সোসিয়েল জস্তিস অমসুং ইম্পৱার্মেন্ত মন্ত্রালয়
থাগৎখিবা:
09 SEP 2020 1:57PM by PIB Imphal
কেন্দ্রগী সোসিএল জস্তিস অমসুং এম্পাৱর্মেন্তকী মন্ত্রী শ্রী থাৱর্চান্দ গেহলোৎনা সেপ্তেম্বর ৭, ২০২০দা সোসিএল জস্তিস অমসুং এম্পাৱর্মেন্তকী বিভাগকী স্কিম পুম্নমক্কী ২০২০-২১গী এক্সন প্লান ৩৩ য়াওরিবা লাইরিক অমা ফোঙখ্রে। কেন্দ্রগী মন্ত্রালয়, শরুক য়ারিবা রাজ্য সরকারশিং অমসুং এন.জি.ও.শিংগী ফংগদবা পান্দমশিং অমসুং মরু ওইবা তাঙ্কক অদু য়ৌবা ঙম্নবা পান্দম অমগা লোয়ননা স্কিম অমমমগী ওইনা পুম্নমক য়াওরবা চহিগী এক্সন প্লান ২০২০-২১ অমা সোসিএল জস্তিস অমসুং এম্পাৱর্মেন্তকী বিভাগনা শেম্লিবা অসি অহানবনি। লাইরিক অসি সোসিএল জস্তিস অমসুং এম্পাৱর্মেন্তকী বিভাগকী স্কিম পুম্নমক্কী চহিগী এক্সন প্লান ৩৩ য়াওবা কলেক্সন অমনি অমদি মসি শেন-থুমগী, মহৈ-মশিংগী চাউখৎপা পুরক্না অমসুং সেদ্যুল্দ কাস্তশিং, অদর বেকৱার্দ ক্লাসশিং (ও.বি.সি.শিং) অমসুং অহল ওইরবা প্রজাশিং, দ্রগ শীজিন্নরুরবা মীওই, ত্রান্সজেন্দর, দিনোতিফাইদ, নমেদিক অমদি সেমি-ওমেদিক ত্রাইবশিং (দি.এন.তি.শিং)দা চনবা মীওইশিং খন্নাই অসিদা শৌগৎপীনবা শেমখি।
থৌরম অসিদা ৱা ঙাংলদুনা শ্রী গেহলোৎনা হায়খি ভারত সরকারনা চহিগী এক্সন প্লান ২০২০-২১গী মখাদা মহৈ-মশিংগী ওইবা, শেন-থুমগী, খুন্নাই চাউখৎহন্নবা অমসুং রিহেবিলিতেতিব প্রোগ্রামশিং লৌখৎতুনা লায়রবা অমদি শোত্থরবা মীওই কাংলুপশিং থৌনা হাপতুনা পুম্নমক য়াওবা খুন্নাই অমা শেমগৎনবগী ৱাখল্লোন অদু মাই পাক্নবা হোৎনরি। শেনবা চহি ২০১৯-২০দা বেনিফসরী করোর ২.৩৫গা লোয়ননা তোঙান তোঙানবা স্কিমশিংদা পুন্না চাদিং তৌখিবা শেনফম অদু লুপা করোর ৮৬০২.৫৩ ওইখি অদুবু চৎলিবা শেবা চহি অসিদা বজেদ অসি লপা করোর ৯৯৩৩.৩৩ (১৫.৪৬% হেনগৎপা)দা হেনগৎখ্রে অমসুং বেনিফিসরীশিংগী মশিং অসিসু বেনিফিসরী করোর ৪.৯১ (১১০.৬% হেনগৎপা) ওইবা য়াবগা লোয়ননা চাউনা হেনগৎলবা য়াই পান্নরি। বিভাগকী মঙলান অদুগী মরু ওইবা তাঙ্কক অমা মাই পাকপা ওইরগনি অমসুং অনৌবা ভারত অমা শেম্বসু ঙম্লগনি হায়না মন্ত্রীনা মখা তাখি।
সোসিএল জস্তিস অমসুং এম্পাৱর্মেন্তকী বিভাগকী স্কিমশিং
১. সেদ্যুল্দ কাস্তশিং অমসুং অতোপ্পা বেকৱার্দ ক্লাসশিংদা লেম্না কোচিং পীবা, সেদ্যুল্দ কাস্তশিংগী নেস্নেল ফেলোশিপ অমসুং সেদ্যুল্দ কাস্তশিংগী অৱাংবা থাক্কী এজুকেসন
