কনফেদরেসন ওফ ইন্দিয়ন ইন্দস্ত্রীস (সি.আই.আই)না ভর্চ্যুল প্লেৎফোর্মদা ঙসি সেপ্তেম্বর ৮, ২০২০দা রেল কন্নেক্তকী অনিশুবা ইদিসন শিনখ্রে। কনফেদরেসন অসিনা ইন্দিয়ন রেলৱেজকী তুংলমচৎকী থৌরাংশিং, লমদম অসিগী ওইবা মেন্যুফেকচরিং অমসুং ভারত্তা রেলৱে ইন্দস্ত্রীগী ইজ ওফ দুইং বিজিনেস  অমসুং পব্লিক প্রাইবেৎ পার্তনরশিপ, তেক্নোলোজী, অর্বান মোবিলিতী, স্তেসন শেমগৎপা, লোকোমোতিব মতম অসিগা চান্নহনবা, রেল ফ্রাইৎ, কম্ম্যুনিকেসন তেক্নোলোজী অমসুং রেলৱে সিস্তেমদা অশোই-অঙাম য়াওদনবা, হকশেল অমসুং কুইনা শানা চত্থবা ঙম্নবা স্তেন্দর্দশিং য়াওনা রেল ত্রান্সপোর্তেসনদা লনাই ইন্দস্ত্রীগী থোরক্লিবা খুদোংচাবশিং অসিগী মতাংদসু মীৎয়েং থমখি। থৌরম অসিদা রেলৱেজ অমদি কম্মর্স অমসুং ইন্দস্ত্রীগী শ্রী পিয়ুশ গোয়ল, রেলৱে বোর্দকী চ্যেরমেন অমসুং সি.ই.ও. শ্রী বিনোদ কুমার য়াদব, সি.আই.আই.গী দিরেক্তর জেনরেল শ্রী চন্দ্রজিৎ বেনর্জী অমসুং ইন্দস্ত্রীগী লুচিংবশিংনা শরুক য়াখি।

থৌরম অসিগী হৌদোকপগী সেসন্দা শ্রী গোয়লনা ৱা ঙাংলদুনা হায়খি, "ইকাই খুম্নরিবা ভারতকী প্রধান মন্ত্রী শ্রী নরেন্দ্রা মোদীনা ইন্দিয়ন রেলৱেজ অসি লৈবাক অসিগী চাউখৎপা পুরক্নবা ইঞ্জিন ওইরি হায়না হায়খি। মহাক্কী ৱাখল্লোন্দি ইন্দিয়ন রেলৱেজ অসিদা রেলৱেজকা মরী লৈনবা থবক ওইনা পাংথোকপগী ৱাখল্লোনশিং ঙাকপগা লোয়ননা কস্তমরশিংদা অনৌবা তেক্নোলোজী অমসুং অফবা সর্বিস ফংহনবা ঙম্বা তোঙান্না লৈজবা ঙম্বা অমা ওইহনবা অসিনি। রেলৱেজতা অওনবা পুরকপা ঙমখ্রে। কোবিদকী তাঙ্কক কয়াদা ইন্দিয়ন রেলৱেজনা পন্দুনা লৈরম্বশিং কোকহন্নবা, শেমজিন-শাজিন্নবা, শ্রামিক ত্রেন চেনহনবা, ফ্রাইৎকী সিয়র পুরকপা, থৌনা হাপ্পগী থবক থৌরমশিং, পোলিসীদা অহোংবশিং পুরকপা, লনাই সেক্তরগা থবক পাইখৎমিন্নবা, তেক্নোলোজী প্রোবাইদরশিং ওইবা, ইনফ্রাস্ত্রকচর ফগৎহন্নবগী খুদোংচাবশিং ইন্দিয়ন রেলৱেজনা শীজিন্নখি। " মন্ত্রীনা হায়খি ইন্দিয়ন রেলৱেজনা নেৎ জিরো কার্বোন ইমিতর ওইনবা লম্বীদা কন্না চংশিল্লি। মহাক্না লোজিসতিক সেক্তরদা শেল চংদবা পাম্বৈশিং ফংহন্নবা অমসুং লোজিস্তিক্কী মমলশিং হন্থহন্নবা ইন্দস্ত্রীগী লুচিংবশিংদা ইন্দিয়ন রেলৱেজকা লোয়ননা চুংশিন্ননবা হায়খি। মহাক্না হায় আত্মনির্ভর রেলৱেজ অসি রেলৱেজ অমসুং ইন্দস্ত্রী অনিমক্না শরুক য়াবগী মখা পোল্লি।

রেলৱে বোর্দকী চ্যেরমেন শ্রী বিনোদ কুমার য়াদবনা মহাক্কী ৱারোলদা মতম অসিগা চান্নবা ওইহন্নবা, মরোমদোম লেপচনবা অমসুং গ্রীন রেলৱেজ ওইনবা মায়কৈদা ইন্দিয়ন রেলৱেজনা থাংজিল্লিবা তোঙান তোঙানবা খোঙথাংশিংগী মরমদা ঙাংখি। মহাক্না ইন্দিয়ন রেলৱেজতা অওনবা পুরক্নবা থৌরাং অমসুং ইন্দস্ত্রীগা লোয়ননা চুংশিন্নদুনা পার্তনরশিপ ওইনবা থোং হাংলি হায়না ফোঙদোকখি।

কনফরেন্স অসিগী মনুংদা তোঙান তোঙানবা ইন্দস্ত্রীগী লুচিংবশিংনা লোকদাউনগী মতমগী মনুংদা রেলৱেজনা লৌখিবা মরু ওইবা থৌদাং অমসুং রেলৱেজতা অহোংবশিং পুরকপা উবা ফংলিবা অসিবু থাগৎখি।

*****