প্রধানমন্ত্রীগী লোইশঙ
প্রধান মন্ত্রীনা সেপ্তেম্বর ৯, ২০২০দা মধ্য প্রদেশকী লম্বীদা দুকান ফম্বশিংগা ‘স্বানিধি সম্বাদ’ পাঙথোক্কনি
Posted On:
08 SEP 2020 2:51PM by PIB Imphal
প্রধান মন্ত্রী শ্রী নরেন্দ্র মোদীনা সেপ্তেম্বর ৯, ২০২০দা মধ্য প্রদেশকী লম্বীদা দুকান ফম্বশিংগা ‘স্বানিধি সম্বাদ’ পাঙথোক্কনি।
ভারত সরকারনা পি.এম. স্বানিধি স্কিম অসি জুন ১, ২০২০দা কোবিদ-১৯না শোকহল্লবা লম্বীদা দুকান ফম্বা লায়রবশিংবু মখোয়গী পুন্সি মহিংগী থবক থৌরমশিং নৌহৌননা অমুক হৌবা য়ানবা তেংবাংনবা হৌদোকখিবনি।
মধ্য প্রদেশতা লম্বীদা দুকান ফম্বা মীওই লাখ ৪.৫ হেনবনা রেজিস্তর তৌরকখি অমসুং দুকান ফম্বা মীওই লাখ ৪ হেনবদা দুকান ফম্বগী শক্তাক চে অমসুং সর্তিফিকেসন পীখ্রে। মতিক চাবা বেনিফিশরী লাখ ২.৪৫গী এপ্লিকেসন অসি বেঙ্ককী পোর্তেলগী খুত্থাংদা পীরকখি অমসুং মসিদগী মীওই লাখ ১.৪দা অয়াবা পীদুনা লুপা করোর ১৪০গী শেনফম কায়থোকখ্রে। মধ্য প্রদেশকী রাজ্য অসিনা খ্বাইদগী য়াম্বা এপ্লিকেসনগী অয়াবা পীখিবা রাজ্য ওইরে; লৈবাক পুম্বগী মশিংদগী রাজ্য অসিদগী শরুক ৪৭% লাকখি।
রাজ্য অসিদা লৈরিবা স্কিম অসিগী বেনিফিশরীশিংনা প্রোগ্রাম অসিবু মীয়ামগী মফমশিংদগী এল.ই.দি. স্ক্রীনশিংগী খুত্থাংদা য়েংবা য়াহন্নবা হায়দুনা ম্যুনিসিপাল বোদী ৩৭৮দা শিন লাঙলি।
প্রোগ্রাম অসি ৱেবকাস্তকী খুত্থাংদা শন্দোক্কনি অমসুং মসিগী প্রি-রেজিস্ত্রেসন তৌবগী থৌওংসু মাইগোবকী লিঙ্ক https://pmevents.ncog.gov.in/ অসিদা পাঙথোক্লি।
মধ্য প্রদেশকী মুখ্য মন্ত্রী শ্রী শিবরাজ সিংহ চাউহানসু ভিদিও কনফরেন্সিংগী খুত্থাংদা প্রোগ্রাম অসিদা শরুক য়াগনি।
প্রধান মন্ত্রীনা রাজ্য অসিদগী বেনিফিশরী অহুমগা মখোয়না দুকান ফম্লিবা মফমশিংদগী ভর্চুএলগী খুত্থাংদা উন্নদুনা ৱারী শাগনি।
***
(Release ID: 1652294)
Visitor Counter : 168
Read this release in:
Assamese
,
English
,
Urdu
,
Marathi
,
Hindi
,
Bengali
,
Punjabi
,
Gujarati
,
Odia
,
Tamil
,
Telugu
,
Kannada
,
Malayalam