- এস.সি.শিংগী তোপ ক্লাস এজুকেসন স্কোলরশিপ স্কিম, এস.সি.শিং অমসুং ও.বি.সি.শিংগী ফ্রী কোচিং স্কিম অমসুং এস.সি.শিংগী নেস্নেল ওভরসীস স্কোলরশিপ স্কিমগী মখাদা তেংবাং ফংনবগী ইনকমগী লিমিৎশিং অসি চহি অমদা লুপা লাখ ৬.০০তগী লুপা লাখ ৮.০০দা শেমদোকখ্রে।
- ফ্রী কোচিং স্কিম ইমপ্লিমেন্ত তৌবগী অনৌবা মওং চৎনহনখ্রে মসিগী মখাদা ইলিজিবল ওইবা এস.সি.শিং অমসুং ও.বি.সি.শিংগী মহৈরোয়শিংনা মখোয়না অপাম্বা ইন্সতিত্যুত্তা কোচিং তৌনবগী তেংবাং ফংগনি।
- তোপ ক্লাস স্কিম অসি চহি অমদা সীৎ ১৫০০ লৈরম্বদগী সীৎ ৪২০০দা হেনগৎহন্নখ্রে। আই.আই.তি.শিং/এন.আই.তি.শিং/ এন.আই.আর.এফ.কী মকোক থোংবা ইন্সতিত্যুতশিংগুম্বা ইন্সতিত্যুতশিং হাপচিনখ্রে।
- মমিং লৈরবা মালেমগী ওইবা ইন্সতিত্যুতশিং (মকোক থংবা ১০০০)দা মিং চনখ্রবা মহৈরোয়শিংগী ওইনা এস.সি.শিংগী নেস্নেল ওভরসীস স্কোলরশিপ স্কিম অসি শেমদোকখ্রে।
২. প্রধান মন্ত্রী আদর্শ গ্রাম য়োজনা:
- পি.এম.এ.জি.ৱাই.গী মখাদা অপুনবগী চাউখৎ থৌরাংগীদমক অহেনবা এস.সি.গী মরু ওইবা খুঙ্গং ৩৫৮৪ লৈহন্দুনা অপুনবা খুঙ্গং ১৩১৯৯ শুখ্রে।
৩. দ্রগ দিমান্দ রিদক্সনদা নেস্নেল এক্সন প্লান:
- সবস্তেন্স য়ুজনা খ্বাইদগী হেন্না শোকহল্লবা জিলা ২৭২দা নশা মুক্ত ভারত অভিয়ান হৌদোকখ্রে। অভিয়ান অসি ওগস্ত ১৫, ২০২০দা হৌদোকখি অমদি মার্চ ৩১, ২০২১ ফাওবা চত্থগনি।
৪. চাক্নীবশিংগী রিহেবিলিতেসনগীদমক্তা ইন্তিগ্রেতেদ প্রোগ্রাম:
- চাক্নীবা মীওইশিং পাক্তক্ননা রিহেবিলিতেসন তৌনা প্রোজেক্ত অমা মন্ত্রালয়না লৌখৎখ্রে। প্রোজেক্ত অসি পাইলোৎ সহর ১০দা লৌখৎকনি মদুদি দিল্লী, মুম্বাই, কোলকতা, চেনাই, হাইদ্রবাদ, বেঙ্গলুরু, লকনৌ, পত্না, নগপুর অমসুং ইন্দোরনি। পাইলোৎ ১০ অসি ২০২০-২১ চহিদা তৌগনি।
৫. সিনিয়র সিতিজেনশিংগীদমক নেস্নেল এক্সন প্লান:
- চহি অসিদা য়ামদ্রবদা সিনিয়র সিতিজেনগী হোম অমা জিলা অমমমদা থমগনি।
- সিনিয়র সিতিজেনগী নেস্নেল এক্সন প্লান এমেন্দ তৌখ্রে অমসুং চৎনহনখ্রে–
- সিনিয়র সিতিজেন-দে ক্যের সেন্তরগী সেল্ফ হেল্প গ্রুপশিং হিংগৎহনখ্রে।
- চহি অসিগী মনুংদা সিনিয়র সিতিজেনগী নেস্নেল হেল্পলাইন অমা লিংখৎতুনা সেন্তর অদুগা রাজ্য সরকারশিং, দিস্ত্রিক্ত এদমিনিস্ত্রেসনশিং অমসুং এন.জি.ও.শিংগা লিঙ্ক লৈহন্দুনা অহল ওইরবশিংগী ৱাকৎ কোকহনগনি।
- সিনিয়র সিতিজেনগী নেস্নেল হেল্পলাইন অমা লিংখৎনবা প্রপোজেল অসি কন্না খন্নরি অমসুং চহি অসিদগী মথৌ তৌবা হৌহনগনি।
৬. নেস্নেল সফাই কর্মচারিস ফাইনান্স এন্দ দিবেলপমেন্ত কোর্পোরেসন (এন.এস.কে.এফ.দি.সি.)
