নীতি আয়োগ
গ্লোবেল মল্তিদাইমেন্সনেল পোভর্তী ইন্দেক্স অমসুং ভারতকী মতাংদা প্রেসতা থাদোকপা চেরোল
Posted On:
07 SEP 2020 4:07PM by PIB Imphal
নীতি আয়োগতা নোদেল এজেন্সী অমা ওইনা গ্লোবেল মল্তিদাইমেন্সনেল পোভর্তী ইন্দেক্স (এম.পি.আই.)গী য়েংশিনবগী থৌওং শীজিন্নদুনা অহোংবা পুরক্নবগী থৌদাং শীন্নখ্রে। গ্লোবেল এম.পি.আই. অসি খনগৎলবা মালেমগী ইন্দাইস ২৯দা লৈবাকসিগী ফীভম য়েংশিন্নবা লৌখিবা ভারত লৈঙাক্কী ফিরেপগী শরুক্নি। “গ্লোবেল ইন্দাইসেস তু দ্রাইব রিফোর্ম্স এন্দ গ্রোথ (জি.আই.আর.জি.)” থৌওংগী পান্দমদি তোঙান তোঙানবা মরুওইবা খুন্নাইগী অমদি শেন্মিৎলোনগী পেরামীতরশিংদা ভারতকী ফীভম ওনবা অমদি য়েংশিনবা অমসুং হায়রিবা ইন্দাইসশিং অসি ইশাগী ফীভম ফগৎহন্নবগী খুৎলায় ওইনা শীজিন্নবা য়াহনবা, লৈঙাক্কী থৌরাংশিং কাচিন কোয়া শীন থুংনা পায়খৎপগী ফীভম ফগৎহনবগা লোয়ননা থৌশিলশিংদা অহোংবা পুরকপনি। কেবিনেত সেক্রেতরীনা জুলাই থাদা নোদেল এজেন্সী পুম্নমক্কা ৱর্কসোপ অমা পাঙথোকখি অমদি মদুদা মহাক্না পব্লিসিং এজেন্সীশিংগী চাং নাইনা ই-পাউ ফাওদোক ফাওজিন তৌবগী তঙাইফদবসু ফোঙদোকখি।
২. গ্লোবেল এম.পি.আই. অসি চাউখৎলক্লিবা লৈবাক ১০৭ কোনশিন্দুনা মায়কৈ কয়াগী ওইবা লায়রবগী ফীভম ওন্ননবা মালেমগী খুজিংনি অমদি মসি অহানবা ওইনা ২০১০দা ওক্সফোর্দ পোভর্তী এন্দ হ্যুমেন দিবেলপমেন্ত ইনিসিএতিব (ও.পি.ঐচ.আই.) অমসুং য়ুনাইতেদ নেসন্স দিবেলপমেন্ত প্রোগ্রাম (য়ু.এন.দি.পি.)না য়ু.এন.দি.পি.গী হ্যুমেন দিবেলপমেন্ত রিপোর্তকীদমক পুথোকখিবনি। গ্লোবেল এম.পি.আই. অসি চহী খুদিংগী জুলাই থাদা য়ুনাইতেদ নেসন্সকী হাই-লেবেল পোলিতিকেল ফোরম (ঐচ.এল.পি.এফ.) ওন সস্তেনেবল দিবেলপমেন্ততা ফোঙদোকপনি।
৩. গ্লোবেল এম.পি.আই. অসি মচি ওইবা চীঞ্জাক, অঙাঙ শিবগী চাং, মহৈ তম্বগী চহী, মহৈ তম্ফমশঙদা কাবগী চাং, চাকথোং শীং, খোঙহাম খুৎহাম্ফম, থক্নবা ঈশিং, মৈগী ফীভম, য়ুম অমদি য়ুমগী মপোৎ মচৈ হায়রিবা পেরামিতর ১০সিদা সর্ভে তৌখিবা য়ুমথোঙশিংগী স্কোরশিংদা য়ুম্ফম ওইদুনা হোৎপনি। মসিনা হকশেল অমসুং য়াইফ-য়ুম্বাল মন্ত্রালয় (এম.ও.ঐচ.এফ.দব্লিউ.) অমসুং ইন্তরনেসনেল ইন্সতিত্যুৎ ফোর পোপুল,এসন সাইন্সেস (আই.আই.পি.এস.)কী মিৎয়েঙ মখাদা পাঙথোকপা নেসনেল ফেমিলী হেল্থ সর্ভে (এন.এফ.ঐচ.এস.)পু শীজিন্নৈ। গ্লোবেল এম.পি.