্ত্রীৎ ভেন্দরশিংনা খোয়গী পুন্সি অদু লাইতোক্না হিংনবা মরুওইবা খুদোংচাবশিং ফংনবসু তৌগনি। হায়বদি স্ত্রীৎ ভেন্দর-নত্রগা থেলা তৌবা ঐহাক্কী ইচিল-ইনাওশিংনা  উজ্বলা গ্যাস কনেক্সন লৈবরা লৈতবরা, মখোয়গী য়ুমদা মৈ শম্বরা শমদবরা, আয়ুষ্মান ভারত য়োজনাগা শম্নরবরা শম্নদবরা,নোংমদা পৈশা ৯০ ফংবা মখোয়গী ইন্সুরেন্সকী স্কীমগী কান্নবা ফংলিবরা নত্রগা ফংদবরা,মখোয়গী অফবা য়ুম লৈবরা নত্রগা লৈতবরা হায়বা ৱাফম পুম্বা য়েংগনি। লৈতবশিংগীদমক্তা হান্না থবক পায়খৎকনি।

মরূপশিং, .ঐখোয়গী লৈবাকসিদা লাইরবশিংগী মতাংদা ৱা য়াম্না হায়খি অদুবু লাইরবশিংগী ওইনা হৌখিবা চহি ৬সিদা পাংথোক্লিবা অসিগুম হান্না অমুক্তা পাংথোকখিদ্রি, তৌরাং অমত্তা তৌবিখিদ্রি। পোৎ অমগা অনিশুবা পোৎ অমগা মরি লৈনহনবা, অনিশুবা পোৎ অদুনা  অহুমশুবা পোৎকা মরি লৈননবা, পোৎ খুদিংমক শিঙ্গৎপা ঙম্নবাঅদি লাইরবগা লান্থেনবা ঙমহন্নবা পাঙ্গল ফংহন্নবা অমদি মশানা লাইরবসু মায়থিবা পীদুনা লাইরবা কোকহনবা ঙম্নবা  মায়কৈ অদুদা মথং-মথং খোং থাংজিল্লক্তুনা থবক ম.য়াম অমা অমুক্তা পায়খৎখিদ্রি। লম খুদিংমক্তা, সেক্তর খুদিংমক্তা লৈরম্বা লাইরবা-তোল্লবা-নমথবিরবা-ইন্থোকপিরবশিংগী অৱাৎ-অপা লৈবশিংদা সরকারনা য়োজনাশিং অসিনা মখোয়গী মপাঙ্গল ওইহন্দুনা লাক্লি।  