ভারত সরকারগী সোসিএল জস্তিস অমসুং এম্পাৱর্মেন্ত মন্ত্রালয়গী মখাদা লৈরিবা এপেক্স কোর্পোরেসন অমা ওইরিবা নেস্নেল সফাই কর্মচারিস ফাইনান্স এন্দ দিবেলপমেন্ত কোর্পোরেসন (এন.এস.কে.এফ.দি.সি.)না মেছিন শীজিন্নদুনা শেংদোকপা হেনগৎনবা অমসুং মেন্যুলগী খুদোংথিবা থোক্কদবা মওংদা শেংদোকপা অদু হন্থহন্নবা ৱাখল্লোনগা লোয়ননা অনৌবা স্কিম অমা হৌদোকখ্রে মসিনা স্বচছতা উদ্যামি য়োজনা (এস.য়ু.ৱাই.)গী মখাদা লুপা লাখ ৫ ফাওবা পীবা খুশু-খুলাই লৈবদা কেপিতেল সবসিদী ৫০% ফংহন্দুনা তার্গেৎ গ্রুপশিংদা মেছিন শীজিন্নদুনা শেংদোকপগী খুশু-খুৎলাইগী প্রোক্যর্মেন্ত অমসুং চল্লাইনবা শেলগী তেংবাং পীগনি।
৭. প্রোতেক্সন ওফ সিবিল রাইৎস এক্ত ১৯৫৫ অমসুং প্রিবেন্সন ওফ এত্রোসিতীস এক্ত ১৯৮৯ চৎনহন্নবা মেছিনরীগী মপাঙ্গল কনখৎহনবা:
- ৱেবতা য়ুম্ফম ওইবা সেল্ফ-সর্ভিস পোর্তেল য়াওবা পি.সি.আর. এক্ত ১৯৫৫ অমসুং পি.ও.এ.এক্ত ১৯৮৯গী এৱের্নেস অমসুং মপুং ফানা ইমপ্লিমেন্ত তৌনবা এস.সি.শিং/এস.তি.শিংদা তথি-তওইনা তৌবগী ময়োক্তা নেস্নেল হেল্পলাইন অমা লিংখৎপা
৮. এস.সি.শিংগী পোস্ত মেত্রিক স্কোলর্শীপ:
- ২০২০-২১গী মনুংদা এস.সি.শিংগী পোস্ত মেত্রিক স্কোলর্শীপ স্কিমগী মখাদা অহেনবা মহৈরোয় লাখ ১০ কোনশিন্নবা প্রপোজ তৌখি।
- স্কিম অসিগী মখাদা লৈবা বেনিফিসরী খুদিংমক য়াওবা সেন্ত্রেল দেতাবেজ অমা শেমলগনি।
৯. অদর বেকৱার্দ ক্লাসেসকী পোস্ত মেত্রিক স্কোলর্শীপ:
- কেন্দ্রদগী ফন্দশিং নিয়ম চুম্না থাদনবা স্তেৎ এক্সন প্লান তঙাইফদনা শেমগদবনি।
- মসিনা বেনিফিসরী লাখ ৩৫ ফাওবা হেনগৎনবা প্রপোজ তৌখি।
১০. বিস্বাস:
- “বঞ্চিৎ ইকাই সমু ওর বরগোন কি আর্থিক সহেতা য়োজনা ( বিস্বাস য়োজনা)” অসি সেদ্যুল কাস্তশিং অমসুং চহিগী ফেমিলি ইনকম লুপা লাখ ৩ ফাওবা ওইবা ও.বি.সি. সেল্ফ হেল্ফ গ্রুপশিং/ ইন্দিবিদ্যুলশিংদা কান্নবা পীনবনি।
- স্কিম অসিগী মখাদা এস.সি. অমসুং ও.বি.সি. সেল্ফ হেল্ফ গ্রুপশিং/ইন্দিবিদ্যুলশিংনা শেন্দোই ৫%দা বেঙ্ক লোনশিং লৌবা য়াগনি। বিস্বাস য়োজনা অসি এম.ও.এস.জে. অমসুং ই.গী অপুনবা কোর্পোরেসন হায়বদি নেস্নেল সেদ্যুল কাস্তস ফাইনান্স দিবেলপমেন্ত কোর্পোরেসন (এন.এস.এফ.দি.সি.) অমসুং নেস্নেল বেকৱার্দ ক্লাসেস ফাইনান্স এন্দ দিবেলপমেন্ত কোর্পোরেসন (এন.বি.সি.এফ.দি.সি.)না ইমপ্লিমেন্ত তৌগনি।
- লাইচৎ অসিগী মনুংদা স্কিম অসিনা ও.বি.সি. অমসুং এস.সি. মেম্বরশিং চাউনা মতেং পীবদা অমসুং শেন্দোইগী অৱাবা হন্থবদা মতেং পাংলগনি।
*****