হ্যুমেন রিসোর্স চাউখৎ-থৌরাংগী মন্ত্রালয়

এজুকেসন মন্ত্রালয়না শিকশক পর্ব থৌরাংগী মখাদা সেপ্তেম্বর ১০ অমসুং ১১দা ২১শুবা চহি চাদা স্কুল এজুকেসন হায়বসিদা নুমিৎ নিনিগী কনক্লেব অমা পাঙথোক্কদৌরি


প্রধান মন্ত্রী শ্রী নরেন্দ্র মোদীনা সেপ্তেম্বর ১১, ২০২০গী কনক্লেব অসিদা ৱা ঙাংগদৌরি

শিকশক পর্ব হায়বসি ওজাশিংবু থাগৎপা ফোংদোকপা অমসুং অনৌবা এজুকেসন পোলিসী ২০২০ অসিবু মাংজিল থানা পুখৎনবগীদমক সেপ্তেম্বর ৮দগীনা ২৫, ২০২০ ফাওবা পাঙথোক্লি

Posted On: 09 SEP 2020 5:56PM by PIB Imphal

এজুকেসন মন্ত্রালয়না শিকশক পর্ব থৌরাংগী মখাদা সেপ্তেম্বর ১০ অমসুং ১১দা ২১শুবা চহি চাদা স্কুল এজুকেসন হায়বসিদা নুমিৎ নিনিগী কনক্লেব অমা ওনলাইনগী থোংদা পাঙথোক্কদৌরি। কনক্লেব অসিগী অহৌবা নুমিত্তা, এন.ই.পি. অখন্নবা থিম খরা মওং চুম্না থবক ওইনা পায়খৎলিবগে হায়বগী মতাংদা প্রিন্সিপাল অমসুং ওজাশিংদা মীৎয়েং থমগনি। লৈবাক্কী থাক্তা ইকাই খুম্নবা উত্তুনা মনা পীখ্রবা ওজাশিং অমসুং ক্রিএতিব ওইবা ওজাশিংসু কনক্লেব অসিগী শরুক অমা ওইগনি। প্রধান মন্ত্রী শ্রী নরেন্দ্র মোদীনা সেপ্তেম্বর ১১, ২০২০গী কনক্লেব অসিদা ৱা ঙাংগনি। মমাংদসু ওগস্ত ৭, ২০২০দা ভিদিও কনফরেন্সকী থোংদা পাঙথোকখিবা 'নেসনেল এজুকেসন পোলিসীগী মখাদা হায়র এজুকেসন্দা শেমদোক শাদোকপগী মতাংদা পাঙথোকপা কনক্লেব'তা প্রধান মন্ত্রীনা হৌদোক ৱারোল পীখি।

নুমিৎ নিনি চত্থগদবা কনক্লেব অসিদা স্কুল এজুকেসনগীদমক এন.ই.পি.গী মরুওইবা থিমশিংগী মতাংদা ভাপ তানবগীদমক এক্সপর্ত প্রেক্তিসনরশিংনা খন্ন-নৈনগনি। মাইগোবতা ফংখিবা ওজাশিংনা পীখ্রৎলকপা সজেসন খরসু নৈনগনি।

শিকশক পর্ব হায়বসি ওজাশিংবু থাগৎপা ফোংদোকপা অমসুং অনৌবা এজুকেসন পোলিসী ২০২০ অসিবু মাংজিল থানা পুখৎনবগীদমক সেপ্তেম্বর ৮দগীনা ২৫, ২০২০ ফাওবা পাঙথোক্লি। মন্ত্রালয় অসিনা এন.ই.পি. অমসুং মসিবু থবক ওইনা পায়খৎপা হায়বসিদা ৱেবিনার পরিং কয়া পাঙথোক্কনি। থিমশিংনা এজুকেসন সিস্তেমগী স্তেকহোল্দর কয়াদা পান্দম থমগনি অদুবু, হায়রিবসি স্কুল, ওজা, মমা মপা, মহৈরোইশিংদসু কান্নবা ফংগনি।

*****



(Release ID: 1652712) Visitor Counter : 170