ঐখোয়গী লৈবাক অসিগী লাইরবশিংনা বেঙ্কী তোং ফাওবা য়ৌনা চৎপা ঙম্লমখিদে। প্রধান মন্ত্রী জনধন য়োজনাগী থোংদগী লৈবাক অসিগী লাইরবা, হন্থবা কাংলুপকী মী করোর ৪০দগী হেনবগী বেঙ্ক একাউন্ত হাংবিখ্রে। মসিগী জনধন একাউন্ত অসি ঐখোয়গী লাইরবগী বেঙ্কা শম্নবা অসিনা লাইনা লোন পংবা ঙম্লিবনি, শেন্দোই তাবশিংগী খুবামনুংদগী নান্থোকপা ঙম্লিবনি। মসিগী বেঙ্ক একাউন্তশিং অসিগী মরম্না   লাইরবশিংনা সেল পীজদনা য়ুম ফংলিবনি, লৌমীশিংদা চুমদ্রিংনা শেল অদু মকোগী একাউন্তা য়ৌহল্লিবনি। কোরোনাগী মতম অসিদা লৈবাক অসিগী ইচে-ইচল করোর ২০দগী হেনবদা জনধন একাউন্তা লুপা করোর লিশিং ৩১ অসি জনধন য়ো জনানা মরম ওইরগা পাপ্পিবা ঙমখ্রে। মতৌ অসুম্না লৌমীশিংদা সম্মান নিধিদগী লৈবাক অসিগী লৌমীগী ইমুং করোর ১০দগী হেনবগী বেঙ্ক একাউন্তা লুপা করোর লিশিং ৯৪দগী হেন্না চুমদ্রিংনা হাপখ্রে। মরূপশিং, ঐখোয়গী লাইরবা অসিনা চহি কয়াসিদা জনধন একাউন্তগী, বেঙ্কিং সিস্তেমগা শম্নহল্লিবা অসিনা অনৌবা থবক অমা হৌদোকখ্রে। য়াম্না থুনা সহরগুম্না ঐকোয়গ খুঙ্গংদসু ওনলাইন মার্কেৎকা শম্নরগনি, মালেমগী কৈথেল অসি খুঙ্গংফাওবা য়ৌবা ঙম্লগনি।  অগস্ত ১৫দা লৈবাক অসিনা মসিগীদমক্তা ৱাশক অমা শকখ্রে। লৈবাক সিগী খুঙ্গং খুদিংমক অসি নুমিৎ লিশিং অমদা দিজিতেল ফাইবরগা শ্মনহল্লগনি। হায়বদি খুঙ্গং খুদিংদা, যুম খুদিংদা ইন্তর্নেৎ শম্নরগনি।  মসিগী দিজিতেলগী ক্রান্তী অসিগী কান্না অসিসু খুঙ্গংশিংদা য়াম্না থুনা লাইরবশিংদা য়ৌহল্লগনি। মতৌ অসিগুম্না দিজিতেল হেল্থ মিশন অসিসু হৌদোকখি। হায়বদি ইরৈচা খুদিংমক্না হেল্থ আই.দি.ফংলগনি। অদোমগী ৱারোলপুম্বা মসিদা য়াওগনি। মসিগী আই.দি.গী মতেংনা দোক্তরদগী ওনলাইন্দা এপোইন্তমেন্ত লৌবা য়াগনি, হেল্থ চেকঅপ অমসুং রিপোর্তশিং অদুসু য়েংহনবা য়ারগনি। হায়বদি মা.কৈ অমদা য়েংলুরগদি হান্নদি প্রধান মন্ত্রী সুরক্ষা বীমা য়োজনা অমসুং প্রধান মন্ত্রী জীবন জ্যোতী য়োজনাদী বীমা সুরক্ষা ফংলে, অদুগা আয়ুষমান ভারত্তগী লুপা লাক্ষ মঙাফাওবা লায়েংনবগী লেম্না পীরে অমসুং হৌজিক দিজিতেল হেল্থ মিশন্দগী লাইনা লায়েংবগী থবকসু পায়খৎলি।  মরূপশিং, লৈবাক অসিদা লৈরিবা ইরৈচা খুদিংমক্না লাইনা পুন্সি হিংনবা, ইরৈচা খুদিংমক পাহ্ল কন্নবা অমদুগা খ্বাইদগী চাউবা ৱাফম্না মরোমদোম লেপচবা ঙম্নবা হোৎনরি। হন্দক্তা সরকারনা সহরশিংদা অদোমগুম্বা মরূপশিংগী চানবা ভরাদা অফবা য়ুম ফংহন্নবগীসু অচৌবা য়োজনা অমা হৌদোকখ্রে। লৈবাক অমা রাসন কার্দ অমগী খুদোংচাবদগী অদোম্না লৈবাক অসিগী মফম অমদা হেক্তা চৎপা মতমদা অদোমগী চেং শরুক অদু অহোংবা মমলদা লৌবা য়ারগনি, অদোমগা লোয়ন-লোয়ননা চৎলগনি। । মরূপশিং, হৌজিক অদোম্না নৌনা থবক হৌদোকপা তারগদি অদোম্না খরা শোইদনা চেকশিন্না তৌবগী মথৌ তাগনি। কোরোনা ভেক্সিন পুথোক্ত্রিবফাওবা, থৌওং অমা লৈত্রিবফাওবা কোরোনা অসি খুদোংথিনিংঙাই ওইখিগনি। অসিগুম্বসিদা অদোম্না অদোমগী কস্তমরশিং শোই ঙামদনবসু চেকশিনগদবনি। মাস্ক ওইরো, খুৎ হাম্বা ওইরো, অদোমগা মনাক নকপদা লু-নান্না থম্বা ওইরো, গজ অনি লাপ্ননা লৈবা ওইরো, করিগুম্বা ফীভম অমত্তদা য়াশিন্নবা তৌরোইদবনি। প্লাস্তিক অমত্তা শিজিন্নদনবা হোৎনগদবনি। অদোম্না কোরোনাদগী ঙাকথোক্নবগীদমক্তা অদোম্না থেলা নত্রগা স্ত্রীৎতা তৌবা অদুগুম্না তৌবা য়াবা থৌরাং তৌরবদি মীশিংনা হেন্না থাজগনি অদুগা অদোমগী দুকান অদুসু ফগৎলক্কনি। অদোম্না ইসানা চৎন-কাোলোনশিং অসি ঙাক্না চৎকদবনি অদুগা ইমাংদা লৈরিবশিংসু ঙাক্নবা হায়জগদবনি। অদোম পুম্নমকপু অসিগী অনৌবা থবক হৌদোকপা অসিগীদমক্তা নুংঙাইবা ফোংদোকচরি। অদোম হকচাং ফনা লৈবিয়ু, অদোমগী ইমুং হকচাং ফনা লৈবিয়ু, অদোমগী লল্লোন-ইতিক অদু হেন্না-হেন্না চাউখৎপা ওইরসনু হায়জবগা লোয়ননা য়াইফ-পাউজেল পীজরি। 

হন্না-হন্না থাগৎচরি!

*****