আই. ২০২০গী মতুং ইন্না, ভারত অসি এন.এফ.ঐচ.এস. ৪ (২০১৫/১৬)গী দেতাদা য়ুম্ফম ওইরগা এম.পি.আই. স্কোর ০.১২৩ অমসুং হেদকাউন্ত রেসিও চাদা ২৭.৯১ ওইদুনা লৈবাক ১০৭কী মনুংদা ৬২শুবদা লৈরি। শ্রী লঙ্কা (২৫শুবা), ভুতান (৬৮শুবা), নেপাল (৬৫শুবা), বঙ্গলাদেশ (৫৮শুবা), চাইনা (৩০শুবা), ম্যানমার (৬৯শুবা), অমসুং পাকিস্তান (৭৩শুবা) অসিনচিংবা য়ুম্লোন্নবা লৈবাকশিংসু ইন্দেক্স অসিদা রেঙ্ক চল্লি (ঐখোয়না লৈবাকশিং খন্দোক খঞ্জিন তৌবা য়াই।) ইনৌ নৌবা এন.এফ.ঐচ.এস. ৫ (২০১৯/২০)দা হায়রিবা পেরামীতরশিংসিদা, মরুওইনা খোঙহাম খুৎহাম্ফম, চাকথোঙ শীং, য়ুম-কৈ, থক্নবা ঈশিং অমসুং মৈগী ফীভমদা এন.এফ.ঐচ.এস. ৪গী মতুংদা অহেনবা মিৎয়েঙ চঙবা থৌরাংশিং অমসুং খুৎ থিংজিনবা কয়ানা মরম ওইদুনা লৈবাক্কী ওইনা শিংথানীংঙাই ওইনা ফীভম ফগৎলকপা উবা ফংলগনি। সর্ভে অসি কোবিদ-১৯ লাইচৎনা মরম ওইরগা লেপ্তুনা লৈরি।
এম.পি.আই.গী নোদেল এজেন্সী ওইনা, নীতি আয়োগনা মল্তিদাইমেন্সনেল পোভর্তী ইন্দেক্স কোওর্দিনেসন কমিতী (এম.পি.আই.সি.সি.) অমা শেম্লে। এদভাইজর (এস.দি.জি.) মিস সনয়ুক্তা সমাদ্দারনা চেয়রমেন ওইবা এম.পি.আই.সি.সি. অসিদা মরী লৈনবা মন্ত্রালয়শিং অমসুং দিপার্তমেন্তশিং, মমীং ওইনা পল্লবদা পৱার মন্ত্রালয়/দিপার্তমেন্ত, দব্লি.সি.দি., তেলিকম্ম্যুনিকেসন, এম.ও.এস.পি.আই., রুরেল দিবেলপমেন্ত, পেত্রোলিয়ম অমসুং নেচরেল গ্যাস, ফুদ অমসুং পব্লিক দিস্ত্রিব্যুসন, দ্রিঙ্কিং ৱাতর অমসুং সেনিতেসন, এজুকেসন, হাউজিং অমসুং অর্বান এফ্যার্স, হকশেল অমসুং য়াইফ য়ুম্বাল, অমদি ফাইনেন্সিএল সর্ভিসেসতগী মেম্বরশিং য়াওরি। হায়রিবা মন্ত্রালয়/দিপার্তমেন্তশিং অসি ইন্দেক্স অসিগী পেরামিতর ১০সিগা চাননা লৌখৎপনি। পব্লিসিং এজেন্সী ওইনা ও.পি.ঐচ.আই. অমসুং য়ু.এন.দি.পি.দগী এক্সপর্তশিংসু মখোয়গী তেক্নিকেলগী ওইবা খঙহৈবশিংগীদমক মসিদা য়াওহল্লি। এম.পি.আই.সি.সি.গী অহানবা হৌদোকপগী মীফম সেপ্তেম্বর ২, ২০২০দা পাঙথোকখি। স্তেতশিং অমসুং য়ু.তি.শিংগী রেঙ্ক ওন্নবা এম.পি.আই. পেরামিতর দেসবোর্দ অমসুং স্তেত রিফোর্ম এক্সন প্লান (এস.আর.এ.পি.) শেমবা খুমাঙ চাউশিনবা থাক্তা লৈরে। এস.আর.এ.পি. অসি মাঙদা চঙশিন্নবা এম.পি.আই.সি.সি.না মথঙদা স্তেত অমসুং য়ু.তি.শিংগী মীহুৎশিংগা লোয়ননা ৱর্কসোপ অমা পাঙথোক্কদৌরি।
******
(Release ID: 1652187)
Visitor Counter : 224